Herritarrez ez, bankuez errukitu da Europa

2016-07-14  //  Ekonomia  //  Iruzkinik ez

Klausula abusiboen bidez milaka herritarrei bankuek lapurturiko dirua bere osotasunean itzuli ala ez erabaki behar zuen Europar Batasuneko Justizia Auzitegiko abokatuak. Justizia egin baino, ordea, nahiago izan du bankuen aldeko erabaki politikoa eta praktikoa hartu (praktikoa batzuentzat, uler bedi): “Salbuespen gisa”, adierazi du, “kontsumitzaileen babesa” baino garrantzitsuagoa jo du bezeroei dagokien dirutza hori itzultzeak bankuei sortuko liekeen zuloa eta “ondorio makroekonomikoak” saihestea. (gehiago…)

Ipurdikoa ematea, debekatze bidean

2016-07-11  //  Gizartea, Haurren haziera, Hezkuntza  //  Iruzkinik ez

Lege proiektu baten baitan, gurasoen autoritateari lotutako zehaztapena onartu berri du Frantziako Asanblea Nazionalak: “Baztertuta geratzen dira [seme-alabenganako] tratu krudel, iraingarri edo umiliagarriak, zigor fisikoaren erabilera barne”. Aspaldiko eztabaida berpiztu du erabakiak: txarra al da haurrari noizbehinka zaplazteko eta ipurdikoren bat ematea? (gehiago…)

Emakumeei erasotzea merkeegi ateratzen da

2016-07-11  //  Indarkeria matxista  //  Iruzkinik ez

Nagore Laffage hil zuen José Diego Yllanesek duela zortzi urteko Sanferminetan, 20 urteko irundarrak ezetz esan ziolako. Yllanesek emakumea jipoitu eta asfixiatu zuen, ondoren Laffage zatitan mozten saiatu zen, gorpua mendian ezkutatu eta aztarnak garbitu zituen. Herri epaimahaiak ondorioztatu zuen hilketa izan zela, baina ez asasinatzea, eta 12 urte eta erdiko espetxe zigorra ezarri zioten. 2014tik, kalera irteteko baimenak baliatzen hasi zen Yllanes. Ez dut nik mendekuaren eta kartzelaren defentsa egingo, baina indarkeria matxistak gure gizartean duen inpunitatearen adibide bat gehiago da. (gehiago…)

Gure irakasleek ez dute maila ematen?

2016-07-04  //  Hezkuntza  //  17 iruzkin

577 plaza betetzeko 3.000 irakasle baino gehiago aurkeztu berri dira oposaketetara EAEn, eta hala ere bete gabe geratuko dira plazetako batzuk, azterketa gainditu duten irakasleen kopurua eskainitako plazena baino txikiagoa delako, hainbat arlotan. Edo balio ez duten ehunka irakasle ditugu ikastetxeetan lan egiten, edo neurgailu desegokia eta antzua dira oposaketak. (gehiago…)

Txosnak eta bizikidetza

2016-06-27  //  Gizartea, Politika  //  Iruzkin bat

Udaltzainek birritan ohartarazi zieten Euskal presoak Euskal Herrira bandera zintzilik zeukan txosnako kideei, kontuz ibiltzeko. Arrazoia, Irungo Udalak duen arauetako bat: txosnetan “debekatuta dago bizikidetza edo jai ekitaldiak normaltasunez gauzatzea arriskuan jarri ahal duten kartelak edota ikurrak erabiltzea”.

Irudian, Irungo Sanmartzial jaietan jarri dituzten txosnak. Pasadizoa Santomasetan gertatu zen.

(gehiago…)

Emakumeen erdiak ez du gonarik janzten garraio publikoan eraso ez dezaten

2016-06-20  //  Gizartea, Mugikortasuna  //  Iruzkinik ez

Txistuak, komentario iraingarriak, jarrera desegokia, sexu eraso zuzenak… Emakumeen %87k jazarpena jasan dute metroan edo trenean, Frantziako Estatuko 6.000 emakume baino gehiagori egindako inkesta baten arabera.

Erasoen %86 lekukoen aurrean egin dira.

(gehiago…)

15.000 sinaduratik gora 3.000 irakasle kaleratzearen aurka

2016-06-20  //  Hezkuntza  //  2 iruzkin

Irakasle talde batek Hezkuntzan murrizketa gehiagorik ez sinadura bilketa abiatu eta egun gutxira 15.000 lagunek baino gehiagok egin dute bat. Datorren ikasturtetik aurrera, EAEko irakasleek astean bi lanordu gehiago egin beharko dituzte eta horrek, diote, 3.000 lanpostu inguru galtzea ekarriko du; 6 irakasletik 1 kalera joango da. Irakasleen ordezkapenetan emango den murrizketa eta ikasle-ratioen gorakada ere salatu dute, azken buruan hezkuntza sistemaren kalitatea eta ikasleak eurak izango baitira kaltetuak. (gehiago…)

Auto-gorrotoa

2016-06-16  //  Gizartea  //  Iruzkinik ez

Hainbat hedabidek zabaldu dutenez, Orlandoko sarraskiaren egilea gayak ezagutzeko aplikazio batean parte hartutakoa zen eta erasotako LGBT diskotekan egona zen behin baino gehiagotan. James Wesley ere, LGBT komunitatearen aurka egin nahi zuen estatubatuarra (armak eta lehergaiak zeramatzan gainean, harrapatu zutenean), homosexuala zen, haren mutil-lagun ohiaren esanetan jendeak jakitea nahi ez zuen arren. (gehiago…)

Printzesa baino, neska honek nahiago du hot dog bat izan

2016-06-13  //  Gizartea  //  Iruzkinik ez

Dantza-eskolan Printzesen Eguna antolatu zuten eta 6 urteko Ainsley estatubatuarrak erabaki zuen nahiago zuela saltxitxa-ogitartekoz mozorrotuta joan. Argazkia sare sozialetan zabaldu eta segituan ikur bilakatu da neskatoa: aniztasunaren ikur, askatasunarena, haurtzarotik ezarritako eskema zurrun eta sexistetatik ateratzen direnena. (gehiago…)

Amatasunaren ajeak arintzeko, futbola

2016-06-06  //  Kirola  //  Iruzkinik ez

21 urterekin ume bat izan eta depresioak jo zuen Becki Gerrard. Lagun minak antzeko egoera bizi zuen eta amatasunaren ostean albo batera utzitako ariketa fisikoari berriz ekitea erabaki zuten. Futbol taldeetako erritmoa handiegia zela ikusita, ordea, talde propioa sortu zuten, arrakastaz zabaldu dena: MumBall. (gehiago…)