Haizea alde behar du Hezkuntza sailburuak

2017-10-30 // Hezkuntza // Iruzkinik ez

EAEko hezkuntza publikoaren baldintzak hobetzeko eskatuz kalera atera da jendea asteburu honetan, Bilbo, Donostia eta Gasteizen. Erantzun zabala izan dute manifestazio deialdiek, baliabiderik gabe kalitatezko hezkuntzarik ez dagoela salatzeko. Hala, konfrontazio dinamikari eusten diote sindikatuek, haien aldarrikapenak eta Cristina Uriarte Hezkuntza sailburuaren proposamena elkarrengandik urruti baitaude oraindik. Negoziatzeko borondatea behintzat egon badago eta laster iritsiko diren bilera berrietarako, presio neurria izan nahi dute mobilizazioek (borroka asteak, sektorekako grebak eta greba orokorra daude aurreikusita). (gehiago…)

28ko manifestazioen atarian, adostasuna urruti

2017-10-25 // Hezkuntza // Iruzkinik ez

EAEko hezkuntza publikoko murrizketei aurre egiteko negoziaketen baitan, Jaurlaritzaren proposamena ez dute onartu sindikatuek: diote euren aldarrikapenen %5era ere ez dela iristen proposamena, baina jarrera aldaketa ikusi dutela administrazioan, borondate politiko kontua dela eta hezkuntzan egiten den inbertsioa handitzea dela gakoa. Hiriburuetan manifestazioak deitu dituzte larunbaterako. (gehiago…)

Erasoak eraso, lesbiana bat protagonista duen komikia argitaratuko dute

2017-10-23 // Diskriminazioa, Homosexualitatea // Iruzkinik ez

Komikiko pertsonaia da Ana, lesbiana eta umoretsua. Gehitu elkartearen aldizkarian ateratzen da 2013tik eta orain liburu bihurtu nahi dituzte haren bizipenak, bereziki gazteek eta nerabe lesbianek erreferente positiboak izan ditzaten. Asmo horri mezu homofobo, lesbofobo eta matxistekin erantzun dio hainbatek, baina garbi utzi du Gehituk: komikia kaleratuko dute, mezuek eurek erakusten baitute “gure gizarteak oraindik egin behar duen bide luzea sexuafektibitate eta genero aniztasuna normaltzeko”. (gehiago…)

Lantokiko sexu gehiegikeriei aurre egiteko, protokoloa

2017-10-17 // Indarkeria matxista // Iruzkinik ez

Harvey Weinstein produktoreak emakume aktoreen aurka urte luzez eta industriaren konplizitateaz egindako sexu jazarpen eta gehiegikeriak azaleratu ostean, bere produktoratik eta Hollywoodeko Akademiatik kanporatu dute. Gurean ere badira botere-harremana baliaturik lan munduan sexu-erasoak egiten dituztenak, ez ordea halakoak atzeman eta neurriak hartzeko protokoloa duten enpresa askorik. (gehiago…)

Ikasleek anfibio eta narrastiez putzuan ikasitakoa liburu bihurtu dute

2017-10-16 // Hezkuntza, Ingurumena, Natura // Iruzkinik ez

Garai batean putzu izandakoa baina denborarekin galdutakoa berreskuratu zuten Hernaniko Ereñotzu auzoan Txirrita eskola txikiko hezitzaile, ikasle eta gurasoek, eta putzua baliabide ezin hobea bihurtu zen matematikak, aldaketa klimatikoa, toponimia, animalien metamorfosia… eta oro har curriculumeko gaiak lantzeko. Ziraba proiektuan ikasitakoa liburura ekarri dute orain. (gehiago…)

“Hiperestimulazioaren munstroari etxeko atea ireki diogu”

2017-10-16 // Haurrak, Haurren haziera, Hezkuntza, Jolasa // Iruzkin bat

“Gaur egungo gurasoek formakuntza handiagoa dute, seme-alabentzat onena nahi dute eta pentsatzen dute, ‘erreminta hauek guztiak baldin baditut, zergatik ez erabili?’, baina ume hobeak hezi nahi horretan muturrera joan gara. Bizi dugun presio sozialari muga jarri behar diogu: ingelesa, txinatarra, igeriketa, baleta… Super-umeak sortzeko, goizegi eta gehiegi diren estimuluetara bultzatzen ditugu haurrak, sarri euren burmuinarentzat konplexuegiak diren zereginetara, edota aukeratu eta nahi ez dituzten jardueretara. Eta horrek estresa, blokeoa eta desmotibazioa eragiten du; hiperestimulazioaren munstroari etxeko atea ireki diogu”. (gehiago…)

