Une batez, futbolarekin berradiskidetua

2017-04-03 // Gizartea, Kirola // Iruzkinik ez

Igandea da eta futbol partidua dute nerabeek Irunen: bat-batean, atzelariak gola sartu du bere atean, nahi gabe. Burumakur, eskuekin estali du aurpegia eta berehala joan zaio talde bereko atezaina, kontsolatzera. Taldekideek, lasai egoteko; publikotik, animo-txaloak eskaini dizkiote jokalarien guraso, senide eta lagunek; eta entrenatzailea deika hasi zaio. Mutikoak begiratu dionean, “ez dio batere axola, ados? Batere! –esan dio– Segi orain arte bezala jokatzen, aupa zu!”. Eta aitortuko dut, futbolaren inguruan sarri sortu ohi den giro toxiko eta lehiakorra ahaztu eta kirol honekin berradiskidetu naizela, une batez bederen. (gehiago…)

Irakasle-klaustroak eta ikasleekiko harremana erdaraz?

2017-03-27 // Euskara, Hezkuntza // 5 iruzkin

Derrigorrezko Bigarren Hezkuntzan, egokitu zaion ikastetxean irakasle-klaustroak erdaraz egiten dituztela kritikatu du irakasle ordezko batek sare sozialetan: “Nahiz eta guztiek euskara ulertu, erdaraz egiten dira klaustroak”; eta gehitzen duenez, D ereduko beste ikastetxe batean “irakasleek erdara darabilte beraien artean, eta gehiengoak ikasleekin ere erdaraz hitz egiten du”. Beste ordezko batek erantzun du 15 ikastetxetan aritu dela bera, eta bakarrean egiten dituztela klaustroak euskaraz. Polemika piztu da sarean. (gehiago…)

Beste 13 urte itxaron behar al dute duin hil nahi dutenek?

2017-03-27 // heriotza // Iruzkin bat

Alaitz Chamorroren kasua ezagutu dugu duela gutxi (argazkian): ezin du gorputz atalik mugitu, mina du gorputz osoan, eta sedazio aringarri bidez heriotza duina eskatu du, baina Espainiako Zigor-Kodeak eskubide hori debekatzen die Chamorrori eta askatasunez erabaki bera hartu duten herritarrei. Lehengo astean bueltatu da esperantza: PPk jada gehiengo absolutua ez duen Kongresuan, eutanasia legeztatzeko Unidos Podemosek aurkezturiko lege-proposamena aurrera ateratzeko aukera zegoen. Baina PSOEk, duela 13 urte agindu zuenaren aurka, ez du proposamena babestu. (gehiago…)

Diru publikoaren 0,01: horra gaitz guztien jatorria

2017-03-22 // Ekonomia, Gizartea // Iruzkinik ez

Iruzurraren Aurkako Taldea sortuko du Jaurlaritzak, udaltzain eta ertzainekin elkarlanean: Ustelkeria kasuetan, komisio ilegaletan edota azpiegiturei lotutako pelotazoetan milioika euro eramaten dituztenak pertsegitzeko? EAEn urtero 2.000 milioi euroko zuloa (13.500 milioikoa ikuspegi ezkorrenen arabera) uzten duten iruzurgile fiskalak harrapatzeko?… Ez ba, %0,3ra iristen ez den diru-laguntzetako iruzurra zorrotz kontrolatzeko sortuko dute taldea Lanbiden. Iruzurgile kopurua bakarrik ez, dirutan ere hutsaren hurrengoa da iruzurra, Jaurlaritzak duen aurrekontuaren %0,01a, baina jar dezagun foku handi eta argitsu bat 0,01 horrengan, prestazio soziala behar dutenak are gehiago estigmatizatzeko bidal dezagun udaltzaingoa egiaztatzera balizko iruzurgile maltzurra benetan bizi ote den esan duen lekuan (neurri berriak hala iragartzen du), jarrai dezagun ahulenak kriminalizatzen, diru publikoaren papurretara arreta desbideratzen, pobreak lupapean eta aberatsak eroso mantentzen. Jarrai dezagun behera begiratzen, gora begiratzen badugu barrez lehertzen ikusiko ditugu-eta. (gehiago…)

Emakumea zela uste zutenean, gutxietsi egiten zuten lanean

2017-03-20 // Diskriminazioa, Matxismoa // Iruzkinik ez

Bi langile: Martin eta Nicole, gizona eta emakumea, bezeroekin email bidez jarduten direnak. Martin kokoteraino dago mespretxuz erantzuten dion bezero batez; halako batean konturatu da emailak Nicole izenez bidaltzen ari dela eta okerra argitu dio bezeroari. Bat-batean, oso galdera eta proposamen onak egiten dituela hasi zaio esaten bezeroa. Orduantxe erabaki zuten Martinek eta Nicolek esperimentua abiatzea… (gehiago…)

