Piercingak, bizar luzea, orraztu gabeko ilea… debekatu dituzte TVEn

2016-11-14 // Diskriminazioa, Hedabideak // Iruzkinik ez

TVEren zuzendaritzatik eskutitza bidali dute ordezkaritza guztietara: “Ikusten dugu albistegietan zuzenean sartzen diren hainbat berri-emailek ez dutela euren irudia zaintzen”, diote, eta “sinesgarritasuna” argudio hartuta, honakoak debekatu dituzte: “Kamisetak, piercingak ezpainetan edo sudurrean, bizar luzeegiak edo zaindu gabeak, orraztu gabeko ilea, forma edo kolore deigarriak dituzten jantziak”, ulertzen dutelako horiek ez datozela bat “gure audientziak merezi duen errespetuarekin”. Berehala erantzun dute langileek. (gehiago…)

LOMCE eta gero, zer?

2016-11-07 // Hezkuntza, Politika // Iruzkinik ez

LOMCE legearen hemendik aurrerako aginduak impassean utzi eta “itun nazionala” iragarri du Espainiako presidenteak. Edo beste era batera esanda, PP, Ciudadanos, PSOE eta ahal balitz beste alderdi txikiagoren baten babesa bilatuko duen hezkuntza lege berri bat (LOMCE urardotu/moldatu bat beharbada, bestelako proposamena agian), frankismoaz geroztik Hego Euskal Herrian aplikatu beharko dugun zortzigarrena. Zer espero dezakegu, baina, Madrilen agintea dutenen interesetara diseinatutako enegarren hezkuntza legetik? (gehiago…)

“Begira zer gertatu zaizun zuri, imajinatu futbolariok armairutik aterako bagina!”

2016-11-07 // Homosexualitatea, Kirola // Iruzkin bat

“Normala da futbol jokalariak armairutik ez ateratzea. Begira zer gertatu zaizun zuri, imajinatu guri zer gertatuko litzaigukeen!”. Andrés Iniesta Bartzelonako kapitainaren hitzak dira, homosexuala dela publikoki adierazi eta eraso homofoboak jasan dituen Jesús Tomillero arbitro andaluziarrari esanak. Adierazpenek piztu duten eztabaidatik harago, Espainiako Liga jokatzen hasi zenetik izandako 15.000 futbolarietatik nolatan ez da gayrik agertu? Edota zergatik ez zen azkenean argitara atera euren sexu-joera publiko egiteko prest zeuden Lehen Mailako sei jokalariei (tartean Realeko eta Athleticeko hainbati) buruzko artikulua? Gako batzuk, segidan. (gehiago…)

Errefuxiatu bat Alemanian ezkutuan sartu zuelako espetxeratu nahi dute

2016-10-24 // Errefuxiatuak, Migrazioa // Iruzkinik ez

Abuztuan, Italian oporretan zegoela, ezagun baten eskaria jaso zuen Diether Dehm alemaniarrak: ama galdu eta gerratik ihes egin zuen 20 urte baino gutxiagoko afrikarra (datu gehiago ez dute eman nahi izan, badaezpada) eramango al zuen autoan ezkutaturik Alemaniara, han bizi den aitarekin elkartu zedin. Laguntzea erabaki zuen Dehmek, baita helburua lortu ere, baina nahi gabe azaleratu egin da sekretua eta zigortu egin nahi du fiskalak; poliziak ere espetxea eskatu du herritar altruistarentzat. (gehiago…)

“Familian txapeldun bat nahi baduzu, entrena zaitez zeu, utzi umeari pozik jolasten”

2016-10-24 // Haurren haziera, Hezkuntza, Kirola // Iruzkinik ez

“Familian txapeldun bat nahi baduzu, entrena zaitez zeu… Bitartean utzi zure seme-alabari pozik jolasten”. Haurren arteko partidetan, halako kartelak jartzen hasiak dira joko-zelaietan, gurasoei zuzenduak. Edo beste hau: “Mesedez, gogoratu: umeak dira; hau jolas bat da; entrenatzaileak boluntarioak dira; arbitroak gizakiak dira; hau ez da Munduko Kopa”. Izan ere, harmailetan batzuetan ematen diren ikuskizun tamalgarriek bi errudun nagusi dituzte, adituen esanetan: txikitatik lantzen den kirol eredua eta gurasoek seme-alabengan (semeengan, bereziki) jartzen dituzten espektatibak. (gehiago…)

Greziako ikastetxeetan txalo artean hartu dituzte ikasle errefuxiatuak

2016-10-17 // Errefuxiatuak, Hezkuntza // Iruzkinik ez

Haur eta gazte errefuxiatuak Greziako ikastetxeetan eskolatu dituzte azkenean. Guraso batzuek jarrera arrazista erakutsi duten arren, leku gehienetan harrera beroa egin diete ikasle, guraso eta irakasleek. Txalo artean hartu dituzte zenbait eskolatan, malkoren bat edo beste tarteko (bideoa, bukaeran). (gehiago…)

