Eta ikasleei eskatuko bagenie azterketek eragiten dietena irudikatzeko?

2015-06-22  //  Hezkuntza  //  Iruzkinik ez

Kanpo-ebaluazioek 12 urteko bere ikasleengan “sentimendu andana” sortzen zituztela ikusi zuen Christina Chang AEBetako Arte irakasleak, eta hori guztia artistikoki adierazi eta kanporatu behar zutela erabaki zuen.

“Azterketa hauek sorturiko estresak haurren ikasketa prozesua oztopatzen du”.

(gehiago…)

Ume lehiakorrak ez… baina helduak bai?

2015-06-15  //  Gizartea, Hezkuntza, Kirola  //  Iruzkinik ez

Auzoko jaietako pala txapelketan parte hartzeko deialdia iritsi zait. Ohar interesgarria darama deialdiak, txapelketa herrikoia eta ez lehiakorra dela eta helburu nagusia ondo pasatzea dela gogoratuz (irudian ohar originala). (gehiago…)

Homosexuala eta arrazista izan zaitezke?

2015-06-08  //  Gizartea  //  2 iruzkin

Javier Maroto Gasteizko alkatea gizon batekin ezkonduko dela irakurri eta horra inuzenteki burura etorritako lehen pentsamendua: daukan joera sexualagatik diskriminazioa, jazarpena eta eskubide murrizketa jasaten duen kolektiboko kideak (bere alderdiaren aurka egin zuen Marotok, sexu berekoen arteko ezkontzaren gaian) nola diskriminatu, jazarri eta eskubidez murriztu dezake estigmatizatuta dagoen beste kolektibo bat? Beretzat nahiko dituen errespetua, berdintasuna eta justizia ez ditu aintzat besteentzat, gurutzada kontziente eta erabatekoa izan baita Marotorena, prestazio sozialen afera famatua, lokutorio eta mezkiten aurkako borroka, musulmanen janzkerari buruzkoak… lekuko.

Botere harremanak/lehiak konplexuak dira oso, klase soziala eta kultura tarteko.

(gehiago…)

Sumisioari errespetua deitzen diote

2015-05-25  //  Gizartea, Politika  //  Iruzkinik ez

Gure herriko alkate sozialista sutan dago, bere alderdiko zinegotzi bati “gezurtia” eta “lotsagabea” deitu diotelako herritarrek. Errespetu falta salatu du, asaldatuta.

Antza, behekoek goikoei zor diegun zerbait da errespetua, ez alderantziz.

(gehiago…)

Irunek ez du alkate euskalduna merezi

2015-05-19  //  Euskara  //  Iruzkin bat

Irunen, Gipuzkoako bigarren hiri populatuenean (61.000 biztanle), Antxeta Irratiak zuzeneko itzulpena baliatuz mahai-ingurua egin berri du alkategaiekin, eta hauek hitz goxoak izan dituzte euskararentzat.

Iridoy, Soto, Laborda, Mitxelena, Gómez eta Álvarez.

(gehiago…)

Hezkuntzaren desorekak

2015-05-18  //  Hezkuntza  //  Iruzkin bat

Batez beste ikasleek 7 bat lortzea ez da zoriontzekoa, baldin eta erdiak “Bikain” atera badu eta beste erdiak “Gutxiegi”. Hezkuntza politikak ebaluatuz ateratzen dituzten rankingak tranpatiak dira batzuetan, funtsezko aldagai bat ez dutelako kontuan hartzen: oreka.

Denentzako irakatsiko duten ikastetxeak, ereduak eta politikak behar ditugu.

(gehiago…)

Erkoreka, mamu xenofoboak astintzen

2015-05-07  //  Gizartea  //  Iruzkinik ez

Hona datorrenak gainerako herritarron eskubide eta betebehar berak baditu, zein da arazoa?

