Korrika islandieraz eta erupzioak euskaraz

Atalak: Islandiera ikasten, Poemak

Gaur Korrika pasa da Hernanitik, eta petoak agortu egin dira. Besterik ezean, erabili dut alabak eskolan egindakoa, pozik! Giro ederra herriko kaleetan barrena.

Mikel Asurmendik eskatu zigulako, aste honetan Islandiako lagun batek, Haukur Ástvaldsson, Korrikari buruz Lander Arbelaitzek idatzitako testua islandierara itzuli du, gaztelaniatik.

Eskerrak ematearren (takk!), nik hartu dut Islandiako bere eskualdeko poema bat, eta euskarazko bertsio bat idazten saiatu naiz, ingeleserako itzulpena erabiliz. Testua da Jónas Þorbjarnarson (Akureyri, 1960) idazlearen “Umbrot” poema (behean euskaraz):

Jónas Þorbjarnarson: Hliðargötur [Etxarteak] (JPV útgáfa, 2001)

alla tíð í mótun
ný kort villandi jafnharðan
nýjar hræringar

ég var einhver en svo hitti ég þig…

fólk breytir hvert öðru
veldur jafnvel gosi hvert í öðru

því undirniðri kynda okkur, ráða okkur
allslags kvikutengsl

og ástarfjall rís –

lyftir landslagi ævinnar
við erum síkvik jörð

ERUPZIOAK

Etengabe aldakorra den lurra gara

beti forma hartzen ari
mapa berriak berehalako nahasleak
iraultza berriak

ni norbait nintzen baina zurekin topo egin ondoren…

jendeak elkar eraldatzen du
elkarrengan erupzioak sortzeraino

zeren barrutik pizten baikaituzte, forma
guztietako elkarketa magmatikoak baldintzatuta

eta maitasun mendi bat altxatu egiten da:

gure bizitzen paisaiak goratuz
etengabe aldakorra den lurra gara