Nondik hasi eskola birpentsatzen?

2020-06-01  //  Harremanak, Hezkuntza, Natura, Zaintza  //  Iruzkinik ez

Hezkuntza komunitateak online i(ra)kaskuntzan murgildu behar izan duelarik, agerian geratu da zer botatzen dugun faltan aurrez aurreko eskoletatik eta zer igaro den bigarren mailako izatera. Izan daitezela faltan bota ditugun horiek hemendik aurrera nahi dugun eskolaren lehentasun. (gehiago…)

Klaseak aire zabalean emateko aprobetxatuko bagenu egoera?

2020-05-26  //  Hezkuntza, Natura, Osasuna  //  3 iruzkin

Eskola presentzialetara itzultzean, ahal den neurrian klaseak aire zabalean izatea gomendatu du Osasunaren Mundu Erakundeak, leku itxietan errazago transmititzen baitira birusak. Hormarik gabeko eskolak, dena den, ez dira kontu berria, batzuek aspaldi deskubritu zituzten espazio irekien onurak. (gehiago…)

Eskolak ireki ikasle zaurgarriengatik? Aspaldi abandonatu zituen Jaurlaritzak

2020-05-18  //  Hezkuntza  //  Iruzkin bat

Urkulluk esan du “ikasle zaurgarrienen kasuan sortu den desorekari aurre egiteko ikastetxeak zabaltzea ezinbestekoa” dela, eta lehendakariaren bat-bateko kezkak harritu nau. Arrakala sozio-ekonomikoan oinarrituriko ikasleen segregazio eta ghetifikazioa ez da pandemia garaiko kontua, eta arrakala horri aurre egiteko neurri zehatzak proposatu izan zaizkion arren, Jaurlaritzak nahiago izan du gure hezkuntza eredu segregatzailea bertan goxo mantendu. (gehiago…)

Barkatu baina ordubete egunean ez da nahikoa

2020-05-11  //  Haurrak, Haurren haziera, Ingurumena, Jolasa, Natura, Osasuna  //  Iruzkinik ez

(gehiago…)

Eskola, gurasoak lanera joan ahal izateko aparkaleku?

2020-05-03  //  Haurrak, Hezkuntza  //  Iruzkinik ez

Bai, eskolak asko du zaintzatik (bere adiera zabalenean) eta bai, etxe askotan sortu den kontziliazio arazoari erantzutea beharrezkoa da, baina bestelako neurriak hartuz, Espainiako Gobernuak egin duen planteamenduarekin haserre baita irakasle ugari: gogoratu dute Haur Hezkuntzaren funtzioa ez dela seme-alabak bertan “aparkatzeko” lekua izatea, gurasoak lanera joan ahal izateko. (gehiago…)

Eta haurrek zer diote?

2020-03-29  //  Haurrak, Hezkuntza  //  2 iruzkin

Dagoeneko, etxe askotan dagoen tentsioa xurgatu dute txikienek, eskolako lanek –eta gero eta handiagoa den arrakalak– gainditu ditu bat baino gehiago, eta berrogeialdia hasi zenetik kalea apenas zapaldu duten gehiengoek. Ze beldur, ze kezka eta ze behar dituzte haurrek krisi garaiotan? Zeinek galdetu die?

Maitane Gartziandiaren ilustrazioa.

(gehiago…)

Gizarte arrakalak agerian utzi ditu koronabirusak

2020-03-18  //  Ekonomia, Gizartea, Pobrezia  //  Iruzkinik ez

Denek ez dugu berdin jasango berrogeialdia. Etxegabeak, euren segurtasuna bermatu gabe enplegu prekarioetara joaten segi behar dutenak, lanetik kaleratuko dituztenak eta fakturei aurre egin ezingo dietenak, indarkeria matxista etxean pairatzen dutenak, zaintza lanek zamatuak, balkoirik gabeko espazio gutxiko etxeetan bizi direnak, migratzaileen zentrotan pilatuta segitzen dutenak… Egoera ugari ikusgarriago eta are zaurgarriago bilakatu ditu koronabirusaren krisiak. (gehiago…)

Berrogeialdian seme-alabekin egunez egun osatzen joateko ipuina

2020-03-17  //  Haurrak, Haurren haziera, Hezkuntza  //  Iruzkinik ez

Etxetik ezin atera gauden honetan, sormena lantzeko proposamena dakarte Iñaki Sanz-Azkue irakasleak eta Eñaut Aiartzaguena marrazkilariak: hamabost egunez, egunero igoko dute internetera Etxeko leihotik ipuinaren pasarte bat (haurrak pasartearen marrazkia egin dezan) eta pasarte horri lotutako zuri-beltzezko ilustrazioa (marrazkia sortu ordez ilustrazioa koloreztatu nahiago duenarentzat). Jolas moduan egunetik egunera ipuina osatzen joatea eta bide batez irakurmena lantzea da asmoa. Nahi duten haurrek eurek asmaturiko ipuina idatzi eta bueltan ipuin horri propio egindako marrazkia jasotzeko aukera ere ematen du Aiartzaguenak, bestelako material ugari eskaintzeaz gain. (gehiago…)

Ez, ikasle guztiek ez dute etxetik ikasteko aukera

2020-03-16  //  Diskriminazioa, Hezkuntza, Teknologia berriak  //  6 iruzkin

Nire inguruan, Lehen Hezkuntzako txikienei testu-liburuko lanak agindu dizkiete egun hauetarako (irakasleak gurasoekin izango du harremana, email bidez) eta adin batetik gora, internet bidez arituko dira ikasleak, koronabirusaren epidemiak etxean sartuta dituen bitartean. Baina ez dezagun ahaztu, etxe guztietan ez dago ordenagailua eta etxe guztietan ez dute internet. (gehiago…)

“Beldurgarria da zerbitzariok bezeroengandik jasaten dugun tratua eta despertsonalizazioa”

2020-03-03  //  Harremanak, Lana  //  3 iruzkin

Kontsumitzaile rola hartzen dugunean, maizegi eta errazegi zapaltzaile bihurtzen al gara herritarrok? Gogoetarako salaketa utzi du Oihane Agirre zerbitzariak: “Ostalaritzako langileok, zerbitzu bat eskaini beharrean morrontza egoeran gaudela dirudi; egundokoak entzuten ditugu astebururo”.

(gehiago…)