Irunek ez du alkate euskalduna merezi
Irunen, Gipuzkoako bigarren hiri populatuenean (61.000 biztanle), Antxeta Irratiak zuzeneko itzulpena baliatuz mahai-ingurua egin berri du alkategaiekin, eta hauek hitz goxoak izan dituzte euskararentzat.
Iridoy, Soto, Laborda, Mitxelena, Gómez eta Álvarez.
Euskarak “la máxima importancia” duela entzun diogu Ahal Duguko David Soto gazteari, “un diez”. PSOEko zinegotzi Cristina Labordaren esanetan, “entre la imposición y la seducción, siempre hemos optado por la seducción” (gaztelaniak seduzitu ditu sozialistak orain arte, udal gobernutik daramaten hizkuntza politika ikusita), eta Irabaziko hautagai Proko Gómezen antzera, “queremos una ciudad plural en la que cada uno viva en el idioma que desee”. Artze castellanizatzera ere ausartu da Ciudadanoseko Javier Álvarez, erabileran indarra egin behar dela azpimarratuz, “ya que una lengua no se pierde porque los que no la saben no la aprenden, sino porque los que la saben no la hablan”, azaldu digu. Xabier Iridoy (EAJ) eta Oinatz Mitxelena (EH-Bildu) izan dira euskaraz hitz egin duten hautagai bakarrak.
Garbi eta zuzen mintzatu zaie Aitziber Zapirain Antxetako esataria: “Oso baikor entzun zaituztegu euskarari buruz hitz egiten, baina seitik bi bakarrik ari zarete euskaraz. Ea hemendik lau urtera mahai-ingurua errepikatu eta denok euskaraz egin dezakegun”. Publikoak gogoz txalotu ditu hitzok.
Donostiaren atzetik Irun den arren alkatetzarako hautagai gehien dituen Gipuzkoako hiria, eta mahai-ingurura gerturatu ez diren PP eta UPyDko alkategaiek euskaraz ez dakitela kontuan hartuta, dirudienez Irunek ez du alkate euskalduna merezi, hauteskundeetara aurkeztu diren zortzi alderdietatik seirentzat.
Irungo psoek euskararekiko duen errespetua argi eta garbi ikusi da etxeetan utzitako oharrean, honelako perlak irakur daitezke:
“Zure etxera gerturatu nahiz Iruneri buruz hizt egiteko.”
“Ez zaituz etxean aurkitu”
“Zerbai esan nahi baldinba didazu,”
Tamalgarria eta lotsagarria