“Etorkinaren aldeko diskriminazio positiboa egiten dute instituzioek”

2014-09-08  //  Gizartea  //  Iruzkin bat

“Gobernuz Kanpoko Erakundeek eta instituzioek etorkinaren aldeko diskriminazio positiboa egiten dute, eta bitartean zakarrontzietan bila dabiltzan espainiarrak ikusten ditugu. Jende babesgabe asko dago, eta horiek laguntzea da gure helburua”. 24 urteko emakume madrildarra da mintzo dena, filosofian lizentziatua da, eta Mugimendu Sozial Errepublikarreko kidea. Mugimendu eskuindar horretako kideak eraikinak okupatzen ari dira Espainiako Estatuan, soilik espainiarrak direnak laguntzen dituzten zentro bilakatzeko. Madrilgo zentroko bozeramailea elkarrizketatu dute La Ser irrati-katean.

“Gure herria maite dugula partekatzen dugu Greziako Urrezko Egunsentia alderdiarekin”. (argazkia: Dani Gago / DISO Press).

(gehiago…)

Semeak soinekoak janzten ditu eta ongi iruditzen zait

2014-09-01  //  Gizartea  //  Iruzkin bat

“Asher nire semeak 2 urte ditu. Galtza motzak eta kamiseta janzten dizkiot, baina arropa erauzi eta ‘soinekoa’ hitza oihukatzen hasten da behin eta berriz. Sidney ahizparen soinekoren bat hartu eta ‘hau’ esaten dit”. Semeak soinekoak jantzi nahi dituela-eta, inguruan izandako erreakzioak eta bizitako esperientzia kontatu du artikulu batean Seth Manachem idazle eta aktore estatubatuarrak. Hona hainbat pasarte euskaratuta.

Batek esan zidan: “Dibertigarria iruditzen zaizu? Hemen umeak daude. Ikusi dezatela nahi duzu?”.

(gehiago…)

Euskaraz errodaturiko film bat lehiatuko da lehen aldiz Zinemaldiko Sail Ofizialean

2014-07-24  //  Zinema, Zinemaldia 2014  //  Iruzkinik ez

Jon Garaño eta Jose Mari Goenagaren Loreak izango da goitik behera euskaraz grabaturiko lehenengo pelikula Sail Ofizialean lehiatuko dena. Ke arteko egunak (Antxon Ezeiza, 1990) zen orain arte Donostiako Zinemaldian Urrezko Maskorraren lehian parte hartu duen euskarazko film bakarra, baina protagonista mexikarra izanik bikoiztu egin zuten pelikularako.

“Euskaraz egindako film bat nazioarteko beste filmekin parez pare lehiatu daitekeela” erakutsiko du, diote Garañok eta Goenagak.

(gehiago…)

Abortatzeko eskubidearen alde 30.000 lagun bildu zituen mobilizazioaren dokumentala

2014-07-21  //  Gizartea  //  Iruzkinik ez

Espainiako Estatuan inoiz egin den manifestazio feminista jendetsuena mobilizatu zen Madrilen, joan den otsailaren 1ean. Estatu osoko 30.000 lagun baino gehiago elkartu ziren, abortatzeko eskubidea murriztu nahi duen lege-erreformaren aurka. Dokumentala aurkeztu dute orain.

http://vimeo.com/99974636

(gehiago…)

“Ikasleari behar duen denbora emateko proposamena da hezkuntza geldoa”

2014-07-14  //  Hezkuntza  //  Iruzkinik ez

Hezkuntza geldoa mugimenduaren bultzatzaileetako bat da Joan Domènech irakasle katalana. Denbora haurraren ikas-erritmoetara egokitzea helburu duen estrategia pedagogikoari buruz elkarrizketatu dute Elogi de l’educació lenta (Hezkuntza geldoari gorazarre) liburuaren egilea.

“Ikas-erritmoetan faktore ugari hartu behar dira kontuan: adina, heldutasun psikologikoa, motibazioa, aurre-prestakuntza…”.

(gehiago…)

Ezetza ezetz da!

2014-07-07  //  Gizartea  //  Iruzkinik ez

Sei urte dira Sanferminetan José Diego Yllanesek Nagore Laffage hil zuela; haren proposamen sexualei neskak ezetz esatea onartezina zitzaion, nonbait. Krimen krudela. Eta hala ere, hainbati entzun behar izan genion ea zergatik igo zen Laffage Yllanesen etxera, ez bazuen ezer nahi.

Aurten ere, elkarretaratzea egin dute Nagore Laffageri gertaturikoa ahaztu ez dadin. Argazkia: Edurne Elizondo.

(gehiago…)

Irailetik aurrera, Espainiako Konstituzioa ikasgai?

2014-06-26  //  Hezkuntza  //  Iruzkinik ez

Irailetik aurrera, EAEko ikastetxeetan LOMCEren atal batzuk martxan jartzea onartu du Eusko Jaurlaritzak. Lehen Hezkuntzari eragingo dio erabakiak eta hiru ondorio izango ditu: Ingurugiroaren Ezagutza ikasgaia bitan banatuko da, 3. mailan kanpo-azterketa egingo zaie ikasleei –nahiz eta emaitza ez den kontuan hartuko ikasturtea gainditzeko–, eta Erlijioa hautatzen ez dutenentzat ordezko ikasgai puntuagarria ezarriko da: Balore Sozial eta Hiritarrak.

Ikusteke dago zenbaterainoko malgutasuna onartuko den EAEn, Balore Sozial eta Hiritarrak ikasgaian Madrildik zehaztutako hainbat punturi ihes egiteko.

(gehiago…)

Bergarako Gure Esku Dagon bizitakoa, iruditan

2014-06-09  //  Gizartea, Politika  //  Iruzkinik ez

Goizeko 9:30ean Bergara erdigunetik giza-katerantz abiatutako kalejirak eman zion hasiera egunari.

Erabakitzeko eskubidearen aldeko murala, giza-katera bidean.

(gehiago…)

Irun errepublikarra

2014-06-04  //  Politika  //  Iruzkinik ez

Batzuk III. Errepublika aldarri, beste batzuek Euskal Herri independente eta errepublikarra helburu, astelehenean alderdi ezberdinek (EH-Bildu, Ezker Anitza, Gazte Komunistak, EPK eta Podemos) bat egin zuten Irunen, oinarri berak batuta: monarkia behin betiko kentzea.

“Klase oligarkikoen pribilegioak mantentzen dituen sistema politikoa dugu, eta berau bermatzen duena Estatuaren buruzagitza monarkikoa da (instituzio matxista, anakronikoa eta atzerakoia)”. (Argazkia: Nicolas Guerendiain elkartea)

(gehiago…)

Zeinek garbitzen du hobeto arropa, emazteak ala amaginarrebak?

2014-05-20  //  Gizartea  //  Iruzkinik ez

Rouco Varela gustura uzteko moduko familia eredu matxista, ustel eta atzerakoia islatzen dute Ariel detergente ezagunaren Twitter kontuko (32.200 jarraitzaile) mezuek. Tuiterlarien erantzun haserretuei entzungor, bereari eutsi dio Arielek… orain arte.

“Ez dugu baloraziorik egin nahi emakumearen rolari buruz”, adierazi du Arielek.

(gehiago…)