Dozena erdi aforismo

Atalak: Aforismoak

ETB1eko Berandu baino lehen saioan entzun nion Atxagari, euskararen auzia itzulpenak direla. «Itzulpenaren auzia soluzionatzen badugu euskaldunok, euskarak aurrera egingo du,» esan zion Fermin Etxegoieni. Baina, haatik, ez zegoen kontentu hainbat itzulpenekin, ulergaitz zirelakoan.

Itzulpengintzaren bidez euskararen salbaziori gaurko nire ekarpena egiteko edo, dozena erdi aforismo itzuli berri ditut, nahiz eta ulergaitz izateko arriskua duten. Hauek:

Aforismoaren kontrakoa, logura.

*

Handiak antzematen dira hazten jarraitzen dutelako.

*

Onak izanaz damutzen garenean, ez ginen onak izan, ergelak baizik.

*

Iraganari beldur diot. Atzetik eraso ohi dit.

*

Zeremonien geldotasuna dagoeneko sakrifizio bat da.

*

Idazle originala ez da imitatzen ez duen hori, baizik eta besteek imitatzen dutena.

Enrique García-Máiquez (jatorrizkoa hemen)