Estereotipoetatik aske diren neska-mutilak hezteko unitate didaktikoa
Genero markadun estereotiporik gabe, garapen pertsonal askeak bultzatzea batetik; indarkeria jasateko beldur barik askatasunean bizitzeko beharrezkoak diren errespetu eta neurri sozialen kontzientzia hartzea bestetik. Helburu horiekin, ikastetxeetan adin eta maila ezberdinetan lantzeko material didaktikoa sortu dute.
Indarkeria matxistaren aurkako egunaren bueltan sortu du materiala Steilasek, Haur, Lehen eta Bigarren Hezkuntzara egokitua. Askatasuna da oinarria, ikasleei “zer da askatasuna?” galdetzea litzateke abiapuntua, eta hari horri tiraka, “jendarteak emakumeei inposatzen dizkien mugez eta gizon zein emakumeen estereotipoez gogoeta egitea” du xede, “taldeko irtenbideak bilatzeko”. Askatasunaz gain, izaera, ausardia, beldurra, mespretxua, elkarrizketa, jeloskortasuna, lotsa, eskuzabaltasuna, errespetua, segurtasuna… ere hitz gakoak dira, lanketarako.
Momo, Pipi, Billy Elliot…
Funtsean, gaiaren inguruan pentsarazteko taldekako ariketak, galderak eta eztabaida nondik nora eraman aholkatzen die irakasleei unitate didaktikoak. Adibideak ere ematen ditu, eta aproposak diren ikus-entzunezkoak, liburuak eta abestiak zerrendatzen ditu: Ferdinando, Momo, Matxote kontuz ibili, Gauaren erregina, Pipi Galtzaluze, Billy Elliot, Persepolis…
Iruzkinik ez
Trackbacks/Pingbacks