Zuk euskaraz, nik erdaraz

2017-07-14  //  Euskara  //  2 iruzkin

“Egun on”, nik. “Buenos días”, telefonoz bestaldean. “Euskaraz bai?”. Isilunea… “Zuk hitz egin euskaraz eta nik erdaraz egingo dut”, erantzun dit azkenean, eta poztu egin naiz. Poztu, proposamena ez diodalako nik egin behar izan, ez diot nik planteatu ea arazorik ote dagoen eroso sentitzen naizen hizkuntzari eusteko, ez du nire bizkar utzi hizkuntza aldatzeko ahalegina, ez du normaltzat jo nik gaztelania dakidanez gaztelaniaz egin behar izatea. Eta tamalez, ez da hain ohikoa. Beharbada euskaldunok, diskurtsoa errepikatzeari esker, lortzen ari gara batzuen jarreran eragitea. Horregatik, euskararen erabilerak behera egin duela kezkatzeko moduko albistea dugun honetan, kontsolagarria izan daiteke erabileran bakarrik ez, fokua hizkuntzaren ezagutzan ere jartzea (Pello Zubiriak esan moduan). Alegia, norberak euskaraz lasai eta aske egin dezakeela sinestea, gero eta gehiago direlako euskaraz ulertzen dutenak (nahiz eta egin ez).

(gehiago…)

Gorputz ez estandarrak normalizatzea lortzen ari den yoga irakaslea

2017-06-26  //  Diskriminazioa, Gorputza  //  2 iruzkin

“Emakumea, beltza eta obesoa”. Horrela definitzen du bere burua Jessamyn Stanley estatubatuarrak. Yogari buruzko bere irakaspenek jarraitzaile andana eta helburu garbia dute: egungo estetika irizpideetatik at dauden gorputzak ikusaraztea eta gorputz horiek guztiek lotsarik sentitu gabe yoga egin dezaketela adieraztea. (gehiago…)

Haurrei debekatutako hotel eta jatetxeen ostean, orain zineak. Umefobia?

2017-06-26  //  Diskriminazioa, Haurrak, Zinema  //  Iruzkinik ez

3 urtetik beherako umeei zinean sartzea debekatzeko neurriak hartu ditu Udalak Mazatlán hirian (500.000 biztanletik gorako hiri mexikarra). Haurrik gabeko gune gero eta gehiago eskaintzen diren garaiotan, polemika piztu du albisteak: lasaitasuna nahi duten helduak erakartzeko zilegi diren erabakiak ala umefobia? (gehiago…)

Wonder Woman emakume superheroiaren filmak haurtzaindegi batean eragin duena

2017-06-19  //  Feminismoa, Generoa, Hezkuntza, Zinema  //  Iruzkinik ez

Wonder Woman filma estreinatu eta aste berean, umeen rol, jolas eta interesetan aldaketak ikusi ditu AEBetako haurtzaindegi bateko irakasleak, eta horien zerrenda bidali dio filmaren zuzendariari, emakumezko pertsonaia indartsuek haurrengan zenbaterainoko eragina duten –eta halako pelikulak zein beharrezkoak diren– azpimarratzeko: (gehiago…)

Urretxindorra, bazterketa arriskuan dagoen nerabea eta unibertsitarioa elkartzen dituen proiektua

2017-06-12  //  Gizartea, Hezkuntza, Migrazioa  //  Iruzkinik ez

Euskal Herrian denbora gutxi daramatelako, arazo emozionalak edo harremanak garatzeko zailtasunak dituztelako laguntza behar duten atzerritar jatorriko gazteek (10-14 urtekoek) unibertsitateko ikasleekin denbora librea partekatzea da Urretxindorra egitasmoaren helburua. Aurten 28 bikote elkartu dituzte Donostia, Errenteria eta Hernanin, eta oso positiboa izan da harreman berezi horren emaitza, bi norabideetan. (gehiago…)

