Sexu joera anitzak eta feminismoa Ada Colauren gobernuan, bazterrak erdigune

Atalak: Gizartea

Bizitzaren Zikloa, Feminismoa eta LGTBI Saila sortu du Ada Colauk Bartzelonako Udal gobernu berrian. Kritikak jaso ditu erabakiak, bazterreko kolektiboak bazterreko eta ikusezin izaten jarraitzea nahi duelako hainbatek.

Bazterrak zentral bihurtzen, ertzetako aniztasuna garrantzitsu eta ikusgarri bilakatzen ez du lan samurra izango Colauk.

Bazterreko eta ikusezin, gay-ak onartzen dituztelako, baldin eta “lumarik” gabekoak badira, heteroarauak jarraitzen badituzte, bikote harreman klasikoak badaramatzate; emakumeek boterea eta zentralitatea lortzea normaltzat dute, baldin eta patriarkatuaren eta kapitalismoaren balioak bere egiten badituzte; etorkinei ongietorria ematen diete, baldin eta haien jatorriko kulturei uko egiten badiete; euskara maite dute, baldin eta gatazka sortzen den aldiro atzera egiten badu, bigarren –hirugarren– mailako hizkuntzatzat badu bere burua…

Balore kontserbadoreetatik aldentzen dena erradikala da medio atzerakoi eta –oraindik– hegemonikoentzat, eta zoritxarrez, horiek kutsatuta bizi den gure gizarte –politika, justizi– ereduarentzat. Hori bai, botereak eskuak zabalik hartzen –asimilatzen– ditu erradikalak, “zuzentasunera” moldatzen badira.

Zentralitateak ez ditzala irentsi bazterrekoen berezko izaera eta jarrera. Zentralitatea konkistatzea bezain inportantea baita berau iraultzea eta bazterrak zentral izatea, ertzetako aniztasuna garrantzitsu eta ikusgarri bilakatzea.

Ez du lan samurra Colauk.