Pausoka Eguna, behar bereziak dituzten haurren integrazioa helburu

2017-10-13 // Haurrak, Hezkuntza, Osasuna // Iruzkinik ez

Behar bereziak dituzten haurren guraso elkartea da Pausoka, diru etekin asmorik gabeko elkartea, “gure seme-alaben integrazioa eta eskubideak” lortzea helburu, eskolan, lanean eta beste edozein arlotan. Bihar, urriaren 14, Pausoka Eguna egingo dute Urnietan, elkarteak egiten duen lan handia laguntzeko. (gehiago…)

Eskolaz eskola doan liburutegi ibiltaria

2017-10-09 // Hezkuntza, Literatura // Iruzkinik ez

Ikastetxe guztiek ez dute nahikoa baliabide bertako liburutegia behar bezala hornitzeko, baina ikasturte honetan ere, eskolaz eskola joango da liburutegi ibiltaria: 130 liburutik gora biltzen dituen gurpildun kutxa handia, azken nobedadeak eta “euskal literaturako betiko liburu ezinbestekoak” hartuta, eta gutxienez hilabetez egongo da ikastetxe bakoitzean. Ez hori bakarrik. (gehiago…)

Gizonentzako berdintasun tailerretan ikusia eta ikasia

2017-10-09 // Feminismoa, Generoa, Sexismoa // Iruzkin bat

“Aldaketarekiko erresistentzia ezberdinak aurkitu ditut gizon askorengan: diskurtsoarekin ados egon ohi dira baina aldaketa zehatzekin ez hainbeste. Gizonak gutxi engaiatzen dituen gaia da berdintasuna eta uste dut gizonak inplikatzeko sortu behar direla ikasketa eta eztabaida eremu derrigorrezkoak, adibidez lanean promozionatzeari, zaintzari edo ikasketei lotuta”. Josetxu Riviereren gogoetak dira, gizonentzako berdintasun tailerretan formatzaile. (gehiago…)

Publikoaren Saria / Barretik negarrera

2017-10-01 // Zinemaldia 2017 // Iruzkinik ez

Jendeak barre egin nahi du, eta negar; sentitu, emozionatu. Beharbada horregatik irabazi du tragikomedia batek Publikoaren Saria. Tragikotik eta komedia beltzetik baduelako Three billboards outside Ebbing, Missouri dibertigarri bezain latzak. Barretik negarrera eta negarretik barrera trantsizioa natural egiteko, ongi harilkaturiko istorioa eta gidoi irmoa beharrezkoak dira, eta horiexek ditu oinarri Martin McDonagh-ek zuzendu eta idatzitako filmak. Iluna da Three billboards, sarkastikoa, zinikoa, ahobilorik gabe poliziaren torturez, arrazismoaz, minbiziaz edota Elizaren pederastiaz hitz egiteko gai; AEBrik ankerrena irudikatu du zuzendariak. Sakonean, mezu garbia, gorrotoak gorroto gehiago dakarrela, eta aurpegia ematen, Frances McDormand aktorea, ohi bezain fin, alabaren hiltzailea aurkitu arte amore emateko asmorik ez duen emakume indartsuaren rolean. (gehiago…)

Haizea alde behar du Hezkuntza sailburuak

28ko manifestazioen atarian, adostasuna urruti

Erasoak eraso, lesbiana bat protagonista duen komikia argitaratuko dute

Lantokiko sexu gehiegikeriei aurre egiteko, protokoloa

Ikasleek anfibio eta narrastiez putzuan ikasitakoa liburu bihurtu dute

“Hiperestimulazioaren munstroari etxeko atea ireki diogu”

Pausoka Eguna, behar bereziak dituzten haurren integrazioa helburu

Eskolaz eskola doan liburutegi ibiltaria

Gizonentzako berdintasun tailerretan ikusia eta ikasia

Publikoaren Saria / Barretik negarrera

Mikel Garcia

Azken bidalketak

Iruzkin berriak

Artxiboak

Kategoriak

Meta