Ikasgelako aniztasunak ez du berdintasuna bermatzen, baina abiapuntu ona da

2017-03-13 // Diskriminazioa, Hezkuntza // Iruzkinik ez

Sexu-joera, arraza, kultur, sinesmen, gorputz… anitzak nahi ditugu ikasgelan, nahasketa aberasgarria, baina zer pentsatua eman didate Moha Gerehouren hitzok: “Jendeak dio eskoletan gaur egun jatorri eta azal kolore anitzeko ikasleak daudela eta elkarrekin hezten badira ez dela arrazakeriarik emango, baina elkarrekin egote hutsa ez da nahikoa, atzean dibertsitate politikak ez badaude. Ama, arreba… ere baditugu, eta gure gizartea oso matxista da”. (gehiago…)

Abesti arrakastatsua jotzeari utzi diote kontzertuetan, indarkeria matxista sustatzen duelako

2017-03-13 // Indarkeria matxista, Musika // Iruzkinik ez

Kontzertuetan publikoak La ingrata abestia jotzeko eskatzen dieten arren, duela hilabete batzuetatik euren kantu arrakastatsuenetakoa jotzeari uko egin diote Café Tacvba talde mexikarreko kideek, abestiak sustatzen duen indarkeria matxistaren aurkako kontzientzia garatu dutelako urteotan: “Askok esango dute kantu bat baino ez dela, baina kantuak kultura dira eta kultura horren eraginez jende batek sentitzen du beste norbaiti erasotzeko baimena duela”. (gehiago…)

Lehen aldiz, pertsonaia esplizituki homosexuala izango du Disneyren film batek

2017-03-06 // Homosexualitatea, Zinema // 3 iruzkin

Disneyren pelikulak milioika haur eta helduk ikusten dituztela jakitun, aspaldiko eskaera da: pertsonaia homosexualak ere sar ditzatela filmetan. Kostatu zaio konpainiari, baina estreinatzear den Piztia eta Ederra obraren bertsio berriak pertsonaia esplizituki gaya izango du lehenengoz, eszena batek hala frogatzen duela aurreratu baitu zuzendariak. (gehiago…)

Ez gizonik eta ez emakumerik Lilatoian

2017-03-06 // Feminismoa, Generoa, Kirola // Iruzkinik ez

Gizonek ez dutela Lilatoian atera behar idatzi ostean, espero ez nuen ikuspegitik egin didate kontra: batek esan dit korrika egiten ateratzen direnak ez direla emakumeak, pertsonak baizik, eta hala ikusi behar ditugula, generoaren arabera sailkatu gabeko gorputzak bailiran, berdin duela zakila edo bulba izan eta beraz denok elkarrekin atera beharko genukeela. Kontzeptuarekin ados egon ninteke… errealitatearekin talka hain bortitza egingo ez balu: ez, lasterketetan ez ditugu pertsonak ikusten, emakumeak eta gizonak ikusten ditugu, neska/mutil binarismoa hain dugu errotuta, jaiotzen garen unetik bertatik hiltzen garen arte, bizitzako esparru guztietan; ez, ez da berdina zakilarekin edo bulbarekin munduratzea, zeharo baldintzatuko baitu horrek besteek gurekiko duten –eta ondorioz guk geuk gure buruarekiko eta besteekiko dugun– jarrera eta (botere-)harremana; eta ez, gizarte honek ez gaitu generorik gabeko gorputz gisa ikusten: alderantziz, agerikoa da genero rol zurrun eta estereotipatuen zama. Horren guztiaren ondorioa dira indarkeria matxista eta genero zapalkuntza sistematikoa. Harreman orekatuak dituzten gorputz anitzen gisa elkarri begiratzen diogun eguna iristen denean, orduan bai, aterako gara denak elkarrekin Lilatoian, baina orduan Lilatoiak berak ez du zentzu handiegirik izango. Ordura arte, zentzuzkoa iruditzen zait emakumeak bakarrik (bulba nahiz zakila izan) ateratzea. (gehiago…)

Ikasleen esperimentu arrakastatsua: jaso duzu Nicoren mezua?

2017-03-01 // Hezkuntza // Iruzkin bat

Niri asteazkenean iritsi zait mezua, whatsapp bidez: “Lagundu iezadazu munduari itzulia ematen. Nico naiz” (ikusi irudia). Ziztu bizian zabaldu da astearte goizean Madrilgo ikastetxe batean abiaturiko esperimentua: helburua, ohartzea irudiak zeinen azkar hedatzen diren, inongo kontrolik gabe. (gehiago…)

Une batez, futbolarekin berradiskidetua

Irakasle-klaustroak eta ikasleekiko harremana erdaraz?

Beste 13 urte itxaron behar al dute duin hil nahi dutenek?

Diru publikoaren 0,01: horra gaitz guztien jatorria

Emakumea zela uste zutenean, gutxietsi egiten zuten lanean

Ikasgelako aniztasunak ez du berdintasuna bermatzen, baina abiapuntu ona da

Abesti arrakastatsua jotzeari utzi diote kontzertuetan, indarkeria matxista sustatzen duelako

Lehen aldiz, pertsonaia esplizituki homosexuala izango du Disneyren film batek

Ez gizonik eta ez emakumerik Lilatoian

Ikasleen esperimentu arrakastatsua: jaso duzu Nicoren mezua?

Mikel Garcia

Azken bidalketak

Iruzkin berriak

Artxiboak

Kategoriak

Meta