Guk ere ez dugu paga kobratuko

2012-12-20 // Gizartea // Iruzkinik ez

Nagusi den murrizketa politikaren kontrako protesta (Murrizketarik Ez webgunetik).

Gabonetako paga, paga estra, ezohikoa, hamalaurena… Izenak izen, dagokigun soldataren zati hori ez dugu kobratuko aurten Argiako langileok, astekarian aurreratu genuenez. Enpresa publiko, pribatu eta kontzertatuetako behargin asko eta askoren moduan. Funtzionarioen pagak sortu du iskanbila gehien, eta harritu egin nau funtzionario ez den hainbaten erreakzioak: “Guretzat dirurik ez badago, haientzat ere ez”. Eta alderantziz: “Pribatuak pribatu dira eta hor konpon gestio txarra egin badute, baina botere publikoak gu babestu behar gaitu” dioen funtzionarioa. Pozarren irudika ditzaket hondamendi ekonomikoaren erantzule –baina ez biktima– nagusiak, gure artean mutur joka jarrai dezagun desiratzen. (gehiago…)

Hiesaz hitz egitea

2012-12-04 // Osasuna // Iruzkinik ez

Gorka: “Gaitzaren normalizazioari hesia nik neuk jartzen diot nolabait, ez dudalako publiko egin nahi”

Horren garrantzia azpimarratu zidan Udiarraga Garciak, Bilboko Itxarobide Elkarteko kide eta CESIDA Espainiako Estatuko Hiesaren Koordinakundeko presidenteak, hiesari buruz egindako erreportajean: gaixotasunaz hitz egiteak, bistaratzeak, tabu izateari uzteak zenbateko mesedea egiten dion gaitzaren normalizazioari: “Politikariek kontu handia izaten dute gaia ez aipatzeko, hiesaz hitz egitea delako sexuaz hitz egitea, substantziekin dugun harremanaz, gizartean tabu diren gaiez. Jose Maria Aznarrek adibidez, aginte osoan ez zuen ‘hiesa’ hitza erabili. Juan Jose Ibarretxe ordea, oso irekia zen gai honetan, eta guretzat oso garrantzitsua da hitza bera esatea, gaia azaleratzea”. (gehiago…)

Israelen erradiografia laburra

2012-12-04 // Nazioartea // Iruzkinik ez

Handia da ultraortodoxoek Israelen duten boterea / Irantzu Pastor

Israelgo gizartearen erretratu gordina egiten du Alberto Pradilla kazetariak El judío errado (2010) liburuan. Bere garaian Pradillari egindako elkarrizketan, Israelgo Estatuaren oinarrian dauden ezaugarriez mintzatu zitzaigun. Hona, bere hitzak berreskuratuz, ezaugarri horien zerrenda laburra, Ekialde Hurbilean bizirik dagoen gatazkaren argigarri. (gehiago…)

Osasun publikoaren aldarriak, 10 puntutan

2012-10-11 // Osasuna // Iruzkinik ez

Lehen mailako arreta Nafarroako osasun zentro batean. / Enrique Baigorri

Krisiaren aterpean, murrizketen politika larriki ari da kaltetzen Ongizate Gizartearen oinarri diren zerbitzu publiko eta unibertsalak. Pribatizazioaren eta baliabideak urritzearen beldur, herritarrentzako osasun zerbitzu indibidual eta kolektibo hobea aldarrikatu du Osalde Osasun Publikoaren Aldeko Elkarteak, eta horretarako hamar puntu dituen eskutitza bidali die EAEko hauteskundeetara aurkeztuko diren alderdiei. Hona puntuon laburpena. (gehiago…)

Irakasle zaren horri

2012-10-05 // Hezkuntza // Iruzkinik ez

Berrobiko eskolan (“Eskola bizia, herri bizia” dokumentaleko irudia).

Hezkuntza arloko eragileak ohituta daude egurra jasotzera, Argian bertan maiz jarri dugu auzitan irakaskuntza sistema, ondasun, eskubide eta zerbitzu publiko ahalik eta onena izateko beharrezkoa baita kritika eta hobetzeko nahia. Baina gaur, UNESCOk erabakita Irakasleen Nazioarteko Eguna dela-eta, laudorio hitzak baino ez dizkiet eskaini nahi ahalegin guztiak egiten dituzten irakasle sufrituei. (gehiago…)

Errelatoak

2012-09-30 // Zinema, Zinemaldia 2012 // Iruzkinik ez

“Carne de perro” film txiletarra.

