Muñecas eta frankismoko beste hiru torturatzaile atxilotzeko agindua du Interpolek

2013-09-19  //  Politika  //  Iruzkin bat

Jesus Muñecas domina bat jasotzen 1976an

Argentinako María Servini de Cubria epaileak frankismo garaiko lau torturatzaile atxilotzeko nazioarteko agindua eman du, Celso Galván Abascal Espainiako Errege Etxeko eskolta ohia, Jose Ignacio Giralte González poliziaren komisario ohia, Juan Antonio Gonzalez Pacheco inspektorea –Billy el Niño  izenez ezagun egin zena–, eta Jesus Muñecas Aguilar guardia zibilen kapitain ohia.

Duela gutxi Jesus Muñecas kapitainaren iragan iluna azaltzen duen biografia argitaratu genuen. Besteak beste 1976an Anparo Arangoa leitzarrak jasandako torturen erantzuletzat jo izan da Muñecas.

Arangoaren kasuaz dokumentala ikusi ahal izango da gaurtik aurrera ARGIAren webgunean. (gehiago…)

Katalunia “guziz leial ilezkorra”

2013-09-18  //  Politika  //  Iruzkinik ez

Mariano Rajoyk iraganean hainbeste indar zuen sentimendu bati deiadar egin dio kataluniarren asmoei aurre egiteko: leialtasuna

Artur Mas Kataluniako lehendakariari “leialtasuna” eskatu dio Mariano Rajoy Espainiakoak. EAJren eta PSEren arteko itun fiskalean ere Patxi Lopezek “leialtasuna eman eta exijituko” duela azaldu du. Modan jarriko ote da berriz ere ditxosozko hitza? (gehiago…)

Herri akordioak?

2013-09-10  //  Ekonomia, Politika  //  Iruzkinik ez

EAJ eta PSE ez dira sindikatu eta eragileekin eseri akordioa osatzeko (Arg.: El País)

EAJk eta PSEk atzo adostu zuten akordio ekonomikoak esparru zabalak jasotzen ditu bere baitan eta sinatzaileek ez dute dudarik izan dokumentuan (pdf) “herri akordio” hitza erabiltzeko. Izan liteke bi alderdiren artean egindako akordioa, edo, Idoia Mendiak esan moduan, “herritarren mesedetan” egindako akordioa –zeinen mesedetan bestela?–. Baina herri akordioak lortzeko bidean, osagai asko falta zaizkio oraindik. (gehiago…)

AHTren amesgaiztoa

2013-08-29  //  Azpiegiturak  //  Iruzkinik ez

Urumea bailaran gora, mendi magalek oraindik errioari arnasa hartzen uzten dioten puntuan, paisaia harrigarri bat deskubritu dugu. Gure bizikletekin Loidiko zubia igaro eta Errotaran baserria pasa ondoren, AHTren obrekin izan dugu istripua.

AHTren obrek ezkutaturik aurkitu dugu Gure Ametsa izeneko etxea, Hernani eta Urnieta artean

(gehiago…)

Hernani, pueblo de la tradición de España

2013-07-18  //  Historia, Politika  //  Iruzkin bat

Egun tristea dut gaurkoa. 34 urte bete ditut, eta lehen aldiz ikusiko dut gure herriko udaletxean piper-potoa jarrita. Carlos Urquijo Espainiako Gobernuko delegatuak honako oharra kaleratzea besterik ez da falta:

“El siglo de las melancolías sin recato esparció por el mundo el nombre de Hernani. Hoy, nuestra santa rebeldía, victoriosa al fin, rescata la eufonía del nombre, Hernani: pueblo de la tradición de España”.

 

Hernaniri sekula ez zioten barkatu gerra karlistetako liberalkeria ezta errepublikako ezkertiarkeria eta abertzalekeria ere. Gaur Urquijok eta enparauek bere “ezker abertzalekeria” barkatzen ez dioten moduan, noski.

