“Aitatxo, zer dira giza eskubideak? Aberatsen gauza bat…”
“Ez putak ezta santuak, emakumeak soilik!” edota “geroz eta gehiago makurtu beharra dago dirua ateratzeko”. Horra, giza eskubideen urraketa sistematikoa salatzeko egin dituzten kartelen mezuetako bi.
Egunkaria kasua, pobrezia, presoen dispertsioa, matxismoa, sistema politiko ustela, kontsumismoa, prekarietatea, kapitalismoa eta beste hainbat gai jorratu dituzte, sarri ironiaz. Internetetik irudiak eskuratu, moldatu eta akuarela bidez karteletan irudikatu dituzte Hondarribiko Gazte Xaia elkartean. Uztailean herriko Blues jaialdiak jende ugari bildu duela aprobetxatuz, egun horietan Hondarribiko kaleetan paratu dute erakusketa aldarrikatzailea.
Zure herrian ikusi nahi?
Ekimenaren antolatzaileek adierazi digutenez, kartelak gordeta daude eta beste herriren batean erakusgai jartzeko erabili nahi dituenak eskuragarri lituzke. Hona karteletako batzuk:
Hondarribiko karriketan paratu berri dute erakusketa aldarrikatzailea.
Nire semeak galdera bera egitean,erantzungo nioke, ” bizi garenok, osasuntsu bizi ahal izateko behar dugun jostailu hori bera da”.
Ondo izan.