Umeek orube bat konkistatu eta jolas-parke bihurtu zutenekoa

2017-06-12  //  Hezkuntza, Jolasa  //  Iruzkin bat

Erabili gabeko orube publiko eta itxia izan da hogei urtez, Madril erdialdean, harik eta haurrek eremua okupatu eta jolasteko gune ezin hobe bihurtu duten arte. Arkitekto, diseinatzaile eta pentsalari taldea auzokideekin batera eremu horretan zer egin eztabaidatzen ari zirelarik, konturatu ziren umeak eurak, planifikaziorik gabe, gunea transformatzen ari zirela jada, jolastuz, esploratuz, bertako baliabideak baliatuz. (gehiago…)

Haurrentzako animazioan homosexualitatea normalizatzen

2017-06-05  //  Homosexualitatea, Sexua, Zinema  //  Iruzkinik ez

Haurrei zuzendutako film eta marrazki bizidunetan tabua dira oraindik LGBT pertsonaiak. Horregatik da berezia In a heartbeat, bi mutikoren arteko maitemintze istorio homosexuala gai nagusitzat duen animaziozko lehen laburmetrai gisa aurkeztua. Bi ikaslek egin dute eta estreinatu aurretik arrakasta handia lortu du jada. (gehiago…)

“Haurrarentzat erronka izan behar du jolas-parkeak”

2017-05-29  //  Jolasa  //  Iruzkinik ez

Jolas-parke uniforme, gris, gatzgabeetara ohituegi gaude, orijinaltasun gutxiz eraikiak, segurtasunak obsesionatuta. Oso bestelakoak dira Monstrum enpresarenak: helburua, “umearen sormenarentzat eta psikomotrizitatearentzat  erronka izango diren jolas-parkeak” diseinatzea, esploratu ditzaten, nahieran jolastu (ez dagoelako erabiltzeko modu bakarra), tamainako arriskuak hartu… (gehiago…)

Feminismoaren biktimak

2017-05-29  //  Feminismoa, Indarkeria matxista, Matxismoa  //  4 iruzkin

Feminismoaren eta politika parekideen biktimatzat saltzen dute euren burua gauzek berdin jarraitzea nahi dutenek. Adi, matxismoaren estrategia berriek argudio iruzurtiak baitituzte oinarri, Miguel Lorentek zerrendatu moduan: (gehiago…)

Irakasle pribilegiatuak, edo nola desprestigiatu hezkuntzako mobilizazioak

2017-05-24  //  Hezkuntza  //  Iruzkinik ez

EAEko irakasle publikoek lan-baldintzarik onenak dituztela esan eta pribilegiatu batzuk direla iradoki du Josu Erkoreka Jaurlaritzaren bozeramaileak. Mobilizazioak desprestigiatzeko estrategia baldin bada, Erkorekak jakin beharko luke ez dagoela egoera miserablean lanean aritu beharrik urtetan murrizten joandako baldintzak eta eskubideak berreskuratzea borrokatzeko; beste batzuk okerrago egoteak ez diola grebari zilegitasunik kentzen (haien eskubideak ere defenda ditzagun, baina ez jarri elkarren aurka, jokaldi makurra da-eta); eta batez ere, irakasleen lan-baldintzetatik harago doazela grebako aldarrikapenak: hezkuntza publikoaren kalitatea bermatzeko eta ikasleen euren heziketa hobetzeko murrizketak gelditu eta inbertsioa Europar Batasunaren batez bestekora handitzeaz ari dira grebalariak, gelako ikasle kopurua handitzeari uzteaz, ikasleak bost egunez irakasle ordezkorik gabe ez gelditzeaz… Erkorekaren ustez, greba hauek ez daude “inolaz ere justifikatuta”, baina ezin da baldintzak murrizten jarraitu eta erantzunik ez espero. “Ez da unea” diote Jaurlaritzatik, ikasle ugarik azterketak dituztela argudiatuz, irakasleek ikasleak kontuan hartu gabe berekoi jokatuko balute bezala, baina hain juxtu ikasleen euren heziketa ari dira borrokatzen. Eta gainera, zer esatea nahi duzue, Erkorekak ez dirudi egokiena irakasleek baldintza pribilegiatuak dituztela aditzera emateko.

Maiatzaren 23ko manifestazioetako bat. Argazkia: Ecuador Etxea.

(gehiago…)