Larriak dira Josu Erkorekaren hitzak, Eusko Jaurlaritzaren bozeramailea dela aintzat hartuta. EAJk eta PPk kontra bozkatu arren ekainean onartuko den Etxebizitzaren Legeak etxebizitza eskubide subjektiboa aurreikustea ez du gustuko Jaurlaritzak –alegia, alokairua ordaindu ezin dutenei administrazioak etxebizitza bermatu behar izatea–. Erkorekak eman duen arrazoi nagusietakoa da horrek “masiboki erakarriko” duela jendea munduko leku guztietatik. Behin ez, bitan errepikatu du argudioa, “Euskadira iristen den edonori lehenengo minututik” etxebizitza izateko eskubidea bermatu beharko zaiola azpimarratuz. (gehiago…)

Zer da ama izatea?

2015-05-04  //  Gizartea  //  Iruzkinik ez

Amaren Eguna izan berri da Hego Euskal Herrian. Ama izatea da, ipuinen arabera, emakume bezala asebeteta sentitzeko funtsezko baldintza; anti-abortisten iritziz, betebeharra; gure iruditerian, seme-alabari maitasun eta babes amaigabea eskainiko dion pertsona, betirako hari lotuta –eta haren menpeko–, irribarretsu eta apal, ordainetan ezer eskatzen ez duena; datuek diotenez, umeen zaintzaz arduratzen dena, lan-ibilbideari –eta aisialdiari– uko egiteko prest dagoena edo kontziliazioan sakrifizio gehien egiten dituena; psikoanalistei kasu eginez gero, umeek (eta are, helduek) dituzten jokabide txar eta frustrazioen errudun nagusietakoa; iragarkien arabera, umeak hezi bitartean exekutibo izateko, etxeko lanak egoki betetzeko, lirain mantentzeko, egunero umore onez jaikitzeko eta uneoro dotore agertzeko kapaz diren emakumeak; eta gizartearen ikuspegitik, ama onak eta txarrak daude, eta denok ditugu gure irizpide propioak hori erabakitzeko, epaitzeko, presionatzeko, kondenatzeko.

Beharbada, Amaren Egunean ideia ona litzateke, lore sorta oparitzeaz gain, ematen dizkiegun rol horiei guztiei buruz esateko dutena arretaz entzutea.

Euskara, hizkuntza gatazkatsu hori

2015-04-29  //  Euskara  //  5 iruzkin

Argiarekin ateratako Bizi baratzea liburua aurkezten ari zen Jakoba Errekondo Donostiako Bretxan. Halako batean, emakume bat hurbildu da eta galdetu dit euskaraz baino ez al dagoen liburua. Baietz. “Y entonces, ¿los que no sabemos euskera no tenemos derecho a leer el libro?”, berak. “¿Y los que sabemos euskera no tenemos derecho a leer en euskera?”, nik. “Hombre, pero podíais haberlo hecho bilingüe”. Gaztelania hutsean beste liburu asko dituela eta haiek irakur ditzakeela gogoratuz amaitutzat eman dugu eztabaida.

Gaizka Garitano afera, euskaraz ez dakitenak erakarri behar ditugula dioen diskurtsoa, errespetuaren eta elkarbizitzaren izenean erdaraz aritu beharra, euskaldunok ahalduntzeko premia… bor-bor dabilzkit barnean. Eta pentsatu dut zerbait gaizki egin dugula, castellano hiztun elebakarrak eroso –erosoegi– bizi direla gurean erdara hutsean, benetan uste badute euskaldunoi hizkuntza eskubideei buruz lezioak ematen jarduteko moduan daudela.

“¿Los que no sabemos euskera no tenemos derecho a leer el libro?” (Argazkia: Estitxu Eizagirre).

Bengoetxearen txapelketa

2015-04-27  //  Kirola  //  Iruzkinik ez

“Aurten bai!” irakur zitekeen Bizkaia frontoira hurbildu ziren zale askoren kamisetetan, Pablo Berasaluzeren aurpegia alboan irudikaturik zutela. Bizkaitarrarekin zegoen frontoia eta “Pablito!” zen harmailetatik gehien errepikatzen zuten oihua. Duela bi urte ere Binakako Txapelketako finalera iritsi zen Berasaluze, baina Akilesen tendoia apurtu zuen partida hasieran, eta arantza ateratzeko aukera zirudien oraingoak. Aurkariak, ordea, ez zeuden horretarako prest. (gehiago…)