Genero berdintasuna ikasgaia emango dute Galiziako ikastetxeetan
Irailetik aurrera, eta hala eskatzen duten ikastetxeetan, genero berdintasunari buruzko ikasgaia izango dute 12-14 urteko ikasleek Galizian. Astean ordubeteko iraupena izango du eta erabaki aitzindaria da Espainiako Estatuan.
Parekidetasuna curriculumean eta ikasgai guztietan modu transbertsalean lantzen dela gogoratu dute Xuntatik, baina horri eskaintza berri hau gaineratuko diotela, gaia espezifikoki jorratzeko. Hautazko ikasgaia izango da eta besteak beste berdintasun gaietan gazteak kontzientziatzea, diskriminazio egoeren aurrean espiritu kritikoa bultzatzea, halakoak saihesteko prebentzioa sendotzea eta genero eta sexu-joera anitzak gizartearentzat aberastasuna direla azpimarratzea izango dituzte mintzagai.
Xuntatik espero dute ikastetxe askok egitea bat ekimenarekin eta argi dituzte helburuak: gazteak baloreetan heztea eta “denontzat eskola justuagoa” lortzea.
Gaiari lotuta:
Iruzkinik ez
Trackbacks/Pingbacks