Bulkada genero futuristari

2009-10-23  //  Zinema  //  Iruzkinik ez

Pelikularen irudia.

Zinema aretoetako aurtengo arrakastarik handienetakoak District 9 du izena. Zientzia fikziozko filma da, eta ez da zientzia fikziozkoa; pelikula soziala da, eta ez da pelikula soziala; akziozko thrillerra da, eta ez da. Eskemak puskatzen dituen lan inteligentea da, gure munduan bizi (biziraun) behar duten estralurtar “errefuxiatuei” buruzkoa. (gehiago…)

Leok ez du homosexuala izan nahi

2009-09-28  //  Zinema  //  Iruzkinik ez

Leo eta Caro, Leoren logelan.

“EL CUARTO DE LEO”. Biarritzeko Zine Jaialdiko Sail Ofiziala
Bere txikitasunean, handia da Buchichioren lehen film luzea, mezu potolorik bilatu gabe bi pertsonen gorabeherak kontatzen baitizkigu, arazo pertsonal bezain unibertsaletan sakonduz, mimo handiarekin, goxotasunez. Norberak bere burua onartzea, ingurukoak dezepzionatzeko beldurra izatea edota depresioan erortzea bezalako gai intimoak goxotasunez kontatzekoak baitira. Biarritzeko Hego Amerikako Zine eta Kultura Jaialdiak eskainiko du El cuarto de Leo. (gehiago…)

Nola egin aurre eskola porrotari?

2009-09-25  //  Hezkuntza  //  Iruzkinik ez

Ezker-eskuin: Meltxor Artetxe, kazetaria, Bego Zuza eta Itziar Pagoaga.

Horra eskola porrotari buruzko mahai-inguruan (Akademizismotik ihes egiteko garaia izenburuko azken Larrunen jasoa) mahaikideei egin diedan azken galdera. Irakasleen rola notizia den egunotan, informazio baliagarria izan daiteke Itziar Pagoaga Hernaniko Langile Ikastolako Bigarren Hezkuntzako Institutuko irakasleak, Meltxor Artetxe Orereta Ikastolako zuzendariak eta Bego Zuza gurasoak eman dizkidaten erantzunak (laburrean): (gehiago…)

Photoshop erabiltzea debekatu nahi dute Ingalaterran

2009-09-05  //  Hedabideak  //  Iruzkin bat

Polemikaren iturri: Twiggy modeloa, Photoshopetik pasa aurretik eta ondoren.

Argazki digitalak manipulatzeko Photoshop eta antzerako programa informatikoak erabiltzea galarazi nahi du Britainia Handiko parlamentuak. Gaia hausnartzen ari dira parlamentariak. Ondoko argazkian daukazu eztabaidaren jatorria: gezurra badirudi ere, emakume bera dira, baina eskuineko argazkirako (iragarki baterako) Photoshopean tuneatu dute emakumea. (gehiago…)

Nahi nuke izan urtxintxak bezala

2009-09-04  //  Zinema  //  Iruzkinik ez

Tasio.

Zuzendaria: Montxo Armendariz.

Aktoreak: Patxi Bisquert, Amaia Lasa.

95 min. Euskal Herria, 1984.

Filmaren irudia.

“Etor hadi Iruñera eta egin ezak UPNko karneta, edo eman ezak izena El Corte Inglés-en, jendea behar ditek… Dirua horietan zegok!”, eta hark ezetz eta ezetz, naturaz gozatzea, jabe esplotatzailerik gabe pertsona libre izatea eta duintasuna mantentzea ez dagoela salgai, bizirauteko ahaleginak egitera ohituta dagoela eta Lizarraldeko nekazaletxean jarraituko duela, landa-turismotik bizitzen. Berau izan liteke gaur egungo Tasio. Azken finean, 25 urte pasa arren, istorioa unibertsala eta atenporala da: animalia aske izaten segi nahi duen gizakiarena, erregimen kapitalista bortitzetik urrun, naturarekin kontaktuan. (gehiago…)

Crowdfunding, auzolana zineman

2009-08-08  //  Uncategorized, Zinema  //  Iruzkinik ez

Internautei esker lortzen du hainbatek pelikularen finantzazioa.