Pinocheti bi film eskaini dizkio aurten Donostiako Zinemaldiak, eta Zuzendari Berriak saileko sari nagusia lortu du horietako batek, Fernando Guzzoni txiletarraren Carne de Perro lanak. Diktadura garaian torturatzaile izan zen protagonista, eta horrek sortzen dion oinazearekin bizi behar du orain. Txileko garai ilunetara gerturatu den beste pelikulak, kritikarien txaloak jaso dituen Pablo Larrainen No biribilak, diktaduraren azken hilabeteak berreskuratu ditu, modu oso originalean. Modernizatzen ari den herrialdea erakusten du Larrainek, ekonomikoki indartsua azalean, itxuraz aurrera doana, baina atzealde zikina, askatasunik gabea eta krudela ezkutatzen duena. Diktaduraren hasieraz mintzo den Post Mortem eta une bortitzenei buruzko Tony Manero lanen ostean, Pinocheti eskainitako trilogia ixten du No-k, iragana mahai gainean jarri eta ahanzturan galdu ez dadin. Berdin egiten du Eliane Raheb zuzendariaren Sleepless Nights dokumental gordin eta zirraragarriak, Libanoko gerra zibila protagonisten ahotik konprenitu nahian. (gehiago…)

Man Rayren espiritu berpiztua

2012-09-28 // Uncategorized, Zinema, Zinemaldia 2012 // Iruzkinik ez

92 urteko printzesa errumaniarra.

Bihurgunez eta ezustekoz jositako bidaldi magikoan, bidean topatutako altxorrei lupa jarri eta istorio txikienetan edertasuna eta handitasuna bilatzen dakien dokumentala da Emak Bakia Baita. Man Ray artista dadaistak Emak Bakia 16 minutuko zinepoema egin zuen 1926an, lan esperimental eta berritzailea. Miarritze inguruko etxe batean errodatu zuen, diotenez Emak Bakia izeneko etxe batean. Arrasto horren atzetik, eraikinaren bila abiatuko da Oskar Alegria iruindarra. (gehiago…)

Nerabe frustratuak ez du hazi nahi

2012-09-27 // Zinema, Zinemaldia 2012 // Iruzkinik ez

Protagonista eta bere pelutxezko hartza.

Haurtzarotik heldutasunerako bidaia konplexua makina bat aldiz irudikatu du zinemak, eta estereotipoekin jokatuz egin du maiz: institutua oihana bailitzan telesail estatubatuarrek –eta ez estatubatuarrek– deskribaturiko nerabe hormonatu eta burugabeetara ohituta gaude, baita munduarekin haserre dauden errebelde inkonformistetara, beren lekua aurkitzen ez duten gazteetara… Marçal Forés katalanak ere sasoi korapilatsu horri heldu dio Animals filmean, eta topiko indie eta alternatiboetatik edan du, baina aldi berean gai izan da mundu bitxi eta pertsonala eraikitzeko. (gehiago…)

Havana Club

2012-09-25 // Zinema, Zinemaldia 2012 // Iruzkinik ez

Filmeko irudia.

Ron marka famatuak ematen dio hasiera 7 días en La Habana filmari. Azken finean, babesle nagusia da Havana Club, pelikularen 3 milioi euroko aurrekontutik 1 jarri du edari ezagunak. Beharbada arrazoi horregatik parranda, emakumeak eta alkohola dira filmeko osagai nagusiak. Beharbada Parisko M&C Staatchi GAD publizitate agentziak bultzatutako proiektua delako dirudi pelikulak turisten ikuspegitik errodatutako iragarkia. Eta beharbada Habanari buruzko zazpi istorio kontatu dizkiguten zazpi zuzendarietatik bakarra baino ez delako kubatarra da emaitza hain partziala eta murritza. (gehiago…)

Omenaldia agoteen lurraldeari

2012-09-24 // Zinema, Zinemaldia 2012 // Iruzkinik ez

Unax Ugalde aktorea, agote rolean.

Buztana dute, Deabruaren gisan. Agoteek gaixotasuna eta hondamendia dakarte eta horregatik baztertzen ditu Baztango herriak Bozate auzora. XVII. mendean girotutako trama du ardatz Baztan filmak, baina aitzakia baino ez da; egiaz, bailara bera da pelikulako protagonista, Baztango egungo erretratua, haren historia eta Julio Medemen Behiak filma uztartuz. (gehiago…)

Guk ere ez dugu paga kobratuko

Hiesaz hitz egitea

Israelen erradiografia laburra

Osasun publikoaren aldarriak, 10 puntutan

Irakasle zaren horri

Errelatoak

Man Rayren espiritu berpiztua

Nerabe frustratuak ez du hazi nahi

Havana Club

Omenaldia agoteen lurraldeari

Mikel Garcia

Azken bidalketak

Iruzkin berriak

Artxiboak

Kategoriak

Meta