Haurrak eta LGBT apologia

2021-06-29  //  Haurrak, LGTBIQ  //  Iruzkinik ez

Apologia arriskutsua irudituko zaio hainbati, LGBT banderak banatzeko haur-parkea aukeratu izana Irunen, ekainaren 28an. Umeak tartean direlarik, sexu askapenaren aldarrikapen edo ikusgarritasun hutsak umeen inozentzia perbertitzen duela uste dute batzuek, Disneyren azken filmarekin edo makillatzen den gizon irakaslearekin berriki ikusi dugun moduan. Alderantziz da ordea, beren identitatea eraikitzen, osatzen eta ezagutzen ari diren sasoian, zeinen baliagarria zaien ikustea abanikoa zabala dela.
(gehiago…)

Gazte parrandazaleak ala pandemiak itotako gazteak?

2021-06-22  //  Gizartea, Koronabirusa  //  Iruzkinik ez

Gazteen “makro-parrandei” eta Ertzaintzak atzemandako “kale-zurrut arduragabeei” sona ematen dieten albisteek talka egiten dute erredakziora iristen zaigun informazioarekin: arazo fisiko eta mentalak garatzen, ikasketetan hondoratzen eta suizidioan pentsatzen ari diren gazteen kopurua hazten ari da kezkagarriki. Errealitate horretaz eta horri aurre egiteko falta diren baliabideez ere hitz egin beharko dugu, egoera lehertu aurretik. (gehiago…)

Hezkuntzaren guru gehiagorik ez, mesedez

2021-05-18  //  Hezkuntza  //  Iruzkinik ez

Andaluzian ikasgeletako ratioak jaitsi –eta horretarako langileak kontratatu– dituzte pandemiagatik eta hara, sorpresa, ikasleen emaitzak eta klaseko giroa hobetu egin dira. Eskolak ez ditu behar edukiz hustutako pedagogia miragarriak saltzen dituzten guruak, ez ditu behar irakasle-izarrak, eskolak baliabideak behar ditu. (gehiago…)

Udaltzain izateko euskara eskatzea diskriminatzailea dela dio EAEko Auzitegi Nagusiak

2021-05-12  //  Euskara  //  17 iruzkin

Irungo udaltzain izateko oposaketetan eskatzen zen euskara jakitea, baina euskara ez dakitenenganako diskriminatzailea dela iritzita, deialdia baliogabetu du EAEko Auzitegi Nagusiak. Diskriminazioa Irungo euskaldunok jasaten duguna, euskaraz artatuak izateko eskubidea beste behin ere bermatuko ez zaigula jakinda.

Argazkia: Irungo Udala

(gehiago…)

Luma duen gizon gehiago behar dugu pantailan

2021-03-28  //  Generoa, Gorputza, LGTBIQ  //  Iruzkin bat

Telebistako lehiakide heterosexual bat gogor iraindu dute, luma dexente izateagatik. Nonbait, luma eta heterosexualitatea ez dira bateragarriak. Baina luma duen gizon gutxi baduzu inguruan, ez da gizon femeninorik ez dagoelako, presioaren eta lotsaren bidez askori txikitatik ezaugarri hori kamustu diotelako baizik. Azkar ikasten dute mutilek luma ezkutatzen, gorputz mugimenduak zurruntzen eta jarrera gogortzen, serio har ditzaten. Datozen belaunaldiak kamusten ez jarraitzeko, luma duten gizonak behar ditugu pantailan, rol eta protagonismo maila ezberdinetan, bestelako maskulinitate ereduak ikusaraziz eta normalizatuz. (gehiago…)

Ikasketa librea ez da hain librea

2021-02-09  //  Hezkuntza  //  Iruzkinik ez

Ikasketa prozesua haurraren interes eta jakin-minetatik abiatzea ez da premisa txarra, baina ñabardura inportantea egin du Ani Perez pedagogoak: haurraren testuinguru sozial, ekonomiko eta kulturalak eragina du interes eta jakin-min horietan, ez baita gauza bera esaterako liburuz betetako etxe batean edo libururik gabekoan bizitzea, eta horregatik, bidelagun bakarrik ez, akuilu ere izan behar du hezitzaileak, haurrak aukera guztiak eskura dituela ziurtatzeko. (gehiago…)

Eskola lotsarazi duen gona

2020-11-13  //  bullyinga, Diskriminazioa, Hezkuntza, Sexismoa  //  Iruzkinik ez

Mikel gona jantzita joan da eskolara, eta ikastetxeak denontzat espazio seguru eta babesgune direnez, hainbat ikaskideren irainen aurrean irakasleak aprobetxatu du klasea gelditu, Mikelen ausardia txalotu eta generoaz, aniztasunaz, enpatiaz eta askatasunaz eztabaidatzeko. Hori baita hezkuntzaren funtsa… baina ez da hori gertatu. (gehiago…)

Ikasleak naturara ateratzea uzten ez duten ikuskariak

2020-10-20  //  Hezkuntza, Ingurumena, Koronabirusa, Osasuna  //  Iruzkinik ez

Jaurlaritzak ez dizkienez nahikoa baliabide pertsonal jarri, eskola bateko irakasleek laguntza eskatu diete gurasoei 5 urteko ikasleekin berdeguneetara atera ahal izateko. Hezkuntza ikuskariak, ordea, galarazi egin du gurasoek halakorik egitea, baina kanpora irteteko irakasle gehiago ere ez dizkiete esleituko. Haurrek ezingo dute hortaz ikasgelatik atera. Zertarako daude ikuskariak, ikastetxeari laguntzeko ala protokoloaren aitzakian alternatiba bideragarriak zapuzteko? (gehiago…)

Nola erabili pandemia haurren jarduerak (ere) pribatizatzeko

2020-10-18  //  Haurrak, Kirola, Koronabirusa  //  Iruzkinik ez

(gehiago…)

Espazio publikoa lapurtu digute

2020-09-28  //  Diskriminazioa, Gizartea, Hirigintza, Koronabirusa, Migrazioa, Pobrezia  //  Iruzkinik ez

Norbere etxeko balkoiaren tamainari begira jarri gaituzte eta espazio publikoa ostu digute. Pandemia aukera paregabea zen babesgabeenen araberako auzoak birpentsatzeko, oinezko eta bizikletek espazio publikoa konkistatzeko, hezkuntza parkeetara ateratzeko. Pandemia, ordea, aitzakia izan da espazio publikoa negozio pribatuen terrazekin betetzeko, –bereziki migratzaileak jomuga dituzten– polizien kontrolak areagotzeko, eta Baionan ikusi berri dugunez, etxegabeak kaletik botatzeko. (gehiago…)