Hasiera » Euskara » Udaltzain izateko euskara eskatzea diskriminatzailea dela dio EAEko Auzitegi Nagusiak

Mai12 17

Udaltzain izateko euskara eskatzea diskriminatzailea dela dio EAEko Auzitegi Nagusiak

Atalak: Euskara

Irungo udaltzain izateko oposaketetan eskatzen zen euskara jakitea, baina euskara ez dakitenenganako diskriminatzailea dela iritzita, deialdia baliogabetu du EAEko Auzitegi Nagusiak. Diskriminazioa Irungo euskaldunok jasaten duguna, euskaraz artatuak izateko eskubidea beste behin ere bermatuko ez zaigula jakinda.

Argazkia: Irungo Udala

Epailearen ebazpenak dio herritarrok badugula administrazioarekin euskaraz aritzeko eskubidea, bai, baina horretarako ez dutela udaltzain guztiek euskaraz zertan jakin, nahikoa dela “jendeari arreta egiten dion udaltzainetakoren batek” eta “bikotean doazen udaltzainetako batek” euskaraz jakitea. Epaileak argitzen ez diguna da nola bermatuko duen udaltzainen artean euskaraz dakiten profesionalak egotea, deialdian ez bada eskaera hori egiten; nola bermatuko duen kalean dagoen herritar euskaldunari zuzentzen zaion udaltzainak euskaraz egingo diola.

Epaiak ere badio Irunen gutxiengoa dela euskaraz dakien jendea, eta horri garrantzia ematen dio erabakia hartzeko orduan. Noiztik da argudio gutxiengo izatea, eskubideak ukatzeko? Ala bigarren mailako herritar gara, beste behin?

Errealitatea da administrazioarekiko hartu-emanean euskaraz artatua izatea lortzeak zaila izaten jarraitzen duela kasu asko eta askotan, administrazio publikoak lan handia duela oraindik bere langileak euskalduntzen, eta horrelako ebazpenak zangotraba baino ez direla kalitatezko zerbitzu publiko euskalduna lortzeko bidean.

Miren Echeveste Irungo Euskara zinegotziari galdetu diogu ebazpenari buruz zein balorazio egiten duen. “Une honetan zerbitzu jurdikoak ari dira gaia aztertzen eta auzitegietako kontua denez euren balorazioaren zain gaude. Izatekotan, balorazio juridikoaren ostean egingo dugu balorazio politikoa”.

17 Iruzkin

Tarrat | 2021-05-12 at 10:49

‘Gorena’ barik, ‘nagusia’ 😉

Reply
- Mikel Garcia | 2021-05-12 at 11:01
  
  Zuzendua. Mila esker oharragatik.
  
  Reply
Tarrat | 2021-05-12 at 10:50

Non lor liteke epaiaren testua?

Milesker.

Reply
Onintza | 2021-05-12 at 11:09

Lotsagarria!!! Bietako batek jakitea nahikoa? Beraz, guk egin behar horri ere aurre? Zer esan behar diogu ez dakienari? Zoaz pikutara? Ah ez…. Gazteleraz egingo dut denok ulertu dezagun? KAKA ZAHARRA

Reply
Oh-la-la! | 2021-05-12 at 13:08

Hau da hau! Legeak dioena baztertu eta bere ipurdi biriibil eta joseantonianoak diktatzen dioanri men egiten dion epailea!

Hauentzat ez al da zigorrik?

(Ez legoke sobran epaiaren testua osorik eskaintzea)

Reply
Markel Etxebarria Arostegi [Facebook bidez] | 2021-05-12 at 14:19

Langile publikoa izateko, derrigorrezkoa beharko luke!!!!

Reply
Asier Etxearte [Facebook bidez] | 2021-05-12 at 14:20

Eta erderaz jakin beharra ez al da diskrimimazioa? Makina bat pertsona daude gazteleraz ongi mintzatzen ez direnak. Bi hizkuntza baditugu, biak menperatu behar dira langile publikoa izateko.

Reply
Aritz Altzalei [Facebook bidez] | 2021-05-12 at 14:21

Funtzionarixu izeti ezta eskubidi. Norbere herrixen euskeraz eitxi bai! Horrek epaile horrek bardine esango leuke euskerian lekun gazteleri balego? Españin mundu guztik jakin bidau gazteleraz… Bla bla bla holan bada Euskal Herrixen be bai euskeraz

Reply
Iñigo MuBl [Facebook bidez] | 2021-05-12 at 14:21

Euskaraz egitea tokatzen zaie Irundarrei.. ez badute ulertzen gu ez gaude derrigortuta erderaz egitea.. keinuz nahi badute..

Reply
itziar | 2021-05-12 at 14:39

epailearen izen-abizenak jakitea ere ez legoke sobran

Reply
- Mikel Garcia | 2021-05-12 at 14:46
  
  Ebazpenaren arabera, epaitegiko presidente Luis Ángel Garrido Bengoechea, eta magistratuak: José Antonio González Saiz eta Trinidad Cuesta Campuzano.
  
  Reply
  - Isidro Sasemorena | 2021-05-13 at 6:37
    
    Euskaea gorroto dutenen esku gaude, gureak ez diren epaitegien ml morroi. Horiek magistratuak ez, terroristak dira.
    
    Reply
Oihane Olaizola Galardi | 2021-05-13 at 8:11

Lotsagarria benetan. Irungo euskaldunok urteak daramatzagu halakoak jasaten…udaletxeak zeozer egin beharko luke gure euskaraz bizitzeko eskubidea bermatzeko.

Reply
Oh-la-la! | 2021-05-13 at 12:00

Hara zer dioen euskararen kontra jardun duen abokatuak:

https://twitter.com/LOPEZ_LERA_AB/status/1391737523802677252

Reply
Oh-la-la! | 2021-05-13 at 13:19

https://elcierredigital.com/realidad-autonomica/898280091/lopez-lera-abogado-tumba-oposiciones-irun-imponer-euskera.html

Hemen abokatuaren adierazpen batzuk.

Reply
Oh-la-la! | 2021-05-16 at 11:58

Hara:

https://egoitza.gipuzkoa.eus/eu/gao?p_p_id=BoletinOficial_WAR_LEEboletinOficialportlet&p_p_lifecycle=0&p_p_state=normal&p_p_mode=view&p_p_col_id=column-1&p_p_col_count=1&_BoletinOficial_WAR_LEEboletinOficialportlet_myaction=detalleAnuncio&_BoletinOficial_WAR_LEEboletinOficialportlet_pdf=https%3A%2F%2Fssl4.gipuzkoa.net%2Fcastell%2Fbog%2F2002%2F11%2F04%2Fb021104-208i.pdf%23Page%3D1&_BoletinOficial_WAR_LEEboletinOficialportlet_url=https%3A%2F%2Fssl4.gipuzkoa.net%2Feuskera%2Fgao%2F2002%2F11%2F04%2Fe0211528.htm&_BoletinOficial_WAR_LEEboletinOficialportlet_highLights=lopez+lera

Oraingo helegilearen abokatuak zerbait izan zuen duela rute batzuk kontu honekin…

Reply
Tarrat | 2021-05-18 at 20:44

https://twitter.com/LOPEZ_LERA_AB/status/1394186868179230721

https://twitter.com/eduardovirgala/status/1393630626562166785

https://twitter.com/JosudeMiguel1/status/1393101478139768834

https://twitter.com/eduardovirgala/status/1393094100140843010

Reply

Iruzkina idatzi Utzi erantzuna

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.