Gurasoek eskatu dute irakasleak ezin dezala ikaslea gelatik kanporatu
Lleidako hainbat gurasok plataforma sortu dute, ikastetxe eta institutuetako arautegia aldatu eta irakasleak ezin dezan ikaslea gelatik kanporatu. Sinadurak bildu eta idatzia aurkeztuko diote Kataluniako Herriaren Defendatzaileari.
“Ikasgelatik kanporatzea muturreko neurria izatea nahi dugu, ekintza larriren bat ematen denean baino ez, eraso kasuetan”, dio Teresa Collado plataformako bozeramaileak. Kanporaketa erakunde independente batek erabaki beharko lukeela dio, “eta ez ikaslearekin gatazkaren bat duen irakasleak edo ikasketa buruak automatikoki”. Gurasoek anonimoki euren kasua kontatzea eta bildutako guztiarekin ekainaren 30ean Kataluniako Herriaren Defendatzaileari idatzia aurkeztea da asmoa.
Eta irakasleen erabakitzeko ahalmena?
Hainbat galdera sortu dizkigu albisteak. Ez al da kanporatzea irakasleek ere azken neurri bezala, salbuespen moduan erabiltzen duten alternatiba, eta beraz ez al da kasuan kasu guraso eta irakasleek elkarren artean hitz egin beharreko gaia, neurria orokorrean debekatu beharrean? Ez ote dute horrelako eskaerek irakasleen erabakitzeko ahalmena (eta autoritatea) murrizten? Ez ote dute halakoek irakaslearen lana eta profesionaltasuna auzitan jartzen?…
Orain dela gutxi artikulu batean gurasoak bere seme alaben sindikalista bihurtu direla irakurri nuen. Ez dakit zer espero duten lan mundura sartzen direnean, plataforma eraikiko dute lantokiko arauak aldatzeko?? Tontakeri galanta.
Guraso hoien seme alabak dira klase orduak 26ko gela batean ezertxo ere ez egiteko erabakia hartuta duten 7rekin (ulertuta ere arazo askoren ondorioz izan daitekelako hori, baina, gehienetan klase orduetan konpontzen ez diren arazoak), eta kostata bada ere, zer edo zer egin nahi dutenak? Egunero-egunero aspertu aurpegiarekin begiratzen dizutena, eta ez zu planteatzen dituzun lan, aktibitate, txapa etabarrengatik, baizik eta bere ikaskideen tontokeri, mozketa, partehartze nuloa, mehatxu etabarrez nazkatuta daudelako? Hau beti ere, irakasle bakarra izanda klase barruan noski, askotan epe baterako ordezkoa, eta baliabide eskasekin…
Ba hori aukerak badaudela baina ez direla zerutik etortzen eta kasuak kasu daudenez arautegia horrela ixtea ez delako inolako irtenbide onik inorentzat, ez ezer egin nahi ez duenarentzat, ez zer edo zee egin nahi duenarentzat, ezta irakaslearentzat ere (magistrala izan edo ez)
Irakasleak sartzen al gara gurasoen lan egiteko eran? Neurri batzuk agian ez dira onenak izango, baina batzutan ez dago besterik … aiiisss…
Beti daude aukerak…. eta akats asko egin dituen batek esaten dizu…
Ni ados, kanporatu beharrean gurasoa bera etor dadila seme-alabarekin klasean egon dadin talde ikasle talde osoak merezi duen ikaskuntza ez oztopatzeko