Bitxia, sexu abusuen aurka Gazteluetako zuzendaritzak erakutsi duen “determinazio sendoa”

2018-11-15  //  Sexu abusuak  //  2 iruzkin

Gazteluetako irakasle zena kondenatu dute, 12 urteko ikasleari sexu abusuak egin zizkiolako, eta ikastetxeko zuzendaritzak adierazi du “konpromisoa” eta “determinazio sendoa” dutela abusuen aurkako borrokan. Zein konpromiso baina? Sexu abusuak salatu zirenean ikastetxeak ez zuen protokoloa martxan jarri, ikuskariak hiru aldiz hala eskatu zion arren; urteotan irakaslea nabarmen babestu du zuzendaritzak, haren irudia garbitzen saiatu da; eta lazgarriagoa dena, neurriak hartu zituen biktima gezurretan ari zela sinetsarazteko. (gehiago…)

Eskolako gurasoen whatsapp taldeetan, belarriprest gutxi

2018-11-12  //  Euskara, Hezkuntza, Hizkuntzak  //  24 iruzkin

D ereduan ikasten duten ikasleen gurasoen whatsapp taldean, euskaraz idatzi eta sarri ia automatikoa izaten da beste gurasoren baten erantzuna: “En castellano por favor, para los que no entendemos en euskera”. Aste berean hiru kasu ezagutu ditut eta soluzio ezberdina planteatu dute hiruetan. (gehiago…)

Ikaslea egun batzuetarako kaleratzea, zeinentzako mesede?

2018-11-05  //  Hezkuntza  //  Iruzkinik ez

Desegoki jokatzen duen ikaslea egun batzuetarako eskolatik kanporatzea eraginkorra al da? Britainia Handiko batzorde parlamentarioan heldu diote gaiari, eta Euskal Herrirako ere balio du eztabaidak: zigor gisa ala opor moduan bizi du ikasleak? Ikasleak gogoetatzeko baino, ikasgelaren mesederako ez al da neurria? Ba al dago alternatiba hezitzaileagorik? (gehiago…)

Athleticeko alebinek 25-0 irabazi dute, eta polemika piztu da sarean

2018-10-29  //  Haurrak, Kirola  //  Iruzkinik ez

10-11 urteko haurren norgehiagokan, Athleticeko haurrek 25-0 irabazi diete aurkariei, eta sutu egin da jendea: beharrezkoa da halako gol festa? Ezin dira talde orekatuagoak osatu? Eta zertarako publikatu gol kopurua sare sozialetan? Atlheticen zaleak dira haserre daudenetako asko, eta sare sozialetatik emaitza ezabatzeko eskatu diote beren taldeari. (gehiago…)

Legebiltzarrera iritsi da EAErako Hezkuntza Lege egitasmoa. Zer jasotzen du eta zer ez?

2018-10-22  //  Hezkuntza  //  Iruzkinik ez

Heziberri famatua abiatu zuenetik Jaurlaritzak eskuartean duen EAErako Hezkuntza Legea Eusko Legebiltzarrera iritsi da azkenean; gaur eztabaidatuko dute alderdi politikoek. Egiatan, Legebiltzarrera eraman dutena oraindik ez da lege-proiektua ere, hausnarketarako dokumentu bat da, eragileen parte-hartze handiagoa behar zukeena eta uneotan mahai gainean dauden hainbat eztabaida inportante falta dituena.

(gehiago…)

Ikasleak ez kalifikatzea erabaki du Singapurreko Gobernuak

2018-10-15  //  Hezkuntza  //  Iruzkinik ez

Ez kalifikaziorik, ez gainerako ikasleekiko norbere maila zein den zehazten duen adierazlerik, ez rankingik. Lehenengo eta Bigarren hezkuntza osoan ikasleei ez zaie hurrengo urtetik aurrera notarik jarriko, eta hezkuntza sistematik azterketa eredu tradizionalak ezabatzeko helburua ere ezarri du Singapurreko Gobernuak, ikasleak modu hezigarriagoan ebaluatu daitezkeela sinetsita. “Ikastea ez da lehiatzea”, dio Hezkuntza ministroak. (gehiago…)

Irakasleak armairutik ateratzea, ikasleentzat mesedegarri

2018-10-11  //  Hezkuntza, LGTBIQ  //  Iruzkinik ez

Norbere identitatea natural bizi eta ikusgarri egiteko beharretik harago, beste arrazoi inportante bat ere aipatzen dute ikastetxean armairutik ateratzea erabaki duten LGTB irakasleek: eskolako curriculumetan aniztasuna oraindik hain hutsala denean, erreferente bihurtzen dira bakarrik sentitu daitekeen LGTB ikaslearentzat eta oro har ikasle guztientzat, eta bullyinga murrizteko lagungarria da. (gehiago…)

Komunera joateko laguntza behar duen ikasleari EHUk erantzun dio laguntza ikaskideei eskatzeko

2018-10-08  //  Aniztasun funtzionala, Unibertsitatea  //  5 iruzkin

Gasteizko campusean ikasturtea hasi aurretik, premia bereziak dituen Noelia Da Costa ikaslea EHUrekin bildu zen, eta bereziki nabarmendu zien laguntza behar duela oso oinarrizkoa den zeregin baterako, komunera joateko. Arazorik ez, erantzun zioten, “hau unibertsitate inklusiboa da”. Hiru aste geroago, oso bestelakoa da panorama eta EHUk esan dio ez dagoela zeregin hori beteko duen lanposturik. (gehiago…)

Legebiltzarrean ez da hil eskola-segregazioaren eztabaida. Orain zer?

2018-10-05  //  Diskriminazioa, Hezkuntza  //  Iruzkinik ez

Eskola-segregazioa gainditzeko herritarrek aurkezturiko lege-proposamena Eusko Legebiltzarrean eztabaidatzeari ateak itxi dizkiote EAJ, PSE eta PPk, baina oraindik soka luzea ekarriko du gaiak. Plataforma herritarrak presio egiten jarraitzeko asmoa du, Ikastolen Elkarteak udazkenean aurkeztuko du bere proposamena gaiaren inguruan, eta ikusteko dago Jaurlaritzak aurrera atera nahi duen hezkuntza legean nola jorratuko duen eskola-segregazioa.

Legebiltzarrean herri-ekimen legegilea atzera botatzen zuten bitartean, elkarretaratzea egin zuten eraikin kanpoan (argazkia: Rebeka Ubera)

(gehiago…)

Eskola-segregazioaren eztabaida, legebiltzarrean tabu?

2018-10-03  //  Diskriminazioa, Hezkuntza  //  Iruzkinik ez

Ostegun honetan bozkatuko dute Eusko Legebiltzarreko alderdiek: eskola-segregazioari aurre egiteko 17.000 herritarren babesa lortu duen lege-proposamena (10.000 sinadura nahikoa dira egitasmoa aurkezteko) tramiterako onartu ala eztabaida atzera bota erabakiko dute. Jaurlaritzak aurreratu du tramitearen aurka bozkatuko duela, eta haserre daude proposamenaren bultzatzaileak: hori da herri-ekimen legegileek merezi duten harrera? Noiz arte atzeratu hezkuntza segregazioaren gaia? Beldurra al zaio eztabaidari? (gehiago…)