Handitan Pippi izan nahi dut

2016-03-07  //  Gizartea, Hezkuntza  //  Iruzkinik ez

Ilobei esker berreskuratu dut harremana Pippi Galtzaluzeren istorioekin. Azkarra, independentea, bihurria, errebeldea, lotsagabea, menderakaitza, apur bat basatia, sormen handikoa, ausarta, alaia da Pippi, inguruan duen helduen mundu zurrunarentzat eredu deserosoa. (gehiago…)

Matematikekin ezinean zebilen semearentzat soluzioa aurkitu du ama honek

2016-02-29  //  Hezkuntza  //  Iruzkinik ez

“Azken urteetan sarriegi ikusi ditut ikasleak matematikekin sufritzen. Askok beldurrez eta gorrotoz bizi dute gaia eta gehienek asperdurarekin lotzen dute”. Leire Arana matematika irakaslearen hitzak dira. Semea Lehen Hezkuntzan matematikekin ezinean zebilela ikusi zuenean, metodologia birplanteatu eta matematikak beste era batera irakasteko ariketak biltzen hasi zen, matematiketan.eus webgunean.

Metodologia abstraktu eta mekanikotik matematika manipulatibora, Leire Aranaren proposamena.

(gehiago…)

Gizonentzako aldizkarietako titularrak emakumeentzako aldizkarien gisakoak balira?

2016-02-22  //  Gizartea, Hedabideak  //  Iruzkinik ez

“Seat baten motorra konpondu bitartean sexy mantentzea posible da”; “Pitopausia, mitoa ala errealitatea?”; “Random aktoreak bere bizitzako paperari egin beharko dio aurre: aitatasuna”… Titular faltsuz jantzita ageri da gizonentzako aldizkaria, emakumeentzako aldizkarietan zabaltzen diren mezuak imitatuz. (gehiago…)

“Irakasle batzuek uste dute umorea erabiliz gero klasearen kontrola galduko dutela”

2016-02-22  //  Hezkuntza  //  Iruzkin bat

“Ikasgelan, umorea gutxi erabiltzen da estrategia didaktiko gisa, bere abantailak ez direlako ezagutzen, irakasle batzuek uste dutelako umorea erabiliz gero klasearen kontrola galduko dutela edo irrigarri geratzeko beldurra dutelako. Eta badira pentsatzen dutenak umorerik ez dutela edo beren ikasgaian umorea ezin dela erabili”.

“Estrategia onena irudimena erabiltzea da”.

(gehiago…)

Maitasuna kontrolarekin parekatzen duen iragarkia, jasotako kritikengatik baztertua

2016-02-15  //  Gizartea  //  Iruzkinik ez

Harreman berriak egiteko Tinder aplikazioan elkar ezagutu duten bi gazte dira iragarkiko protagonistak. Mutilak etengabe kargu hartzen dio neskari, badakiela neskak Tinder erabiltzen jarraitzen duela eta “atsegin dut” ematen diela beste mutil batzuen profilei. Azkenean, amore ematen du neskak, beste mutilen profiletan “atsegin dut” gutxiago sakatzen saiatuko dela hitz ematen dio. (gehiago…)

Haur-futboleko ikuskizun tamalgarriei aurre egiteko, autoarbitrajea

2016-02-15  //  Kirola  //  2 iruzkin

Entrenatzaile eta gurasoen lezioak, presioa –eta sarri baita irain eta indarkeria ere– gainetik kentzeko, Herbehereetan haurrek beraiek arbitratzen dituzte euren futbol partiduak, txandaka. Errespetua, joko garbia eta batez ere askatasuna dira nagusi.

Ikusleek 20 metrora jarraitu behar dute norgehiagoka eta animatu baino ezin dute egin.

(gehiago…)

Gizon zientzialarien biografiak emakumeak bailiran idatziko bagenitu?

2016-02-08  //  Gizartea, Zientzia eta teknologia  //  Iruzkinik ez

“Atleta baten fisikoa eta aktore baten aurpegia zeuzkan. Baina Oliver Sacks-ek nahiago izan zuen zientzia, glamourra baino”. “Senar eta aita eredugarria, Darwinek etxeko lanekin uztartzen zuen bidaietatik ekarritako bildumen ikerketa”. “Inork ezin zuen imajinatu Newtonen begi itzel eta gorpuzkera hauskor horren atzean munduko burmuin liluragarrienetako bat ezkutatzen zenik”.

Ezker-eskuin: Charles Darwin, Isaac Newton eta Oliver Sacks.

(gehiago…)

Aspergerra duen aita-bakarrak gizartearen aurreiritziak apurtu ditu

2016-02-01  //  Gizartea  //  Iruzkinik ez

“Normaltasun” parametroak betetzen ez dituenaren gaitasunak zalantzan jartzera ohituta dagoen gizarte honetan, lezio ederra eman du Bryan aita-bakarrak: sare sozialetan publikaturiko gutunaren bidez, munduari erakutsi nahi izan dio Asperger sindromea duen arren eta zailtasunak zailtasun, gauza dela haurra bakarrik hezteko.

Bryan eta haren alaba Faith. Hasieran, egoerak gain hartu zion aitari.

(gehiago…)

Errefuxiatuak Baigorrin: hasierako mesfidantzatik elkarbizitza ederrera

2016-01-26  //  Gizartea  //  Iruzkinik ez

Joan den azarotik 49 errefuxiatu dituzte Baigorrin. “Herrian denak ez ziren ados ongietorriarekin”, onartu du Jean-Michel Coscarat auzapezak, “pixka bat beldurrarekin ziren”. Hiru hilabetetan, ordea, ikuspuntua aldatu dute.

Herriarentzat “gauza ederra” izan da errefuxiatuak iristea, Baigorriko auzapezaren arabera (Argazkia: Eitb).

(gehiago…)

Kutxazainean lo zaudela hiltzea, gizartearen duintasunaren neurgailu

2016-01-25  //  Ekonomia, Gizartea  //  Iruzkinik ez

Berdin dio joan den astean kutxazainean hil zen emakume etxegabeak zein neurritan egin zien uko zerbitzu sozialei, halako bizimodurik ez delako borondatez hautatzen; bestelako arrazoiak eta argudioak bilatu arren, gure gizartearen ispilu krudela da gertaturikoa: bigarren, eta are, hirugarren mailako herritarrak dituen gizartea garelako; eskubide diren zerbitzu eta prestazio sozialak pribilegiotzat saltzen dituena; jende jakin bat estigmatizatzen, baztertzen, ikusezin bihurtzen duena; bankuek jendea etxetik botatzea sostengatzen duena; etxe hutsak –asko publikoak– mantentzen dituen bitartean, Euskal Herrian 3.000 etxegabe baino gehiago egotea onartzen duena, horietako ugari zuzenean kalean lo egiten; munduko 62 aberatsenek planetaren erdiak adina diru izatea ahalbidetzen duena; fortuna handiei zergak proportzioan igo nahi ez diena; aurrekontu publikoetatik dirutza bideratzen duena beharrezkoak ez diren azpiegitura erraldoietara… Gizarte baten duintasuna halako gertaerek neurtu beharko lukete, denok osatzen dugun gizartea, beste alde batera begiratu bitartean herritar batzuei bizimodu duina bermatzeko gai ez den hau.

Martin Kittoren muntaia.

(gehiago…)