Bozkatzera joan eta deskubritu zuten euren partez bozkatu zutela jada
Ez bat, ez bi, kongregazio bereko hiru mojari gertatu zaie, Eusko Legebiltzarrerako azken hauteskundeetan bozkatzera joan direnean: izena esan eta horra sorpresa, ezin dutela bozkatu erantzun dietenean, postaz aurretik botoa emana zutelako jada… euren izenean.
Haserre mintzatu ziren mojak Irungo hautes-mahaian, eurek ez zutela postaz bozkatu eta beraien izenean bidali zuten eskutitza irekitzeko, ea zein alderdiren aldeko botoa eman omen zuten ikusteko. Mahaikoek zalantzarako zuten telefonora deitu eta ezetz, halakorik ezin dutela egin. Eta Demokraziaren Festa delakoan parte hartu ezinik buelta erdi eman behar izan zuten mojek, galderaz beteta: bozkatzera joan ez ziren kongregazioko zenbat moja gehiagoren partez bozkatu ote zuten eta zeintzuek? Zenbati gehiagori gertatu ote zaio berdina? Nola da posible nahikoa izatea beste baten NAN fotokopia erakustea, postaz haren partez bozkatzeko? Zein beste zirrikitu eta zulo handi dituzte hauteskundeek?
Nik postaz bozkatu dut behin baino gehiagotan, eta bozkatzeko ziurtagiria lortzeko, pertsonalki joatea eskatzen da, NAN eskutan. Orijinala ta zurea. Handik egun batzutara, posta zertifikatuaz bidaltzen dizute, zuk pertsonalki jaso beharrekoa, eta behin ziurtagiria duzunean, edonork eraman dezake zure botua. Iruzurrerajo bi azalpen bururatzen zaizkit: mojaren NANarekin bere antza duen norbaitek ziurtagiria eskatu duela eta gerora karta zertifikatua jaso, edo Correoseko langileak ez duela bere lana behar bezala burutu. Iruzurrik gabe, gerta liteke mojak ez gogoratzea iada bozkatu duela. Pertsonalki edadetuekin ez litzateke arraroa izango.