Une batez, futbolarekin berradiskidetua

Atalak: Gizartea, Kirola

Igandea da eta futbol partidua dute nerabeek Irunen: bat-batean, atzelariak gola sartu du bere atean, nahi gabe. Burumakur, eskuekin estali du aurpegia eta berehala joan zaio talde bereko atezaina, kontsolatzera. Taldekideek, lasai egoteko; publikotik, animo-txaloak eskaini dizkiote jokalarien guraso, senide eta lagunek; eta entrenatzailea deika hasi zaio. Mutikoak begiratu dionean, “ez dio batere axola, ados? Batere! –esan dio– Segi orain arte bezala jokatzen, aupa zu!”. Eta aitortuko dut, futbolaren inguruan sarri sortu ohi den giro toxiko eta lehiakorra ahaztu eta kirol honekin berradiskidetu naizela, une batez bederen.

Gaiaz gehiago:

– “Familian txapeldun bat nahi baduzu, entrena zaitez zeu, utzi umeari pozik jolasten”