(gehiago…)

Ikurrinaren historian hamalau irudi

2013-07-12  //  Gizartea, Politika, Uncategorized  //  5 iruzkin

Uztailaren hamalaugarrenean zabaldu zuten Bilboko Euzkeldun Batzokiyan lehen aldiz ikurrina Arana anaiek. 1894a zen. Aurtengo Sanferminetako txupinazoan berriz ere protagonista izan da ikur txuri-gorri-berdea. Uztailaren hamalaugarren honetan, batzuek pobre de mí-a kantatuko dute, besteek kutsu iraultzaile oro galdu duen festa nazionala ospatu, eta agian baten batek irakurriko du ikurrinaren historiako hamalau irudi gogoangarrienen kronika hau.

(gehiago…)

Presa lehertu zenekoa

2013-07-05  //  Azpiegiturak, Gizartea, Ingurumena  //  Iruzkin bat

Barnaolako presa eraiki eta ia mendea igaro ostean lehertu zuen horma ur erauntsi batek. Gai izango al gara egungo azpiegituren segurtasuna hemendik mende barru bermatzeko?

Euskal Herriak badu bere Vajont txikia, Mutiloan gertatu zen duela 25 urte. 1988ko uztaileko eurite handien ondorioz meatzeetako materiala garbitzeko presa bat lehertu zuen errekak eta bailaran behera erauntsi zituen han biltzen ziren lokatz kutsatuak. Zorionez ez zuen ondorio larririk eragin, eurite haietan ordea hainbat lagun hil ziren Gipuzkoan. (gehiago…)

Nafarroako sozialistak Sakanako atez atekoaz: “Hau etorkizuna da”

2013-06-27  //  Azpiegiturak, Gizartea, Ingurumena, Osasuna  //  Iruzkinik ez

Nafarroako Legebiltzarreko talde politikoak Sakanan izan ziren bertako hondakin bilketa sistema ezagutzen. Zenbait alderdiren ahotik entzuten ohituta ez gauden esaldiak bota zituzten. (Arg.: Nafarroako Legebiltzarra)

Laster hasiko dira Sakanan hondakinak atez ate biltzen. Altsasu eta Irurtzun oraingoz aparte geratu dira, baina gainerako herrietan %80 birziklatzeko karrerari ekingo diote; auzokonposta eta autokonpostarako jarri ditu Sakanako Mankomunitateak indar gehienak, bertako ekonomiarentzako pizgarri ere izateko helburuz. Duela bi egun Nafarroako Parlamentuko talde politikoak izan ziren eskualde horretako sistema ezagutzen. Gipuzkoan atez atekoaren kontra dauden politikarien ahotik entzuten ohitu gabe gauden esaldiak bota zituzten:   (gehiago…)

Zein da Inasako langileen ondasuna?

2013-06-14  //  Ekonomia, Gizartea  //  Iruzkinik ez

Inasako langileek mobilizazioekin segiko dutela iragarri dute (Arg.: Argazki Press / Jagoba Manterola)

Inbertitzailea pozik atera zen atzo Nafarroako Gobernuarekin eta Inasako langileekin egindako lehenengo bileratik,  hala adierazi dio astekari honi Fernando Carrion LABeko ordezkariak. Datorren astean berriz bilduko dira proposamen konkretua mahai gainean jartzeko.   (gehiago…)

Elurre Lazkaomendin

2013-06-12  //  Energia, Politika  //  Iruzkinik ez

Elurra
[Esanahi ofiziala]: Hodeietatik maluta edo izotz-pikor zuritan erortzen den ur izoztua (Harluxet hiz.)
[Goierriko adiera]: Norbait edo zerbait aldrebestuta dabilenean; ohiz kanpoko gertaeretan; xelebrekeriak nabarmentzeko. (Adib.: Aurten e ingo do elurre!)

Bada hori, ekainean gaude eta… Lazkaomendin aurten elurra seguru.