Zergatik da hobea lau eguneko lan-astea?

2017-12-04  //  Ekonomia, Gizartea, Lana  //  Iruzkinik ez

“Irudikatu neurri bat, lortuko lukeena langabezia eta prekarietatea drastikoki jaistea, herritarron osasuna hobetzea, laneko produktibitatea handitzea, ingurumenari laguntzea, kontziliazioa erraztea, gizonak etxeko-lanetan gehiago inplikatzea, eta gainera jendea zoriontsuagoa izatea. Fantasia dirudi, baina neurri hori existitzen da: lau eguneko lan-astea du izena”. (gehiago…)

Zer da doktrinatzea eta zer heztea?

2017-11-27  //  Hezkuntza  //  Iruzkinik ez

Kataluniari egokitu zaio orain, baina Euskal Herrian ere ohituta gaude, ikastetxeetan doktrinatzen dela entzutera. Beste behin, politikakeria egiteko arma bihurtu dute hezkuntza, eta irakasleen lan ona da jomuga. Baina hona sekretu bat: neutraltasuna ez da existitzen, ez fio kontrakoa saltzen duenarekin. Batzuentzat baloreetan heztea dena besteentzat manipulazioa eta doktrina dira, eta alderantziz. (gehiago…)

Gaixotasun arraroak dituzten ikasleen gurasoek sentitzen dute profesionalek ez dituztela ulertzen

2017-11-27  //  Haurrak, Hezkuntza, Osasuna  //  Iruzkinik ez

Hezkuntza arloan, zeintzuk dira gaixotasun arraroren bat duten ikasleen eta haien senideen kezkak? Galdera luzatu diete haur eta gazteei batetik, senideei bestetik, eta ikerketaren emaitza liburu batean jaso dute: Ezohiko gaixotasunak dituzten ikasleak eta eskola inklusiboa. (gehiago…)

Bortxatuak izango direnentzako bost ohar

2017-11-17  //  Indarkeria matxista  //  Iruzkin bat

Bortxatzen bazaituzte, 1) egiozu aurre erasotzaileari, baita bost gizonkote badira ere; shock egoeran, isilik eta geldi, begiak itxita jasaten baduzu bortxaketa, sexu-erasoa onartu ote zenuen planteatuko dute epaiketan eta iritzi publikoan; bortxaketa bera jarriko da zalantzan. 2) Ez eman musurik inori, ondoren gehiago nahi ez baduzu ere, dagoeneko seinale argia eman diozulako gizon horri eta bere lau lagunei, bortxatu zaitzaten. 3) Zure psikologoak eta adituek esan arren bizimodu normala egiten saiatzeko, ez duzu horretarako eskubiderik/baimenik, erasotzaileen abokatuak eta hainbat hedabidek iradokiko dutelako ez duzula inongo traumarik. 4) Fokupean egongo dena zu izango zara; erasotzaileek whatsappez esplizituki bortxatzeaz hitz egindakoak edota gizon berdinek aurretik beste emakume bat bortxatu izana ez dira froga gisa onartuko epaiketan. 5) Zu, zure testigantza eta zure sufrimendua jarriko dira auzitan, eta “ustezko” biktima, “ustezko” bortxaketa eta “ustezko” bortxatzaileez hitz egingo da. 2009an, Nagore Laffageren amari herri-epaimahaiak galdetu zion ea alaba “oso mutilzalea (muy ligona)” al zen; 2016an Gasteizko epaile batek galdetu zion emakume bortxatuari “hankak ongi itxi” ote zituen; 2017an, erasotzaileen abokatuak bota du biktimak sare sozialetara igotako argazkiak bateragarriak al diren trauma bat izatearekin. Ez, ez dugu ezer ikasi.

(gehiago…)

Bai, jostailu-katalogo ez sexistak egin daitezke

2017-11-14  //  Generoa, Haurrak, Jolasa, Sexismoa  //  Iruzkin bat

Neskentzat panpinak, sukaldeak eta arrosa koloreko jostailuak; mutilentzat autoak, super-heroiak eta urdina. Hori da ohikoena Gabonetako jostailu-katalogoetan, baina ToyPlanetek genero rolak nahastea erabaki du aurtengo katalogoan: jendeak egindako presioak ahalbidetu du konpainiak kontzientzia hartzea, aitortu dutenez. (gehiago…)

Zaharrentzat funtsezkoena, harremanak

2017-11-13  //  Zahartzaroa  //  Iruzkinik ez

Ikerketa egin dute, zaharrei galdetuz euren ongizatearentzat zer duten premiazko: “Familiatik harago, ingurukoekin eta egunerokoan gurutzatzen duten jendearekin harreman pertsonalak izatea, sentiaraziko dituena seguru eta baloratuta, munduan leku bat dutela; beraientzat askoz inportanteagoa da hori, independente edo aktibo izatea baino”. (gehiago…)

Zer eta mutilek nota txarrak ateratzen dituztela irakasleak emakumezkoak direlako

2017-11-06  //  Generoa, Hezkuntza  //  Iruzkinik ez

Badakizue zer dioen PISA ebaluazio famatuaren egilea den eta hezkuntzaren ildoak markatzea helburu duen ELGA erakundeak, berriki kaleraturiko txosten batean? Irakasleak gehienbat emakumeak direla eta hori izan daitekeela “mutilek eskolan duten motibazio baxuaren eta inplikazio faltaren” arrazoietako bat, eta are gehiago, emakumezko irakasle batzuk ez ote diren ari neskak akuilatzen euren helburuak lor ditzaten eta mutilei lotutako jokabideak zigortzen. (gehiago…)

Google ikasgeletan? Hobe software librea

2017-10-30  //  Hezkuntza  //  2 iruzkin

Etxean bakarrik ez, gero eta digitalagoak diren eskoletan ere Google da jaun eta jabe, eta Googlek eskaintzen dituen aplikazioak, e-posta eta ordenagailu eramangarriak nagusi dira ikastetxe askotan. Eztabaida mahai gainean jarri du Izaro Basurkok, eta izan du eraginik: irakaskuntzan software librea sustatzeko @hezkuntzanlibre taldea sortu dute Telegramen. (gehiago…)

Haizea alde behar du Hezkuntza sailburuak

2017-10-30  //  Hezkuntza  //  Iruzkinik ez

EAEko hezkuntza publikoaren baldintzak hobetzeko eskatuz kalera atera da jendea asteburu honetan, Bilbo, Donostia eta Gasteizen. Erantzun zabala izan dute manifestazio deialdiek, baliabiderik gabe kalitatezko hezkuntzarik ez dagoela salatzeko. Hala, konfrontazio dinamikari eusten diote sindikatuek, haien aldarrikapenak eta Cristina Uriarte Hezkuntza sailburuaren proposamena elkarrengandik urruti baitaude oraindik. Negoziatzeko borondatea behintzat egon badago eta laster iritsiko diren bilera berrietarako, presio neurria izan nahi dute mobilizazioek (borroka asteak, sektorekako grebak eta greba orokorra daude aurreikusita). (gehiago…)

28ko manifestazioen atarian, adostasuna urruti

2017-10-25  //  Hezkuntza  //  Iruzkinik ez

EAEko hezkuntza publikoko murrizketei aurre egiteko negoziaketen baitan, Jaurlaritzaren proposamena ez dute onartu sindikatuek: diote euren aldarrikapenen %5era ere ez dela iristen proposamena, baina jarrera aldaketa ikusi dutela administrazioan, borondate politiko kontua dela eta hezkuntzan egiten den inbertsioa handitzea dela gakoa. Hiriburuetan manifestazioak deitu dituzte larunbaterako. (gehiago…)