Guraso bakarreko familien eskubideak, noizko?

2023-09-04  //  Amatasuna, Diskriminazioa, Haurren haziera  //  Iruzkinik ez

Ester ama izan berri da eta 16 asteko baimena du haurra zaintzeko. Amabakarra da, Hego euskal herritarra, eta beraz bere umeak ez du bi gurasodun haurren eskubideaz gozatuko: 32 asteko zaintza baimena, bi gurasoen artean. Bakarrik egonda laguntza gehien behar duenari zaintza denbora gutxiago ematen dio legeak, eta diskriminatzailea dela ulertuta, epaitegietara jo duen amabakar batek baino gehiagok lortu du bere baimena 32 astera luzatzea. Duela hilabete batzuetatik, ordea, are gehiago konplikatu da afera eta egosten ari den Familia legean ere zalantza ugari dago oraindik airean.

Epaitegietako borrokak azken helburu bat du: legea aldatzea (istock)

(gehiago…)

Kirola, gizonen kontua

2023-08-29  //  Kirola, Matxismoa  //  Iruzkinik ez

Padel ikastaroan izena ematera joan da 40 urte dituen Laura, bere mailan ordu bakarra dago libre, baina bi gizon daude izena emanda ordu horretan “eta gizonekin ez zaitut jarriko, zeren gizonek neurria segituan hartzen diote jokoari”. (gehiago…)

Haurren oporretan, kontziliazioa buruhauste

2023-07-04  //  Haurrak, Zaintza  //  Iruzkinik ez

Hiru seme-alabak udaleku irekietara eramatea garestiegi ateratzen zaio Alaitzi, eta lanean eszedentzia eskatu du udan. Zaintzailea, udaleku publiko eta pribatuak, amona-aitonak, lanaldi murriztuak… ere aukera dira batzuentzat, baina askok ezin du horietara jo, zaintza eta kontziliazioa erdigunean jartzen ez dituen sistema honetan.

Udaleku publikoen eskaintza mugatua da eta haur guztiek ez dute horietan parte hartzeko aukera. Argazkia: Udaleku

(gehiago…)

Eskolarik ez, liburutegi duinik gabe

2023-06-11  //  Haurrak, Hezkuntza, Literatura  //  4 iruzkin

Irakurtzen dutena ulertzeko zailtasunak dituzte gazteek, azken kanpo-proben arabera. Ezinbestean dator galdera: irakurtzeari eta irakurzaletasunari nahikoa garrantzi eta denbora ematen al diegu etxean eta eskolan? Eskoletako liburutegiek ba al dute izan behar luketen zentraltasuna? Liburu (interesgarri)z betetako apalak, ikasgelak eta liburutegiak al ditugu gure ikastetxeetan? (gehiago…)

Seme-alaben notei zenbateko garrantzia ematen diegu?

2023-04-02  //  Haurren haziera, Hezkuntza  //  Iruzkin bat

Oporren aurretik ikasle ugarik eskolako notak jaso dituztela-eta, irakasle bati behin entzundakoa datorkit burura: ikasgai batean 8,5 ateratzeagatik gurasoek zigorturiko neska. Neurriz kanpoko kasuetatik harago, guraso askori segurtasuna ematen dien erreferentzia dira notak, eta ez ote diegun garrantzi gehiegi ematen. (gehiago…)

Eskolan haurrei ateratzen zaizkien argazkiez hiru gogoeta

2023-03-14  //  Haurrak, Hezkuntza  //  6 iruzkin

Urte eta erdiko umea ikaskideengandik baztertu dute eta besteek plastilinarekin nola jolasten duten begira utzi dute, irakasleek eszena bideoan grabatu nahi dutelako eta ume horren gurasoek ez dutelako baimenik eman umeari argazkiak atera edo bideoan grabatzeko. Zein momentutan jarri dugu irudia eskolako dinamikaren aurretik? (gehiago…)

Komun publikoak bermatzea ere feminista da

2023-03-08  //  Feminismoa  //  Iruzkinik ez

Bi komun eramangarri baino ez zeuden Lilatoia lasterketaren irteera eta helmuga gunean –dirudienez, gainera, ez espresuki lasterketagatik jarriak–, eta parte hartu zuen emakumeetako baten kexa iritsi zait: gizonak, arrazoi anatomiko eta kulturalak medio, edozein zuhaitz eta txokotan pixa egiten ikustera ohituta gaudela, baina 6.000 emakumeren behar fisiologikoak aintzat hartu beharko lituzkeela ikuspegi feminista duen korrikaldiak. Gaiak eztabaida zabalagoa dakar erdigunera: zein leku dute komun publikoek gure herri eta hirietan?

6.000 lagunentzako bi komun aurreikusteak ez dirudi oso proportzionala. Argazkia: El Diario Vasco

(gehiago…)

Eskola digitalak sortzen duen lilura eta beldurra

2023-01-10  //  Hezkuntza, Teknologia berriak  //  Iruzkinik ez

Eskoletako digitalizazioak atzera-bueltarik ez duen garaiotan, teknologiaren dirdirak sortzen duen lilura bezainbestekoa da mesfidantza eta zuhurtzia: horren lekuko, adimen artifizialean oinarritutako ChatGPT sistema debekatu duela New Yorkeko Hezkuntza sailak, AEBetako eskola publiko sare handiena duenak. (gehiago…)

“Eskerrik asko 18 urteko pertsona hau armairutik ateratzera behartzeagatik”

2022-11-03  //  LGTBIQ  //  Iruzkinik ez

Bi mutikoren arteko telesail ospetsu batean protagonista izan ostean, Kit Connor aktorearen sexualitatea espekulazio iturri izan da, eta hain prozesu intimo eta pertsonala behar lukeena, norbere tempoak eta zalantzak errespetatuz, esposizio publiko deserosoa bihurtu da Connorrentzat: bisexuala dela haizatu du, gogoz kontra. Armairutik ateratzea eskubidea da, ez obligazioa. (gehiago…)

Heriotzaz hitz egin dezagun

2022-10-24  //  Gizartea, Haurrak, heriotza  //  Iruzkinik ez

Teoria badakigu, eta hala gogoraraziko digute Hildakoen Egunaren harira egunotako artikulu eta elkarrizketek: bizitzaren parte da heriotza, normalizatu egin behar dugu, naturalizatu, dolua pasa… eta horretarako erremintak badirela diote adituek, baina hain dira pertsonalak heriotzaren aurreko bizipen eta erreakzioak, hain dira ezberdinak kasuak. Ezustean, istripuz, gaixotasunez, zahartzaroz, suizidioz hil den semea, ama, aitona, bikotekidea, laguna, ikaskidea, lankidea, pisukidea… agurtzea ez da beti erraza. Irakatsi daiteke heriotzari aurre egiten? (gehiago…)