Erabaki aitzindaria Australiako proba ziklistan: azafatarik ez podiumean

2017-01-09  //  Generoa, Hedabideak, Kirola  //  Iruzkin bat

Ondoren etorriko diren txirrindulari lasterketentzat erreferente izan daitekeen erabakiarekin abiatuko da, datorren astean, Australiako Tour Down Under proba ziklista: sariak emateko ez da gehiago azafatarik erabiliko podiumean, junior kategoriako txirrindulariak baizik.

(gehiago…)

Testosteronadun pilotak frontoietan

2017-01-05  //  Generoa, Hedabideak, Kirola  //  9 iruzkin

Pilotari profesionalek aukeratutako materiala “pelotas de hombres, de mucho poder” direla idatzi du DVko kazetariak, eta testosteronadun pilotak irudikatu ditut, barrabilak zintzilik dituzten pilotak. Egiatan, 106 gramoko pilotez ari da, pisutsuak eta gogorrak, baina gizontasun kontua bada, zergatik ez jokatu harri koskorrekin? Bai jauna, eta takorik eta antzeko maritxukeriarik gabe, benetako gizonen moduan! Eta aizu, pilota pisutsuak eta boteretsuak baldin badira gizonentzako pilotak, kazetariarentzat zein ezaugarri ote dituzte emakumeentzako pilotek? Tira, baten batek esango du emakume gehienentzat pilota astunegiak direla; joño, zenbat gizon gara gauza pilota horiekin jokaldi bat baino gehiago egiteko? Ez, ez dira gizonentzako pilotak, eliteko kirolarientzako pilotak dira. Eta ez, pilotek (jostailuek, zaletasunek, jolasek, kirolek, espazioek, edariek, koloreek, gaitasunek…) ez dute sexurik, batzuk kontrakoa errepikatzen tematzen diren arren. (gehiago…)

“Ezin dut gehiago, heriotza duina nahi dut”

2017-01-02  //  heriotza  //  10 iruzkin

Larraitz Chamorro alegiarrak halaxe eskatu zion ahizpari, hain da handia ELA gaixotasunak eragiten dion sufrimendua: “Esti, ezin dut gehiago, lagundu iezadazu honekin bukatzen”. Bizitzan entzun dituen hitzik gogorrenak izan ziren Esti Chamorrorentzat, “badakidalako asmo horretan laguntzeak esan nahi duela ahizpa ondoan gehiago ez edukitzea, baina orain dagoen moduan ere ez dut eduki nahi, zenbat sufritzen ari den jakinda”. Legeak onartzen ez dion heriotza duina eskatzeko sinadura bilketa abiatu dute.

Larraitz eta Esti Chamorro (Argazkia: eitb.eus)

(gehiago…)

“Ez gara Barbie burugabeak, ez ditugu behar txilibitu arrosak eta baloi txikiagoak futbolean jokatzeko”

2016-12-19  //  Kirola, Sexismoa  //  Iruzkinik ez

Ingalaterrako Futbol Federazioak gomendio sorta dauka webgunean, neskak futbolera erakartzeko: txilibitu arrosak erabiltzea arbitratzeko, kamiseta koloretsu eta usain onekoak eskaintzea, neska asko baloi pisutsu batek joko dituen beldur direla iritzita entrenatzaileek baloi txikiagoak erabiltzea, partiduan zehar mugikorrak kontsultatzeko tartea uztea, jokoan etenak egitea neskak sare sozialetan aritu ahal izateko… Mezu iraingarri horiei tinko erantzun diete eskola bateko futbol taldean ari diren neskek. (gehiago…)

Emozionatu ez den burmuinak ez du ikasgaia barneratu

2016-12-19  //  Hezkuntza  //  Iruzkinik ez

Gero eta pedagogia gehiagok argi dutena berresten du neurozientziak: “Emozioa da ikas-prozesuaren funtsezko elementua, maite den hori baino ezin delako ikasi, zerbait berria esango diguna, inporta zaiguna. Emoziorik gabe ez dago jakin-minik, ez dago arretarik, ez dago ikaskuntzarik, ez dago memoriarik”. (gehiago…)

Eskola honetan genero-markarik gabe funtzionatzen dute

2016-12-12  //  Generoa, Hezkuntza  //  Iruzkinik ez

“Izan gaitezen norberak nahi duena”, dio soineko arrosez jantzitako mutilaren posterrak. Argazkia Nicolaigarden haurreskolan dago, Suediako hiriburuan, eta ongi irudikatzen du ikastetxearen oinarri nagusietakoa: mutil eta nesken arteko bereizketa kontziente/inkontzienteak eta genero-estereotipoek ez dute lekurik bertan. Lanketa integrala eta berezia egiten dute horretarako, 5 urte arteko umeentzako eskola honetan. (gehiago…)

Paralitikoek ere sexua nahi dute

2016-12-12  //  Gorputza, Sexua  //  2 iruzkin

“Zuk medikuari ordaintzen diozu hagina konpontzeko. Gorputza ukitu diezadaten ordaindu beharra daukat nik. Deprimituta nengoen eta hau egiten dudanetik gustura sentitzen naiz, terapia bezalakoa da”. Sexu-laguntzailea darabilen emakume bat da hitz egiten duena, Kataluniako telebista publikorako egin duten Jo també vull sexe! dokumentalean. Aniztasun funtzionala duen jendeak ere sexua, plazera nahi duelako, behar duelako.

(gehiago…)

Erditze gelatik zuzenean azterketara: tratu bidegabea ala fabore-tratua?

2016-12-05  //  Diskriminazioa, Sexismoa  //  Iruzkinik ez

Erditu berritan, lorik egin gabe, oraindik epiduralaren eraginez hankak ezin mugiturik eta odola zeriola, ebakuntza gelatik zuzenean ospitaleko beste gela itxi batera eraman zuten, gurpildun aulkian, oposaketetako azterketa gainerako hautagaien une berean egiteko. Deskantsatzen ez utzi izana eta azterketa baldintza negargarrietan egin izana salatu du Madrilgo emakume batek, baina kritiken jomuga ere bihurtu da emakumea bera, hainbatek dioelako haurdunek fabore-tratua jasotzen dutela azterketa hauetan, istripu edo ezbeharren bat dutenei ez zaielako aukera hori ematen. (gehiago…)

Zergatik den arantzatsua Jaurlaritzak legegintzaldi berrirako iragarri duen Hezkuntza Legea

2016-11-28  //  Hezkuntza  //  Iruzkin bat

Jaio aurretik kontra ditu eskola publikoko ordezkariak, eztabaida piztu du ikastolen eta eskola publikoaren artean, eta arautuko dituen hainbat punturekin ez datoz bat eragileak. EAErako Hezkuntza Legea, Cristina Uriarte Hezkuntza sailburuak legengintzaldi honetarako aurreikusi duena, bero dator. Hona afera ulertzeko gakoak: (gehiago…)

Estereotipoetatik aske diren neska-mutilak hezteko unitate didaktikoa

2016-11-28  //  Generoa, Hezkuntza  //  Iruzkinik ez

Genero markadun estereotiporik gabe, garapen pertsonal askeak bultzatzea batetik; indarkeria jasateko beldur barik askatasunean bizitzeko beharrezkoak diren errespetu eta neurri sozialen kontzientzia hartzea bestetik. Helburu horiekin, ikastetxeetan adin eta maila ezberdinetan lantzeko material didaktikoa sortu dute. (gehiago…)