Ez, ikasle guztiek ez dute etxetik ikasteko aukera
Nire inguruan, Lehen Hezkuntzako txikienei testu-liburuko lanak agindu dizkiete egun hauetarako (irakasleak gurasoekin izango du harremana, email bidez) eta adin batetik gora, internet bidez arituko dira ikasleak, koronabirusaren epidemiak etxean sartuta dituen bitartean. Baina ez dezagun ahaztu, etxe guztietan ez dago ordenagailua eta etxe guztietan ez dute internet.
Ikasle guztien inklusioa bermatzeko eta batzuen eta besteen arteko desorekak saihesteko, teknologiaren eremuan zein estrategia dute Hezkuntza sailek? Ez dagoela dirudi, ikastetxe batzuetan segituan piztu baita alarma gorria: nola jokatu ordenagailua ez duten ikasleen kasuan? Ikastetxeko baliabideak utzi ahal zaizkio? Erantzun garbirik gabe, ikastetxe batzuetan ordenagailurik ez duten ikasleei irakasleek inprimatu dizkiete jarduerak eta eskola atarian utziko dizkiete, kanpoan (ikastetxean sartzea debekatua dute ikasle eta gurasoek), sarreratik bertatik jaso ditzaten. Internetik ez duten familia eta ikasleekin hortik aurrerako harremana nola gauzatuko den (zalantzak, aholkuak, zuzenketak…), auskalo.
6 Iruzkin
Trackbacks/Pingbacks
- Eta haurrek zer diote? | EIBZko liburutegia - […] gero eta handiagoa dela ohartarazten ari diren ahotsak ugarituz doaz: haur eta gazte guztiek ez daukate ordenagailua etxean, edo…
Instituto publiko batean egiten dut lan. Ordenagailurik ez duten 10 ikasle inguru ditugu eta denei eskolako ordenagailu eramangarri bana utzi diegu. Hauetako ia denek interneta zuten etxean, nahiz eta ordenagailurik ez izan. Interneta ez zutenentzat ere interbidea topatu dugu. Beraz, gure ikasle guztiak daude ordenagailuarekin eta internetarekin.
Ba gure eskolan ez da jakin zeintzuk ez duten interneterako aukera eta denei lanak paperean banatu zaizkie.Hori bai,guraso etorkinak dituzten ikasleak izaten dira gehienetan kaltetuak.Hurrengo lan txostena emailez bidaliko zaie agian eta ez dugu bermatu haien konektibitatea.Eusko Jaurlaritzaz aparte,eskolako zuzendaritzak ere ez du ahalegin handirik egiten.
Gure eskolan, galdeketa egin ostean, bietan bidali da.
5 urtekoen kasuan papera eta beraiekin harreman zuzena audioa ren bidez(wsapa). Eta margoak eta goraizeak behar badituzte ere, iritsiko zaizkie. Nola ez! Hori, eskola publikoko irakasle on esku dago. Ez ahaztu
Ez da teknologia kontua soilik:
1) Ume batzuek guraso biak izango dituzte orain etxean 24 orduz, beste batzuek bat, beste guraso batzuek lanaldiak moldatu ahal izan dituzte umeekin egoteko, baina askok lanean jarraitzen dute familiarekin egoteko ia astirik uzten ez dieten lan ordutegiekin.
2) Guraso batzuek gehiago lagundu ahal izango diete umeei etxerako lanekin, prestakuntza akademikoa dutelako horretarako, eta ia-ia irakasleen pare ariko dira. Beste guraso batzuek, ordea, ez dute laguntzeko nahikoa ezagutzarik.
3) Eta zer esan behar berezial dituzten haurrei buruz? Ba al dute beren beharretara egokitutako baliabiderik erabiltzeko aukerarik? Ba al dute familiek behar bezala laguntzeko aukerarik?
Eskolara itzultzean, alde horiek oso nabarmenak izango dira, eta desoreka inoiz baino handiagoa. Krisi guztietan bezala, egoera zaurgarrienean daudenak izango dira galtzaile.
Ba Interneta ez duten gurasoei telefonoz deitu,edo posta elektronikoa gurasoek mobiletan begiratu.Nik uste dut denek dugula datuak dituen mobilak. eta datu horiek ordenagailura pasa daitezke lan egiteko be
Nik ere lanbide heziketako ikastetxe publiko batean egiten dut lan eta arazo hau zetorrela ikusi genuenean, egin genuen lehen gauza, etxetik lan egiteko konekzio arazoak izan zitzatezken ikasleak detektatzea izan zen (etxean ordenagailua izanda ere bere anai arrebekin elkarbanatu behar zutenak barne) eta ikastetxeko baliabideak utzi zaizkie.