“Grebetan deskontatu diguten dirua eskolan inbertitu dezatela eskatzen dugu”

2017-05-24  //  Hezkuntza  //  Iruzkinik ez

“Irakaskuntzan konbokatutako grebaren deialdia jarraitu dugun irakasleen izenean, Eusko Jaurlaritzari eskatzen diogu, hiru egunetan gure soldatatik deskontatuko diguten dirua eskoletan inbertitzea. Ez dugu zilegi ikusten, gure aldarrikapenei esker, erakutsi duen sentsibilitate ezaz gain, gure diruarekin aberastea”. Horra, sare sozialetan zabaltzen ari diren mezua. (gehiago…)

Norbere etxea errefuxiatuekin partekatzeko ekimen arrakastatsua

2017-05-22  //  Errefuxiatuak, Migrazioa  //  Iruzkinik ez

Etxean lekua duzula? Partekatu denboraldi batez aterperik ez duen migratzaile edo errefuxiatuarekin. Asiloa lortzeko prozesuan kateaturik etxerik gabe, lan egiteko baimenik gabe eta administraziora jotzeko beldurrez daudenentzat aukera paregabea izaten ari da PAIH elkartearena, Britainia Handian. (gehiago…)

Egur birziklatuz eraikitako Erraldoi Ahaztuak

2017-05-22  //  Artea, Ingurumena, Natura  //  Iruzkinik ez

Thomas Dambo artista daniarraren azken artelana dira: egur birziklatuz eta boluntarioen lanari esker eraikitako sei erraldoi, Kopenhage inguruko baso eta zelaietan ezkutatuta, altxorraren mapa erabiliz edo arroketan idatzitako olerkien arrastoak jarraituz aurkitu daitezkeenak. Hiritik atera eta naturan murgiltzeko, gozatzeko aitzakia izan nahi du obrak. (gehiago…)

Hiru dimentsioko klitoriak, sexu-heziketa osasuntsurako tresna

2017-05-22  //  Gorputza, Sexua  //  Iruzkinik ez

Historikoki protagonismo gutxi eman zaio klitoriari, liburuetatik desagertzera iristeraino. Gaur egun oraindik organoaz ezezagutza handia dagoela ikusita, hiru dimentsiotan inprimatutako klitoriak tresna eraginkorra dira, “sarri mito eta tabu izaten jarraitzen duen edo errua, beldurra eta lotsari lotuta dagoen sexu-organo honen irudi zehatza ikusarazteko eta normalizatzeko”. (gehiago…)

Zergatik ez dute irakasleek zuzendari izan nahi?

2017-05-15  //  Hezkuntza  //  Iruzkin bat

EAEko ikastetxe publikoen %40tan (200 eskolatik gora) ez da irakaslerik aurkeztu zuzendari izateko eta Hezkuntza Ikuskaritzak aukeratu behar izan du zuzendaritza taldea (zuzendaria, ikasketaburua eta idazkaria), batzuetan gogoz kontra. Albisteak galdera ugari sortu dizkigu. (gehiago…)

Nola eragiten dio hezkuntza publikoaren egungo egoerak zure seme-alabari?

2017-05-15  //  Hezkuntza  //  10 iruzkin

Kezka dute guraso batzuek: “Irakasleak berriz ere grebara doaz eta zer egingo dugu egun horretan seme-alabekin?”. Baina mobilizazio hauekin borrokatu nahi diren puntuek hain juxtu euren seme-alabei eragiten dietela erakusteko idatzia kaleratu dute:

(gehiago…)

“Oso garrantzitsua da onartuak garela sentitzeko aukera ematea migratzaile guztioi”

2017-05-15  //  Errefuxiatuak  //  Iruzkinik ez

“Herrialde berri batera iristen zarenean, ez daukazu herrialde horretako ezagutza kultural eta historiko sakonik, eta sarri gai garrantzitsuetan hanka sartzen duzu. Gizartearen konplexutasuna azaldu eta bertan barneratzen lagundu didan jendea izan dut inguruan eta hori zortea izan da, errefuxiatu askok ez duelako aukera hori –dio Yahia Kodook, Siriatik Gasteiza duela bost urte iritsia–. Oso garrantzitsua da migratzaile guztiei aukera hori ematea, onartua dela sentitzeko eta itxaropentsu eta baikor integratzeko gizarte berri horretan”. (gehiago…)

Zer egin bortxatzen bazaituzte

2017-05-10  //  Indarkeria matxista  //  Iruzkinik ez

Bortxatzen bazaituzte ikuspegi juridikotik Espainiako Estatuan eman beharreko pauso zehatzak aholkatu ditu José Dominante abokatuak: “Hasteko, ez joan poliziarenera. Zoritxarrez, ez dago bermatua poliziak ezagutza juridiko-forentseak izango dituenik. Ospitalera joan, larrialdietara, arropa aldatu gabe (ADNa izan dezakezu arropan ere) eta garbitu gabe. Desatsegina da, bai, baina frogak biltzeko balio dezake. Larrialdietan badakite zer egin, eta hondoa jotzen baduzu ere badaukate nork artatu. Ez du axola ez badago erasoaren “ageriko” biolentzia-frogarik, biktimaren deklarazio hutsa biktimaren aldeko nahikoa froga izan daiteke (2000/3/10eko Auzitegi Gorenaren ebazpena). Lekukotzak hiru baldintza bete behar ditu nahikoa froga izan dadin: erasotzailearen eta biktimaren artean aurretiazko erresuminik ez egotea; lekukotza sinesgarria izatea (ingurukoen berrespenak lagunduta); biktimak lekukotzari eustea bere deklarazio guztietan. Ospitaleak salaketa bidaliko du segituan Guardiako Epaitegira (lesioen partea) eta makinaria judiziala martxan jarriko da. Noiz joan poliziara? Beste pertsona bat joan dadila, erasotzailearen daturik badu, biktima ospitalean artatzen duten bitartean, eta gomendagarria da ondoren ospitaleko dokumentazioaren kopia eramatea Poliziari. Tristea da bortxaketaren biktimei zer egin azaldu beharra, erasotzaile puta-semeei azaldu ordez, hasteko, ez dutela halakorik egin behar”. (gehiago…)

Eskizofreniari aurre egiteko haluzinazioak marrazki bihurtzen dituen gaztea

2017-05-08  //  Artea, Osasuna  //  Iruzkinik ez

Kate du izena, 18 urte ditu eta iaz eskizofrenia diagnostikatu zioten. Ordura arte, ez zuen gertatzen zitzaiona ulertzen eta depresio uneak sarriak ziren. Orain, erabaki du entzuten dituen ahots eta ikusten dituen irudi irrealak margotzea. Eskizofreniak duen estigma apurtzeko eta batez ere hari aurre egiteko terapia eraginkorrena izaten ari da. (gehiago…)

Ausarten Kluba, bullyingari aurre egiteko

2017-05-08  //  bullyinga  //  Iruzkinik ez

Jazarpen kasuak azaleratu eta konponbidea aurkitu ahal izateko, ikaslez osaturiko Ausarten Kluba sortu dute Terrassako ikastetxe batean: “Ausarta eta salataria ezberdindu behar dira: salataria da sekretu bat gordetzen ez dakiena, baina sekretu horren erruz norbait sufritzen ari bada, kontatzea da laguntzeko modua”, diote 10 urteko Sanaa eta Antoniok. (gehiago…)