Ideia on bat daukazu, baina finantzatzeko diru nahikorik ez. Betiko kontua. Orain, dirua lortzeko eredu berria zabaldu da: zure proiektua Interneten aurkeztu eta finantzaketa internauten diru-ekarpenek osatu dezatela, baldintza batekin: irabazietan parte hartuko dute internautek. Hau da, ez da laguntza, inbertsioa baizik. Literatura eta musikaz gain, zinema ere harrapatu du crowdfunding deritzan negozio sistema honek. Hona adibide batzuk. (gehiago…)

Eskola-gaitza

2009-07-21  //  Hezkuntza  //  Iruzkin bat

Daniel Pennac idazlea, haurren artean jolasean.

Eskolari buruzko beste liburu bat? Ez zaizu iruditzen dagoeneko asko daudela?, dio kontrazalak (egileak anaiarekin izan zuen elkarrizketa bat irudikatuz). Baina ez da eskolari buruzko liburua! Mundu guztia arduratzen da eskolaz, bere betebehar eta helburuez. Ez, “babuari” buruzko liburua da! Ez ulertzeak sortutako minari eta ondorioei buruzkoa. (gehiago…)

Urteurren apokaliptikoa

2009-06-26  //  Zinema  //  Iruzkinik ez

Martin Sheen, pelikulan.

Eromena da gerra, onen eta gaiztoen mugak ezabatzen dituen oihaneko legea. Gerraren krudelkeria, zentzugabekeria eta, batez ere, zoramena irudikatzen duen film onenetakoa da Apocalypse Now eta 30 urte bete ditu aurten. “Nire filma ez da Vietnameko Gerrari buruzkoa. Vietnam da”, esan zuen Francis Ford Coppola zuzendariak, pelikula onenaren Cannesko Urrezko Palmondoa jaso zuenean. (gehiago…)

Thriller onenen antzera

2009-06-26  //  Zinema  //  Iruzkinik ez

Coraline
Zuzendaria: Henry Selick.
Animazioa. 101 minutu. AEB, 2009.

Filmaren irudia.

Hainbatek hala uste badu ere, filma ez da Tim Burtonena. Baina izan zitekeen. Azken finean, animaziozko pelikula izan arren iluna da Coraline, beldurgarria pasarte batzuetan, gordina behar denetan, fantasia irudi bortitzekin uztartzeko konplexurik gabea. Tim Burtonek, ordea, beste zeregin batzuetan du burua: Aliceren abenturak lurralde miresgarrian ari da errodatzen –Johnny Depp eta Helena Bonham Carter aktore dituela, noski–; Coralinen antza duen istorioa, bide batez. Gabon aurreko amesgaiztoa lanean elkarrekin aritu ziren Selick eta Burton: zuzendari lanetan Selick, ekoizle Burton. Oraingoan, apopiloak bakarka egin du jauzi, nahiz eta nagusiaren eragina ezin izan duen gainetik kendu. Eta gu pozik, Beetlejuice, Edward Scissorhands, Sleepy Hollow eta Big Fish filmen autorearen kutsua duen guztia atsegin dugulako. (gehiago…)

‘Arazo estrukturala da Garoñarena; ezin izan du konpondu duen korrosioa’

2009-06-12  //  Energia  //  Iruzkinik ez

Alberto Frias, Eguzki talde ekologistaren baitako Garoñarik Gabeko Arabaren bozeramailea.

Alberto Frias, Garoñarik Gabeko Araba

Nola baloratzen duzu Espainiako Gobernuaren jarrera Garoñako zentralaren itxierarekiko?
Zentrala ixtearen aldeko konpromisoa PSOEk ez zuen soilik 2008ko kanpaina politikoan hartu, 2004an ere, bizi-epea bukatzen zitzaionean itxiko zutela agindu zuen, baina epe hori datorren uztailaren 5ean iraungiko da eta orain dio 2011ra arte luzatuko dutela… Zergatik sinetsi? Zapateroren hitza jada ez da sinesgarria. Kontua da Endesa eta Iberdrola daudela atzean, bi enpresa boteretsu: horiek duela 15 urte amortizatu zuten Garoña eta orain negozio handia da, ez da erraza aurre egitea presio horri, ezta González, Aznar, lobby nuklearra… eta halakoen presioari.

(gehiago…)