“On the milky road”, Kusturicarik eszentrikoena, muturrekoena

Atalak: Zinema, Zinemaldia 2016

Alegoria bat omen da Emir Kusturicaren azken filma, sinbolismoz beteriko istorioa. Eszentrikoa ere bada On the milky road, muturrekoa, eroa. Eszena harrigarri eta ederrak ditu, baina huts egiten du osotasunak.

Eszena bikainak eraiki ditu zuzendari serbiarrak, komikoak, gehiegizkoak, poetikoak (sarri, animaliak tarteko): bizitza duen erlojua, tximeleta atzeman nahi duten militar traketsak, dantzan dakien hegaztia, ispiluarekin obsesionatuta dagoen oiloa, herritarren festa handia, sugearekin garaturiko harremana… baina piezak bat ez badatoz, zentzua galtzen du puzzleak, eta metaforaren aitzakian eskaintzen dizkigun pasarte surrealista-onirikoek ere ez gaituzte konbentzitu.

Gerra testuinguru, maitasun istorio tragikoa kontatzen du On the milky road lanak, esanahi eta mezu ezkutuak gordetzen dituen maitasun istorioa, ziur, baina guk ez ditugu harrapatu.

PERLAK

On the milky road

Zuzendari eta gidoilaria: Emir Kusturica.

Aktoreak: Emir Kusturica, Monica Bellucci, Predrag Manojlovic, Slovoda Micalovic.

Serbia-Britainia Handia, 125 minutu.