Gehiegi desitxuratutako errealitatea?
Argazki polemikoa.
Alboan duzuen argazkia orijinaletik (goian) asko aldentzen dela iritzita, kanporatu egin dute Danimarkako Picture of The Year sari ezagunetik. Hautsak harrotu ditu berriak: lehenengo aldiz 35 urtetan, lehiaketara aurkeztutako hiru argazkiren orijinalak eskatu dituzte, Photoshop-arekin gehiegi ukituak izan ote diren jakiteko, eta albokoak ez du galbahea gainditu.
Prentsa-argazkilaritzan munduko lehiaketa garrantzitsuena den World Press Photo-n ere, aurkeztutako irudiarekin batera orijinala bidaltzea eskatuko dute hemendik aurrera eta argazkilaritza blogetan eztabaida sutsua piztu da honen guztiaren harira.
Egia esan, lehiaketatik kanporatu duten ukitutako argazkian lurrikara jazo berri dela dirudi, baina Photoshop-arekin kontrastea, intentsitatea, tonuak eta halakoak editatzea zilegi dela defendatu dute argazkilari-blogari askok, elementurik gehitu, kendu edo aldatu ez bada, ez dagoela manipulaziorik. Muga non dago, ordea?
Prentsa-kazetaritzari dagokionez, ez litzateke batere ukitu beharko (hildakoen odola manipulatu izan dute egunkariren batean, gorriago agertzeko). Zerbait kontatzen eta transmititzen duen argazkia da ona kazetaritzan, ez kolore, argi eta teknika egokiena dituena (beste gauza bat da eremu artistikoan).
Irakurri baita ere: Photoshop erabiltzea debekatu nahi dute Ingalaterran.
Kaixo, Egunon!, informazioa gero eta ARGIA.goa, hobe!, baina gaurko teknikarekin, egia esan, edozer gauza egin dezake (desitxuratu ala itxuratu);
Non dago muga? bakoitza bere ikuspuntuarekin, baina nire ustez mugak beharrezkoak dira, arlo guztietan bezala, bestela zer izango da hau askenean…..
Jaso agur bero bat Irundik, eta jarraitu aurrera, leku on bat duzue “argian” orain dela 90 urte (ah, eta eskerrik asko- hartu nuen zuen aldizkaria dohain Durangoko Azokan, asteartean, eskuzabalak zarete eta tratu atsegina duzue ere bai, hori puntuak batzen ditu, normalean; Irungo epaitegian gain begiratzen dut ere zuen aldizkaria, ez daukat ega-rik, dena gaztelaniaz ikasi nuelako, karrera osoa ere bai, baina gehiena ulertzen da, eta oso “argiak” zarete, beste aldizkariak politikarekin nahasten dute informazioa, informazioa gero eta garbiagoa hobe ere bai)