Irakasleen grebari ere zilegitasuna kendu nahi dio Jaurlaritzak

2019-10-16  //  Hezkuntza  //  Iruzkinik ez

Irakasleak gaiztoak dira gero, ez dute aintzat hartzen ikasleek hezkuntza jasotzeko duten eskubidea, ez dute inongo begirunerik familiekiko. Jaurlaritzaren bozeramaile Josu Erkorekaren hitzak entzunda hala dirudi. Nagusiki Kristau Eskolakoak diren irakasleen lan-baldintzez, hitzarmen zaharkituaz eta patronalaren jarreraz hitz erdirik ez, ordea. Bai langile borroka, bai grebari ekiten dioten langileak behin eta berriz desprestigiatzeko Jaurlaritzak egiten duen ahalegina ezaguna zaigu. (gehiago…)

16 asteko aitatasun baimena: eskubide… eta betebehar

2019-10-09  //  Haurrak, Zaintza  //  Iruzkinik ez

Aita izatear da eta zortekoa dela esan diot, 16 asteko aitatasun baimena izango du EAEn. Erantzun dit baimenak iraun bitartean ordu batzuk sartzeko eskatu diotela enpresan, 16 aste asko omen direlako, negoziatu behar duela. Zentzuzkoa deritzo berak. “Eskaintza ona egin didate”. Bigarren batek kontatu dit juxtu fabrikan lan asko izango duten boladan etorriko dela haurra; “16 aste, ufa…”. Eta hirugarren batek, enpresan muturra okertu dutela 16 aste hartzeko asmoa agertu duenean. Balirudike, emakumeen kasuan ohiko dena ezinezkoa dela gizon batzuentzat. (gehiago…)

Badator EAErako Hezkuntza Lege berria. Nola eragingo die ikastetxe publikoei eta nola kontzertatuei?

2019-10-02  //  Hezkuntza  //  Iruzkinik ez

2020ko lehen hiruhilekoan, EAEko ikastetxe publiko eta kontzertatuak bere baitan hartuko dituen Hezkuntza Legea onartuko du Eusko Jaurlaritzak; horretarako lanean ari direla jakinarazi du Cristina Uriarte Hezkuntza sailburuak Euskadi Irratian. Ikastetxe batzuen eta besteen jardunari eta finantzaketari nola eragingo die horrek? (gehiago…)

Jakesek urritasun funtzionala du eta zoriontsu da lasterketetan parte hartzen

2019-09-30  //  Aniztasun funtzionala, Kirola  //  Iruzkinik ez

Jakesek garun paralisia eta urritasun funtzionala ditu; maite du kirola egitea, gauzak egin nahi dituela adierazten du, “baina bere gorputzaren preso da”, dio aitak. Aulki berezi bati eta geroz eta gehiago diren boluntarioei esker, lasterketa herrikoietan parte hartzea lortu du mutikoak, eta pozarren dago.

Argazkia: Euskadi Irratia.

(gehiago…)

“Arazo pila bat ematen ari dela jakinda Ordezkagunea erabiltzen jarraitzea arduragabekeria hutsa izan da”

2019-09-25  //  Hezkuntza  //  Iruzkinik ez

Hezkuntza Delegaritzako langile batekin hitz egin dugu, kaotikoak izaten ari diren EAEko irakaskuntza esleipenen inguruan. “Eromena da, egunero irakasleak deika ditugu, eta gu salduta gaude”. Bere hitzetan, “Lakuan ez dira gai izan aplikazio telematiko bidezko esleipenak gelditu behar zirenean gelditzeko eta ohiko moduan telefono bidezko esleipenetara pasatzeko”, eta emaitza desastrosoa bistakoa da. Lakuatik gainera Delegaritzak jo dituzte erruduntzat. “Lotsagabe batzuk dira”. (gehiago…)

Ikasturte hasiera hau ez da serioa

2019-09-23  //  Hezkuntza  //  Iruzkinik ez

Bi aste pasa dira EAEko eskola publikoetan ikasturtea hasi zenetik, eta hasierako kaosa konpondu beharrean (irakasle faltan dauden ikastetxeak, administrazioak postu bera irakasle bati baino gehiagori ematea, gauza bat eskaini zaien eta ikastetxean beste bat aurkitu duten maisu-maistrak…), are kafkiarragoa bihurtu da egoera: punturik ez duten irakasleei esleitu dizkie plazak Jaurlaritzaren Ordezkagunea aplikazio telematikoak, plaza hori jaso behar zutenak esku hutsik utziz. Ez omen da aplikazioaren hanka-sartzea izan, hartutako erabakia baizik; baina handik gutxira jakinarazi du Hezkuntza Delegaritzak postuen banaketa errepikatuko duela. Ulertezina da gertatzen ari dena, eta Hezkuntza sailburuak –oraindik eman ez dituen– azalpenak zor dizkie euren lanpostuak dantzan ikusten dituzten irakasleei. (gehiago…)

Eskandalua hezkuntzan

2019-06-13  //  Diskriminazioa, Generoa, Gorputza, Haurrak, Hezkuntza, Sexua  //  Iruzkin bat

Guraso batzuei eskandalagarria iruditzen zaie hezkidetza eta sexualitatea lantzea eskoletan. Baina 8 urterekin pornografia kontsumitzen duten mutilen eta 14 urterekin beren alua ongi ezagutzen ez duten nesken aroan, eskandalua da seme-alabentzat heziketa sexu-afektiborik nahi ez izatea, identitate sexual anitzak ez onartzea, harreman osasuntsu eta orekatuak lantzen dituen Skolae programa arbuiatzea genero berdintasuna lortua dagoela argudiatuz. Guraso horiek eramango nituzke nik epailearen aurrera. (gehiago…)

Seme-alaben argazkiak sare sozialetan. Identitateaz, baimenaz eta arrasto digitalaz

2019-05-21  //  Haurrak  //  Iruzkinik ez

Postureoaren aroan, seme-alaben txikitako argazkiak dagoeneko ez dira albumean gordetzeko altxorra, sare sozialetan eta harro mundu guztiarekin partekatzeko aukera baizik. Gaia konplexua da eta eztabaidarako hiru gako ematen ditu Liliana Arroyo soziologoak. (gehiago…)

Aitor kantinera aterako da eskolako Alardean

2019-05-15  //  bullyinga, Generoa, Hezkuntza, homofobia, LGTBIQ  //  Iruzkinik ez

Aitorrek 13 urte ditu, “luma” dauka eta bullying homofobikoa jasan du ikastetxean, baina genero arauak zorrotz bete ordez, iseken jomuga izan daitekeela jakin arren, Irungo jaien aurretik ikasleek eskolan egiten duten Alardean kantinera izatea hautatu du. Bejondeiola. (gehiago…)

Polizia lana egiten duen alkatea

2019-05-13  //  Diskriminazioa, Migrazioa  //  Iruzkinik ez

Dirudienez, polizia lana da alkateari dagokion lana, bai behintzat Ribaforadan. Legea eta poliziaren eskakizuna bete baino ez duela egin dio bertako alkate Jesús Mari Rodríguezek (PSN). Modu bitxian egin du, hori bai: herrian hamar urte bizitzen zeraman jatorri senegaldarreko bizilagunari eskatu zion udaletxera gerturatzeko, erroldari buruzko bilera batera. Amarrua zen. Espainiako polizia zuen han zain eta 24 orduko epean hegazkinean sartu zuten Afrikara bueltan. (gehiago…)