Mai23 4

“Afrikarrak tentelak garen ideia dago Gobernuz Kanpoko Erakundeen proiektuen atzean”

“Gobernuz Kanpoko Erakundeak Afrika salbatzera datoz euren proiektuekin. Ez dugu behar inork salbatzerik, guk geuk egin dezakegu. Proiektu onak dira, baina atzean ezkutatzen duten ideia da afrikarra bere burua antolatzen ez dakien tentela dela. Ez dugu nahi Afrikara ikastetxe bat eraikitzera etortzerik, Mendebaldeak gure baliabideak esplotatzeari uztea nahi dugu, afrikarra gutxiesteari uztea”.

David Dieye 32 urteko senegaldarra da mintzo dena, Marta Saizek egindako elkarrizketan. 2006an, amets europarrak itsututa pateran alde egin zuen Afrikatik eta Bartzelonan kaleko saltzaile da egun. Atzerriak, ordea, ez dio harrera ona egin: “Europan, beltza eta afrikarra bazara, gaixotasun mortala daukazu. Arrazakeria Europan ezagutu nuen. Ilegalak garela diote. Atxilotu egiten gaituzte. Eskuburdinak jartzen dizkigute. Iraintzen eta deportatzen gaituzte. Europarrentzat ez gara gizakiak. Gobernuz Kanpoko Erakundeak harro mintzatzen dira Afrikan egiten dituzten medikuntza lanez, baina ahaztu egiten dute ehunka afrikarrek ezin dugula medikura joan Europan [agiri gabeak garelako]”.

“Afrikan animalia basatiekin bizi al ginen galdetu zidaten”

Ezjakintasuna, topikoak eta aurreiritziak ere gertutik ezagutu ditu: “Afrikan animalia basatiekin bizi al ginen galdetu zidaten. ‘Bai, etxeko egongelan bost lehoi, lau pantera eta hiru elefante genituen’, erantzun nion. Senegalen aireporturik ba ote genuen ere galdetu zidaten eta nik ezetz, Afrikan hegazkina apur bat jaitsi eta salto egiten genuela. Europarrak azkarragoak zirela uste nuen, baina halako galderekin ez dakit zer pentsatu”.

Muina argi du Dieyek: “Topikoen arazoa da Afrikari buruzko gaiak jorratzeko interes gutxi dagoela hezkuntzan. Oso tristea da Afrikaz dagoen irudia beti izatea gosez hiltzen den umea, lehoiak, matxete bidezko gerrak eta beltzak erdi biluzik”.

Migratu ostean izango zuen bizimodua aurretik jakin izan balu, ez lukeela inoiz alde egingo. Halaxe dio senegaldarrak.

4 Iruzkin

asier | 2016-05-23 at 10:25

GKEak behintzat konturatu dira tenteletan tentela geu gerala , hainbeste ikasteari esker besteak beste.
GKE batzuk hor dabiltza elikadura subirautzaz eta agroekolojiaz baserriatarrik gabeko ekimenak antolatzen.

Reply
Ilargi Berria [Facebook bidez] | 2016-05-23 at 13:27

Esan nahi nuke, eta ez dira nire hitzak, kontu handia eduki behar da laguntza ematerakoan … guk laguntza moduan uler dezakeguna, oso kaltegarri izan baidaiteke.
Aditu batek esan zidan behin, “badakite non gauden, laguntza behar dutela uste dutenean-laguntza behar dutenean, etorriko dira beraiek eskatzera!”

Hainbat tokitan ur sistemak eraiki dizkiete … honek bere bizimodua erabat aldatzen du, zera; uraren bila joate hori, eguneroko harreman sozialak suposatzen dute, inguruko zein urrunago dauden herrixkekin hartu-emana, hau oso aberatsa da eurentzat, etab. Baina ur sistema herriraino ekarria dutenean, uraren bila joatean zituzten harremanak galtzeaz gaiz, zein harreman berriak ez egiteaz gain, denbora hori beste gauzetara/lanetara zuzentzea dagokie … eta emakumeek berez egiten dituzten lanez gain orain denbora ‘librea’ omen dutenez, gizonek ganadua zaintzera behartzen dituzte, etab. Eta bestalde gizonek, lan zein ardurak emakumeen gain utziaz; beren oitura, afizio eta adikzioak desbideratu eta garatzen dituzte.

Gauza bera gertatu zen hainbat tokitan, eguzkiko sukaldeak eraman eta oparitu zitzaizkienean … aparailu horrek lana eta denbora aurrezten ziela eta, emakumea gizonaren lanak egitera behartua izan zen, etab.
Ba halako batean, emakumeek beraiek, gauez eta ezkutuan, eguzki sukalde guztiak kontzientziaz txikitu zituzten.

Benetan pakean utziko balituzte, beraiek beraien inguruarekin gara daitezen eskubidea itzuliko balitzaile … Afrika lapurtzea, gaixotzea, hiltzea, zein desitxuratzea utziko balute, laguntza baino gehiago, aspaldidanik eman beharreko lehen pausua litzateke.

Reply
Bele Zuria | 2016-05-23 at 18:03

Evaristoren hitzak oraindik GKE-rik ez zegoenean. Bete betean jotzen dutenak

Has venido a salvarme
de la otra parte del mundo
me traes la solución
a todos mis problemas
pero eso es por tu cuenta y riesgo yo
quiero saber
quién cojones te ha mandao.
Una patada en los huevos
es lo que te pueden dar.
Vete a salvar a a tu viejo
sólo pretendes cobrar…

Reply
Lierni Tsunkinuki [Facebook bidez] | 2016-05-24 at 9:33

Ilargi Berria guztiz ados zurekin. Senegal eta senegaldar asko ezagutzeko aukera izan dut… hori da topikoak apurtzeko modurik hoberena, beraien errealitateak ezagutzea beren hitzetatik!
Eta ez dugu haztu behar Afrika kontinente bat dela, ez herrialde bat, Afrikan errealitate ezberdin asko daude, dauden herrialde guztien ainakoak! wink emoticon

Reply