Haurdun geratzen direnak legez babestea akatsa da, Espainiako Enpresarien Elkarteko presidentearen esanetan

2014-10-06  //  Ekonomia, Gizartea  //  Iruzkinik ez

“Emakume bat haurdun geratzen bada eta arrazoi horregatik umea izan ondorengo 11 urteetan ezin bazaio lanetik kaleratu, nor kontratatuko du enpresariak? Nahiago dut 45 urte baino gehiago edo 25 baino gutxiago dituen emakumea kontratatu, bestela, zer egingo dugu arazoarekin?”, adierazi du berriki Mónica de Oriol Espainiako Enpresarien Elkarteko presidenteak.

“Emakume batek, zuzendaritzako postu batera iristeko, edo funtzionario batekin ezkondu behar du, edo umeak oso gustuko dituen senarra izan behar du”.

(gehiago…)

Euskalfobia ikasgeletara darama UPNren estrategia politikoak

2014-10-02  //  Hezkuntza  //  Iruzkinik ez

UPNk irakaskuntza publikoan egin dituen murrizketa bortitzak eta hainbat ikastetxetan dituzten azpiegitura arazoak, ingelesez ikasteko martxan duen PAI proiektu txapuzeroa (diseinatu zuen taldeak dimisioa aurkeztu du dagoeneko) edo LOMCE legeak eragingo dituen lardaskeriak ez dira kezka iturri José Iribas Nafarroako Hezkuntza kontseilariarentzat.

Iribas kontseilaria, testuliburuetan Euskal Herriko mapa ageri dela salatzen.

(gehiago…)

Euskal LOMCEren bideak horma du amaieran

2014-09-30  //  Hezkuntza  //  Iruzkinik ez

Euskara eta Eskola Kontseiluak LOMCE legearen inposizioetatik “aske” geratuko dira EAEn, Eusko Jaurlaritzak Espainiako Gobernuarekin sinatutako akordioari esker. Baina zertan datza adosturikoa eta zenbaterainoko garrantzia dauka?

Ezer ez baino hobea da akordioa, dudarik gabe, baina ez gaitezen engaina, kondarrak dira.

(gehiago…)

Umore zaharkitua, umore berritzailea

2014-09-28  //  Zinema, Zinemaldia 2014  //  Iruzkinik ez

Borja Cobeaga zuzendaria, “Negociador” lanagatik irabazitako Euskal Herriko ekoizpen onenaren saria jasotzen. (Montse Castillo/Donostiako Zinemaldia).

Euskal Herriko ekoizpen onenaren saria irabazteko faboritoa Loreak bazen ere, Borja Cobeagaren Negociador lanak lortu du garaikurra. Eta zur eta lur geratu gara, xinplea iruditu baitzaigu Negociador, Josu Egiguren PSEko lehendakariak ETAko kideekin izandako elkarrizketetan oinarritua: umore malenkoniatsua egin nahi zuela-eta, diskurtso serioa eta Vaya semanita zigilua daramaten topiko-txiste errepikakorrak uztartu ditu zuzendariak, erdibideko emaitza irregularra eskainiz; ez dugu ezer berririk aurkitu lanean. Aldiz, barre gustura egin dugu Relatos salvajes film sarkastiko, odoltsu eta basatiarekin. Europar film onenaren saria irabazi duen istorio bilduma honetan –lantaldea argentinarra izan arren Espainia eta Argentinaren arteko koprodukzioa delako–, gizakion oinarrizko instintuak muturrera eraman ditu zuzendariak, umore beltza –oso beltza–, biziki kritikoa eta garratza erabiliz.

(gehiago…)

Entretenigarria… baina aukera galdua

2014-09-26  //  Zinema, Zinemaldia 2014  //  Iruzkinik ez

Pablo Escobar narkotrafikatzaile ospetsua, eta Benicio del Torok berau nola irudikatu duen ikustea dira Escobar: Paradise lost pelikularen amu zinematografiko eta komertzial nagusiak. Baina ze pena, bigarren mailako pertsonaia da Escobar, pelikulako gaizkilea, eta hain figura konplexu eta interesgarrian sakontzeko, Kolonbiak izan duen gatazkarik garrantzitsuenetakoan barneratzeko aukera aparta galdu du filmak.

(gehiago…)

Dibertsio basatia

2014-09-25  //  Zinema, Zinemaldia 2014  //  Iruzkinik ez

Umore beltza, oso beltza, dario Relatos salvajes filmari. Gizakion oinarrizko instintuak muturrera eramaten ditu zuzendariak, jolas gisa. Jolasa baita Relatos salvajes, istorioaz gaindi baita jolas narratibo eta estetikoa ere. Jolas sarkastikoa, odoltsua, esajeratua. Oso katxondoa eta askatzailea.

(gehiago…)

Edo nirekin, edo inorekin ez

2014-09-24  //  Zinema, Zinemaldia 2014  //  Iruzkinik ez

Dibortzioa nahi du Vivianek, askatasuna, baina Israelen ez da hain erraza: senarrak eman behar dio, edo ortodoxia judutarrak eta matxismoak kutsaturiko epaimahaiak onartu behar du. Azkenean, Gett, The Trial of Viviane Amsalem pelikulan, Viviane bera da epaituko dutena, emakumea delako, gizonen munduan.

(gehiago…)

Azukre ugari, gatz gutxitxo

2014-09-23  //  Zinema, Zinemaldia 2014  //  Iruzkinik ez

39 urte elkarrekin eman ostean, bikote gay bat ezkondu egin da, horren ondorioz lan egiten zuen ikastetxe erlijiosotik bota egin dute bikotekideetako bat, eta diru faltan, pisua saldu eta hurbilekoen etxeetan ostatu hartu beharrean dira. Horrela hasten da Love is strange estatubatuarra, baina abiapuntu indartsu horri askoz ere probetxu handiagoa atera zitzaiokeela da bukaeran geratu zaigun sentsazioa.

(gehiago…)

Negoziaketa irregularra

2014-09-22  //  Zinema, Zinemaldia 2014  //  Iruzkinik ez

Pagafantas filmaren zuzendaria eta 8 apellidos vascos arrakastatsuaren gidoilaria da Borja Cobeaga, baina tonu ilunagoa eta malenkoniatsuagoa dario Negociador bere azken lanari. Hori bai, Vaya Semanita-ren kutsua ez du gainetik kentzen pelikulak.

(gehiago…)

Jaitsiera mutua infernuetara

2014-09-21  //  Zinema, Zinemaldia 2014  //  Iruzkinik ez

“Ez dut zertan hau jasan” esan nahian bezala, lauzpabost ikusle aldi berean atera dira zine-aretotik, The Tribe film ukrainarraren unerik gordin eta deserosoenetakoan. Zinema beti ez baita erosoa, atsegina eta polita. Bizitza bezalaxe. (gehiago…)