Zergatik harritzen gaitu Pariskoak eta beste bost galdera

2015-11-16  //  Nazioartea, Politika  //  3 iruzkin

Zergatik da Parisen gertaturikoa “gizateriaren kontrako erasoa” (Barack Obamak esan duen moduan), baina apenas hitz egiten den Estatu Islamikoak egunero Sirian eta beste herrialde batzuetan hiltzen duen jendeaz? (gehiago…)

Etxean 24 errefuxiatu hartu dituen bikotearen esperientzia

2015-11-16  //  Gizartea, Nazioartea  //  Iruzkinik ez

“Beste batzuk laguntzeko prest egon zaitezke, edo beldurra izaten jarraitu dezakezu”, dio Voltzek.

Siria, Irak eta Afganistango 24 errefuxiatu izan dituzte etxean, pasa den uztailetik, Alemaniako Dirk Voltz eta haren bikotekideak. Beldurraren mezua zabaltzen dutenen aurrean, bizitako esperientzia aberasgarria kontatu du Voltzek sare sozialetan, eta lau haizetara zabaldu da bere idatzia. (gehiago…)

Ez mutil ez neska sentitzen direnen aldarria, generorik gabe bizitzea

2015-11-09  //  Gizartea  //  4 iruzkin

Sasha Fleischman nerabea lo geratu zen eskolara zihoan autobusean, eta bi gaztek su eman zioten. Arrazoia: gona eta gizonentzako alkandora eramatea soinean. Pertsona neutroa sentitzen dela adierazteko janzten da horrela Fleischmann, ez emakume eta ez gizon. Gertaeraren bigarren urteurrena izan da azaroaren 4a.

Hirugarren generoa aintzat hartzeko eskatu dio Obamari Sasha Fleischman-ek.

(gehiago…)

Umeak lokatzetan jolastu eta zikintzea gomendatzen du zientziak ere

2015-11-02  //  Hezkuntza, Natura, Osasuna  //  2 iruzkin

“Zure seme-alabak egunero zikin itzultzen ez badira, behar bezala aritu ez diren seinale”, dio Mary Ruebush zientzialariak. Haurrak lokatzetan aritzearen onurak berresten ditu zientziak.

(gehiago…)

Zergatik hartu parte Behobia-Donostian

2015-11-02  //  Kirola  //  Iruzkin bat

Korrikaren festa batzuentzat, negozio masifikatua besteentzat, aintzat hartu beharreko ekarpenak egiten ditu Behobia-Donostiak.

Filosofia eta maila guztietako jendea biltzen du lasterketak (Diariodenavarra.es)

(gehiago…)

Errefuxiatuekin “poli ona-poli gaiztora” jolasten ari da Europa

2015-10-26  //  Gizartea, Nazioartea, Politika  //  Iruzkinik ez

Europako liderrek errefuxiatuen harrerarako 100.000 plaza adostu berri dituzte Bruselan, baina mugak zorroztea eta poliziez indartzea ere hitzartu dute, agerian geratu da euren arteko zatiketa, badirudi nork errefuxiatu gutxiago hartu dela Estatuburuen kezka nagusia… eta oraindik betetzeko dituzte aurretik hartutako konpromisoak. (gehiago…)

Maskulinitateak emakumeak hiltzen ditu

2015-10-26  //  Gizartea  //  Iruzkinik ez

Maskulinitate eredu nagusiak gizon boteretsuak ditu erreferente, eta boteretsuak uste du zapalduta, kontrolpean eta menpeko izan dezakeela albokoa; gizon indartsuak ditu gogoko, eta indartsuari iruditzen zaio ondokoa gutxietsiz eta ahulduz sentituko dela ahaltsu; gizon ausartak ditu maite, heroiak, eta heroiek salbatu beharreko biktima behar dute inguruan; gizon arrakastatsuak ditu gustuko, eta arrakastatsuak pentsatzen du bestearen porrotak azpimarratuko duela bere arrakasta.

Utikan maskulinitatea, utikan feminitatea. Hezi ditzagun belaunaldi berriak pertsona integral gisa.

(gehiago…)

Eskolaz kanpoko jardueren atzean, lehia eta kontziliazio-arazoak

2015-10-19  //  Hezkuntza  //  2 iruzkin

Betiko gaia da, baina harrituta nago: 3 urteko ilobak lagun dituen adinkide guztiek eskolaz kanpoko jarduerak dituzte, ingelesa, musika edota igeriketa praktikatzeko.

3 urterekin jarduera libreaz gozatzeko adinean daude bete-betean, jarduera bideratuetan ito ordez.

(gehiago…)

Alderdiek euskarari ematen dioten garrantzia

2015-10-19  //  Euskara, Politika  //  Iruzkinik ez

Irungo udal aldizkaria iritsi zait etxera. Ataletako batean, udalean ordezkaritza duen alderdi bakoitzak agintaldi berriko lehen mezua helarazi die herritarrei, batzuek eta besteek hizkuntzarekiko dituzten politika antagonikoak agerian utziz. (gehiago…)

Telesailetan gizona ere biluztu dadila eta orgasmo unean enfoka dezatela

2015-10-12  //  Gizartea, Hedabideak, Zinema  //  Iruzkinik ez

Game of Thrones telesail famatuko aktore emakumeen aspaldiko kexa da: eszena asko eta askotan biluztu behar dutela emakumezkoek, gizonezkoek aldiz apenas.

Irudian: “Game of Thrones”. Tabuak, moralkeria, faktore komertzialak eta matxismoa, nagusi den koktel arriskutsua.

(gehiago…)