Berlingo kaleetan faxismoari aurre egiten dion 70 urteko aktibista

2016-10-17 // Arrazakeria, Gizartea, Xenofobia // Iruzkinik ez

Graffitiak eta aktibismoa gazteen kontua direla? Irmela Mensah-Schramm emakume berlindarrak 70 urte ditu eta hiru hamarkada daramatza paretetako mezu homofobo, antisemita, arrazista eta naziak, gorroto mezuak oro har, ezabatzen edo mezu baikorrengatik ordezkatzen. 100.000 pegatina eta pintadari egin die aurre eta epaitegietatik pasa berri da, pareta batean spray-arekin idazten atzeman zutelako. Berak garbi du, faxismoaren kontra jarraituko du, eskuin muturra indartzen ari den garaiotan. (gehiago…)

Kamerak ikastetxeetan?

2016-10-11 // Hezkuntza // Iruzkinik ez

Bullying edo eskola-jazarpen kasu batzuetan, “ikastetxean kamerak ezartzea beharrezkoa” dela adierazi dio Juan Calparsoro EAEko fiskal nagusiak Vocento taldeari, “kasu batzuk lekukorik gabe ematen direlako. Bitartekoak jartzea beharrezkoa da, beti ere hirugarren pertsonen eskubideak errespetatuz”. (gehiago…)

Hizkera sexista noiz darabilgun jabetzeko eta hori saihesteko tresna

2016-10-10 // Generoa, Hizkuntzak, Matxismoa, Sexismoa // 2 iruzkin

“Andaluziar bat eta haren emaztea ezagutu nituen”, “Arzallus eta Maialen ikusi ditut”, “neska batek bezala egiten duzu negar”… Komunikazio sexista darabilzu eta konturatu ere ez zara egin? Horri aurre egiteko gida atera berri du Steilasek. (gehiago…)

Zorionez, matxoak asko gara oraindik

2016-10-10 // Kirola, Matxismoa // 2 iruzkin

Ez al dituzte gizon guztiek euren konkistak haizatzen? Ez al da naturala gure balentriez apur bat fardatzea, maliziarik gabe? Geneetan daramagu, bestela zergatik hauspotu dute hainbeste gure txorta-jotzea whatsappez whatsapp, komentario jokosoz, txaloz eta emotikono ironikoz lagunduta, zergatik bilatu dute sarean zein den emakumea eta gustura aritu dira katxondeatzen? Kezka gutxi tiparekiko, eta orain marroia nik jan behar, zer eta gutxi batzuei erakusteko eta barre batzuk botatzeko bideoa grabatzeagatik. Pentsatu al du norbaitek nola eragin diezaiokeen honek nire irudiari, nire karrerari? Jainkoarren, Lehen Mailako futbolaria naiz! Emakume hori ez da inor; umiliatuko dutela? Gustura asko aritu zen ba, ederki gozatu zuen, eta bi jokalari profesionalekin gainera! Duela gutxi Italian neska batek bere buruaz beste egin zuela antzeko kasu baten ondorioz? Baina oraingo amek ez al diete esaten txintxo portatzeko, suarekin jolasteak erre zaitzakeela? Salaketa jarri dit eta bi delitu egin omen ditut, baimenik gabe intimitatean gertaturikoa grabatzea eta irudi horiek zabaltzea, baina lasai nago, pasako da guztia, ez naiz ez lehenengo ez azkeneko futbolari profesionala eskandalu sexualen batean harrapatu dutena eta beti atera dira onik, hemen futbolari ona izatea da inportanteena eta horrelako txikikeriak onartzen zaizkigu, gu ez gara edonor, negozioaren parte garrantzitsua gara, ziur zale gehienen babesa izango dudala; zelaian huts egiten badut, orduan bai, entzungo ditut txistuak. Zorionez, asko dira oraindik nik bezala pentsatzen dutenak, feminaziek xaxatuta batzuek zarata pixka bat atera duten arren. (gehiago…)

Kanpaina homofoboari kontrakanpaina indartsuagoarekin erantzun diote

2016-10-04 // homofobia // Iruzkinik ez

El Corte Inglés-en iragarki batean bi seme dituen bikote homosexuala agertzea “manipulatzea” dela iruditu zaio Hazte Oír plataforma atzerakoiari, “ahazten dutelako familia naturala aita batek eta ama batek osatutakoa dela”. Familia tradizionala suntsitu nahi izatea egotzita, iragarkia kentzeko kanpaina abiatu eta 21.000 sinadura pasatxo lortu dituzte. Kopurua hirukoiztu baino gehiago egin du kontrakanpainak: iragarkia mantentzeko eskatuz eta “familia eredu anitzak babestuz” ia 75.000 sinadura bildu dituzte. (gehiago…)

