Denbora gehiago pasatzen dugu familian… baina mugikorrari begira

2019-04-26  //  Haurren haziera, Teknologia berriak, Zaintza  //  Iruzkinik ez

Denbora gehiago elkarrekin, elkarri jaramonik egin gabe. Horrela laburbildu daiteke Britainia Handian berriki kaleratu duten ikerketa baten emaitza: etxean gurasoekin lehen baino denbora gehiago pasatzen dute seme-alabek, baina nor bere munduan, mugikorrari so.

(gehiago…)

Musika ikasgaia, zaharkitua? Inola ere ez!

2019-03-28  //  Hezkuntza, Musika  //  Iruzkin bat

Musikako irakasleei formakuntza eta motibazioa falta zaiela eta irakasle hauek teknologia berriak gutxiesten dituztelako ikasgaia zaharkituta geratu dela kaleratu du El País-ek, eta haserre erantzun du Musika irakasle batek: topikoak gezurtatuz, errealitatea oso bestelakoa dela azaldu du. (gehiago…)

Haur literaturan (ere), gainbabesa?

2019-03-10  //  Haur literatura, Haurrak, Hezkuntza, Literatura  //  Iruzkinik ez

Idazleek Alean haur literaturaz egin duten erradiografia kritikoak gogoetarako ideia interesgarriak utzi dizkigu: 1) Umearen aisialdiaren “alde txepelena” ari omen da hartzen literatura. Balio subertsiboa desagertu da haur literaturatik eta horren atzean gehiegizko babesa dago. Baina beldurra edota gai deserosoak umeentzako kontakizunetatik baztertzea arazo larria da, ezer txarrik ez duen mundu gainbabestu hori irreala baita. (gehiago…)

Mila ez da bakarrik sentitzen eta Mohacinek badu non lo egin

2019-02-17  //  Migrazioa, Zahartzaroa, Zaintza  //  Iruzkinik ez

Migratzaile askoren patua iritsi zitzaion Mohacini iaz: 18 urte bete zituenean, adin txikikoen zentroa utzi behar izan zuen, kale gorrira kondenatu zuten. Zorionez, 71 urte dituen Milagros Martinez bilbotarrak bere etxean hartu eta elkarrekin bizi dira orain. “Bakarrik bizi nintzen eta Mohacinekin lagunduta eta gustura sentitzen naiz, bakean. Nire adineko jende asko bakardadeaz kexatzen da; bada, horrelako pertsona bat hartzeak bizitza erdia salba diezazuke, eta gainera premia duen pertsona bati laguntzen diozu”. (gehiago…)

Mugikorra izateko gutxieneko adina: 16 urte

2019-02-03  //  Haurrak, Menpekotasunak, Teknologia berriak  //  2 iruzkin

Adituak garbi du: 16 urte bete arte, garunaren garapenak ez du nahikoa heldutasun eta gaztea ez dago prestatuta mugikorra izateko. Eta gainera, behar ere ez da behar mugikorrik lehenago, ez da egia haurrei integratzeko eta harremanak egiteko balio dienik. Behar faltsu bat sortzen ari gara, epe luzera frustrazioa, estresa, antsietatea, koldarkeria… eragin dezakeena. (gehiago…)

Ez ukitu nire maskulinitatea!

2019-01-17  //  Generoa, Matxismoa, Sexismoa  //  2 iruzkin

Sexismoan, genero indarkerian, bullyingean gizonok dugun ardura fokupean jarri du iragarki batek (behean bideoa) eta gizon asko neurrigabe mindu, asaldatu eta amorratu dira. Youtuben boto negatibo izugarria du dagoeneko iragarkiak, produktua boikotatzera deitu dute eta barkamena eska dezala exijitu. Txikitatik jaso ditugun genero rol eta botere posizioa birpentsatzea baino erosoagoa da “denak ez gara gaiztoak” leloa errepikatzea. (gehiago…)

Urkulluk ikusten ez duen xenofobia

2018-12-20  //  Migrazioa, Xenofobia  //  Iruzkinik ez

Migrazioari buruzko itun soziala proposatu du Urkullu lehendakariak, EAEra datozenentzako harrera eta integrazio hobea eskatuz, mezu xenofoboei aurre egiteko batasuna aldarrikatuz. Etxe barrutik hasi beharko luke, ordea. (gehiago…)

Nork eta noiz esan behar dio haurrari Olentzerori buruzko egia?

2018-12-17  //  Haurrak, Hezkuntza  //  9 iruzkin

7 urterekin esan zigun guri irakasleak ez zela Olentzero opariak etxera ekartzen zituena. Gertaerak ez zuen gurasoen artean zalaparta handiegirik sortu, haserreren bat edo beste bai. Berriki, Bizarzuri gurasoak direla esan die irakasle batek 6 urteko umeei AEBetan, eta zuzendariak ikastetxetik bota du irakaslea. Gai honetan bezala beste hainbatetan, zein “eskumen” dagozkio ba ikastetxeari? (gehiago…)

Ortografia akatsen izurritea

2018-12-10  //  Hezkuntza  //  2 iruzkin

Edukia zuzen baldin badago, adierazkortasunari eta ortografia akatsei garrantzia kentzen zaiela eta unibertsitateraino ikasle ugari gaizki idatziz iristen direla dio El Paíseko artikulu batek; ortografia akatsen izurritea bizi dutela Espainian. Nago, euskararekin ere antzera gabiltzala, WhatsApparen aroan. (gehiago…)

Batxilergoko ikasleek esku protesikoa egin diote Anderri

2018-11-19  //  Aniztasun funtzionala, Hezkuntza  //  Iruzkinik ez

Lizardi institutuko ikasle batek proposatu zion Anderri: “Protesiak lantzen gabiltza eskolan, egingo dizugu esku protesiko bat?”. Anderrek inoiz ez du halakorik izan, ezker eskua falta zuela-eta egin zizkioten ebakuntza ugarien ostean 12 urterekin protesia gomendatu ziotenean erabaki zuelako garestiegia zela. Orain, 3D inprimatzailea erabiliz neurrira egindako eskua oparitu diote Industria Teknologia ikasgaiko ikasleek, eta “hunkituta” jaso du oparia. Emaitza ikusita, protesia behar duten umeentzat halakoak egitea jarri du helburutzat Batxilergoko irakasleak. (gehiago…)