Bikoizketa vs. azpitituluak

2010-05-14  //  Euskara, Zinema  //  3 iruzkin

Bikoiztutako zinemara ohituta gaude euskaldunok.

Katalunian, zinema-aretoek film kopuru jakin bat katalanez ematea legeztatu nahi dute. Eredu hori Euskal Herrira ekarri ahalko ote litzatekeen galdetu genion Jon Garaño zinema zuzendariari (80 egunean). Eta bestelakoa izan zen bere proposamena: zergatik tematu bikoizketarekin eta ez bultzatu azpitituluen erabilera? Zergatik ez sustatu euskara azpitituluen bidez? (gehiago…)

Room in Rome. Jolas arriskutsua

2010-05-10  //  Zinema  //  Iruzkinik ez

Filmaren eszena bat.

Eman dezagun nik Alba dudala izena eta zuk Natasha. Zer axola dio izenak, Erroman gau bakarrerako topo egin duten bi ezezagunen artean? Ni Euskal Herrian izango naiz bihar, eta zu Moskun, eta jostatzeko aprobetxatuko dugu gaua, larrua jotzeko, pasioak askatzeko, irri eta kanta egiteko, asmatutako bizimoduak kontatzeko. Baina jolasak eskuetatik ihes egin dezake, gezurrak egiekin nahasten direnean, fikzioa errealitatearekin, sexua sentimendu intimoekin, eta irriak sufrimendu ezkutuekin. Ezezagun baten sorbalda sarri aproposena baita, barnean daramatzagun ezinegonei bide emateko. Fisikoa, oso fisikoa da Medemen azken proiektua, sexu harremanari garrantzia eskainiz, baina are emozionalagoa da emaitza, ohi duen gisan pertsonen obsesio, sentimendu eta oinazeetan arakatuz. (gehiago…)

Pulitzer belizista

2010-04-22  //  Hedabideak  //  Iruzkinik ez

Pulitzerrek saritutako argazki-erreportajea.

Oihartzuna izan du aurtengo film onenaren Oscarrak, lehenengo aldiz emakume batek (Kathryn Bigelowk) irabazi duelako. Baina ahots kritikoagoek nabarmendu dutenez, gauza bat ez da aldatu Hollywooden politikan: pelikula belikoak (eta belizistak) saritzea, Irakeko gerran girotua dagoen The hurt locker estatubatuarrak irabazi baitu. Sari belizistak bogan daude nonbait, hil honetan bertan banatu den argazki-erreportaje onenaren Pulitzer sariak ere bide bera jarraitu baitu. (gehiago…)

Itsas-azpiko sekretuen dokumentala, inoiz ez bezala

2010-03-26  //  Zinema  //  Iruzkinik ez

Historiako dokumentalik garestiena estreinatuko dute laster; 50 milioi euro baino gehiago, planetako ozeano guztietako irudiak hartzeko, gizakirik egon ez den lekuetara iritsiz, 5.000 espezie berri deskubrituz. Oso itxura ona dauka Océans dokumentalaren trailerrak: (gehiago…)

‘Ahate pasa’: Kua kua doinuak alfonbra gorrian

2010-03-22  //  Zinema  //  Iruzkinik ez

Anade Ahate albaitariarekin.

Divo samarra da Anade Ahate, errodajearen gogortasunari aurre egiteko bufanda eztarrian eta managerra gertu. Dotore eta tente ibiltzen da gainera, ahateek berezkoa duten pose itxuroso horrekin. Azken finean, aktore handi guztiek dute divismo ukitu bat, eta antzezle handiak dira ahateak. Hala onartu dute dokumental honetan Polanski, Winterbottom, Fincher edota Kusturica zuzendari ospetsuek: gehitxo edaten dutela dio Fincher-ek, baina ideia propioak dituzten aktoreak direla, pertsonalitate handikoak, eta hori eskertzekoa da. (gehiago…)

Pirateriaren aurkako iragarkia, urteko okerrena

2010-03-16  //  Hedabideak  //  Iruzkinik ez

Hori erabaki dute Facua Espainiako Kontsumitzaileen Elkartean beren botoa eman duten internautek. Top mantan erostea eta Interneten musika deskargatzea, zabor kuboak botatzearekin, autoarekin haur-kotxe bat harrapatzen saiatzearekin eta giltzarekin beste baten autoa urratzearekin konparatzen ditu Espainiako Kultura Ministerioaren iragarki honek:

(gehiago…)

‘Un prophète’: Kartzelak egin nau naizen bezalakoa

2010-02-26  //  Zinema  //  Iruzkinik ez

Protagonista, Rahim-ek maisutasunez antzeztua.

[Hego Euskal Herriko zinemetan gaur estreinatuko dute Un prophète. Donostiako Zinemaldiko kritiken kanaletik berreskuratua:]

Benetako eskola da kartzela: inuzente sartu eta puta-seme bilakatuta ateratzeko aproposa. Hala gertatuko zaio Malik gizajoari. Gizajo istorio hasieran, bukaerarako asko ikasiko baitu traizioaz, biziraupenaz, heriotzaz. Kartzela-generoan bete-betean murgildu da Jacques Audiard zuzendari frantziarra, baina ikuspegi berri bat gaineratu dio, protagonistaren bilakaera zirraragarrian zentratuta. Zenbateraino usteldu dezake pertsona bat espetxeak? (gehiago…)

Tragediek irabazten dituzte argazki lehiaketak

2010-02-24  //  Artea  //  Iruzkinik ez

Nick Ut-en argazki ezaguna, Vietnamen.

Hala uste dute behintzat Espainiako argazki blog ezagun batean egindako inkestari erantzun diotenek: Tragediak saltzen al du argazkilaritzan? galderari erantzunez, “Bai, behintzat zoriontasunak baino gehiago” aukeraren alde egin du %93ak (728 pertsonek) eta “Ez, edozein argazkik aukera berdinak ditu saria irabazteko” hobetsi du %9ak (67 pertsonek). (gehiago…)

Gerra hasi dute Disneyk eta zinema kateek

2010-02-17  //  Zinema  //  Iruzkinik ez

Alice in Wonderland-eko irudiak.

Mundu mailako boikota egin nahi diote beti bezain sui generis datorren Tim Burtonen azken lanari: Alice in Wonderland (Alizia herrialde miragarrian). Disney banatzaileak ohi baino lehenago atera nahi du filma DVDan, eta zinema kate handiak ez daude hori onartzeko prest. Borroka gogorra abiatu dute bi aldeek, eta irabazlearen arabera panorama aldatu daiteke. (gehiago…)

Zorionak, Photoshop!

2010-02-16  //  Artea  //  Iruzkinik ez

Photoshop

20 urte bete berri ditu, otsailaren 10ean, oraindik ere argazkilari eta diseinatzaileen programa kutunenetakoa denak. Argazkilaritza asko aldatu da ordutik, eta irudien manipulazioa eguneroko ogia da egun. Erreminta polemikoa bihurtu da Photoshop. (gehiago…)