Bozkatzera joan eta deskubritu zuten euren partez bozkatu zutela jada

2016-10-03 // Politika // Iruzkin bat

Ez bat, ez bi, kongregazio bereko hiru mojari gertatu zaie, Eusko Legebiltzarrerako azken hauteskundeetan bozkatzera joan direnean: izena esan eta horra sorpresa, ezin dutela bozkatu erantzun dietenean, postaz aurretik botoa emana zutelako jada… euren izenean. (gehiago…)

Haurrak eskolara oinez eta beren kabuz, hain sinplea, hain iraultzailea

2016-10-03 // Haurren haziera, Hezkuntza // Iruzkinik ez

Haurrak ikastetxera eskolakideekin joan daitezela, oinez eta taldean, herria deskubrituz, ingurua biziz eta gozatuz, txiki eta nagusiagoekin batera bidea autonomoki eginez, kalea eta kaleko oztopo eta plazerak euren gain hartuz. Auto barruan edonora goazen garaiotan, duela gutxira arte naturala zena berreskuratzea dute helburu gero eta herri gehiagotan. (gehiago…)

Semearen liburua ekartzera etorri bazara eskolara, segi etxera bueltan

2016-09-26 // Haurren haziera, Hezkuntza // Iruzkinik ez

Guraso ugari haserrarazi eta polemika piztu du ikastetxe bateko atarian jarri duten oharrak: “STOP. Zure semeak ahaztu duen hamaiketakoa, liburuak, ekipamendua ekartzera etorri bazara, mesedez buelta erdi eman eta atera ikastetxetik. Zure haurrak arazoak konpontzen ikasiko du, zu ez zaudenean ere”. (gehiago…)

Babarrun lata bat [Publikoaren Saria]

2016-09-25 // Zinema, Zinemaldia 2016 // Iruzkinik ez

Zine soziala saritu dute aurten Zinemaldiko ikus-entzuleek, elikagai bankuan emakume bat, gosearen goseaz, babarrun lata bat irekitzen eta zuzenean latatik jaten ikusteak hunkitu egin gaituelako, hainbeste da horrelako eszena batek esan nahi duena. Bai, bete-betean Ken Loach zuzendari britainiarraren zigilua daraman I, Daniel Blake saritu du publikoak, Loachen formula ezaguna zaigun arren, ongi funtzionatzen duen formula delako. Dramatismo merkean erori gabe, gizarte babesari loturiko burokrazia zenbateraino den kafkianoa, bihozgabea eta, areago, hiltzailea salatu du oraingoan zuzendari ezagunak. Demagogikoa eta panfleteroa dela esango du baten batek, baina guri oso errealista eta sinesgarria iruditu zaigu irudikatu duen sistema burokratikoa, pertsonak Gizarte Segurantzako zenbaki huts gisa tratatzen dituena, beharra duen jendea dela sinestea baino nahiago duena iruzur egitera datozela pentsatzea, Estatuaren kontura bizitzera. Beste aldean, biktima ahulen ordez pertsonaia indartsuak eraiki ditu zuzendariak, bizimodu duina lortzeko eta euren eskubideak defendatzeko borrokarako prest, erori ostean berriz altxatzeko eta elkarri laguntzeko prest, eta eraikuntza publikoaren aurrean –eszena bikain batean– graffiti bidez administrazioaren hipokresia salatzeko prest. (gehiago…)

“Arrival”. Pseudotranszendental jartzen garenean, akabo

2016-09-23 // Zinema, Zinemaldia 2016 // Iruzkinik ez

Zientzia fikziozko istorioa izateak ez du esan nahi sinesgarria izan behar ez duenik, eta Denis Villeneuveren Arrival pseudozientifiko, pseudofantastiko, pseudotranszendentala bere burua serioegi hartzen duen eta inolaz ere sostengatzen ez den filma iruditu zaigu. (gehiago…)

Berlingo kaleetan faxismoari aurre egiten dion 70 urteko aktibista

Kamerak ikastetxeetan?

Hizkera sexista noiz darabilgun jabetzeko eta hori saihesteko tresna

Zorionez, matxoak asko gara oraindik

Kanpaina homofoboari kontrakanpaina indartsuagoarekin erantzun diote

Bozkatzera joan eta deskubritu zuten euren partez bozkatu zutela jada

Haurrak eskolara oinez eta beren kabuz, hain sinplea, hain iraultzailea

Semearen liburua ekartzera etorri bazara eskolara, segi etxera bueltan

Babarrun lata bat [Publikoaren Saria]

“Arrival”. Pseudotranszendental jartzen garenean, akabo

Mikel Garcia

Azken bidalketak

Iruzkin berriak

Artxiboak

Kategoriak

Meta