Berlingo kaleetan faxismoari aurre egiten dion 70 urteko aktibista

2016-10-17 // Arrazakeria, Gizartea, Xenofobia // Iruzkinik ez

Graffitiak eta aktibismoa gazteen kontua direla? Irmela Mensah-Schramm emakume berlindarrak 70 urte ditu eta hiru hamarkada daramatza paretetako mezu homofobo, antisemita, arrazista eta naziak, gorroto mezuak oro har, ezabatzen edo mezu baikorrengatik ordezkatzen. 100.000 pegatina eta pintadari egin die aurre eta epaitegietatik pasa berri da, pareta batean spray-arekin idazten atzeman zutelako. Berak garbi du, faxismoaren kontra jarraituko du, eskuin muturra indartzen ari den garaiotan. (gehiago…)

Kamerak ikastetxeetan?

2016-10-11 // Hezkuntza // Iruzkinik ez

Bullying edo eskola-jazarpen kasu batzuetan, “ikastetxean kamerak ezartzea beharrezkoa” dela adierazi dio Juan Calparsoro EAEko fiskal nagusiak Vocento taldeari, “kasu batzuk lekukorik gabe ematen direlako. Bitartekoak jartzea beharrezkoa da, beti ere hirugarren pertsonen eskubideak errespetatuz”. (gehiago…)

Hizkera sexista noiz darabilgun jabetzeko eta hori saihesteko tresna

2016-10-10 // Generoa, Hizkuntzak, Matxismoa, Sexismoa // 2 iruzkin

“Andaluziar bat eta haren emaztea ezagutu nituen”, “Arzallus eta Maialen ikusi ditut”, “neska batek bezala egiten duzu negar”… Komunikazio sexista darabilzu eta konturatu ere ez zara egin? Horri aurre egiteko gida atera berri du Steilasek. (gehiago…)

Zorionez, matxoak asko gara oraindik

2016-10-10 // Kirola, Matxismoa // 2 iruzkin

Ez al dituzte gizon guztiek euren konkistak haizatzen? Ez al da naturala gure balentriez apur bat fardatzea, maliziarik gabe? Geneetan daramagu, bestela zergatik hauspotu dute hainbeste gure txorta-jotzea whatsappez whatsapp, komentario jokosoz, txaloz eta emotikono ironikoz lagunduta, zergatik bilatu dute sarean zein den emakumea eta gustura aritu dira katxondeatzen? Kezka gutxi tiparekiko, eta orain marroia nik jan behar, zer eta gutxi batzuei erakusteko eta barre batzuk botatzeko bideoa grabatzeagatik. Pentsatu al du norbaitek nola eragin diezaiokeen honek nire irudiari, nire karrerari? Jainkoarren, Lehen Mailako futbolaria naiz! Emakume hori ez da inor; umiliatuko dutela? Gustura asko aritu zen ba, ederki gozatu zuen, eta bi jokalari profesionalekin gainera! Duela gutxi Italian neska batek bere buruaz beste egin zuela antzeko kasu baten ondorioz? Baina oraingo amek ez al diete esaten txintxo portatzeko, suarekin jolasteak erre zaitzakeela? Salaketa jarri dit eta bi delitu egin omen ditut, baimenik gabe intimitatean gertaturikoa grabatzea eta irudi horiek zabaltzea, baina lasai nago, pasako da guztia, ez naiz ez lehenengo ez azkeneko futbolari profesionala eskandalu sexualen batean harrapatu dutena eta beti atera dira onik, hemen futbolari ona izatea da inportanteena eta horrelako txikikeriak onartzen zaizkigu, gu ez gara edonor, negozioaren parte garrantzitsua gara, ziur zale gehienen babesa izango dudala; zelaian huts egiten badut, orduan bai, entzungo ditut txistuak. Zorionez, asko dira oraindik nik bezala pentsatzen dutenak, feminaziek xaxatuta batzuek zarata pixka bat atera duten arren. (gehiago…)

Piercingak, bizar luzea, orraztu gabeko ilea… debekatu dituzte TVEn

LOMCE eta gero, zer?

“Begira zer gertatu zaizun zuri, imajinatu futbolariok armairutik aterako bagina!”

Errefuxiatu bat Alemanian ezkutuan sartu zuelako espetxeratu nahi dute

“Familian txapeldun bat nahi baduzu, entrena zaitez zeu, utzi umeari pozik jolasten”

Greziako ikastetxeetan txalo artean hartu dituzte ikasle errefuxiatuak

Berlingo kaleetan faxismoari aurre egiten dion 70 urteko aktibista

Kamerak ikastetxeetan?

Hizkera sexista noiz darabilgun jabetzeko eta hori saihesteko tresna

Zorionez, matxoak asko gara oraindik

Mikel Garcia

Azken bidalketak

Iruzkin berriak

Artxiboak

Kategoriak

Meta