Gizonezkoek izkiriaturik ene poema feministak

Atalak: Filmak, Poemak

Pikuei buruzko D. H. Lawrenceren poema irakurtzen nengoela (hemen), konturatu nintzen egon badaudela poema feminista batzuk gizonezkoek egindakoak. Gaitzerdi! Hauxe da nire gogokoenetako bat, agian liburua Billy Collinsek berak sinatu zidalako. B serieko zientzia-fikziozko filmak ikusi dituenak jakingo du poemak zertaz diharduen. Beste adibide bat ezagutzen baduzu, esan!

GIZONA ESPAZIOAN

Entzun besterik ez duzu behar
mahai bateko gizonak emazteari nola mintzo zaion,
erreparatu nola tematzen den bere puntua adierazten
emakumearen beheko ezpainak dardaratzeari ekin dion arren,

eta ikasiko duzu zergatik zientzia-
fikziozko filmetako emakumeak,
beren planetan andre eta jabe direnak,
ez diren agertzen entsalada bat egiten edo aldizkari bati begira
beren espazio-ontzian Lur planetako gizonak etortzen direnean,

zergatik dauden beti zirkuluerdi batean zutik
besoak gurutzatuta, hanka biluzik eta zuzen,
bularrak metalezko disko gogorrek babestuta.

The Art of Drowning (1995, University of Pittsburgh Press)

MAN IN SPACE

All you have to do is listen to the way a man
sometimes talks to his wife at a table of people
and notice how intent he is on making his point
even though her lower lip is beginning to quiver,

and you will know why the women in science
fiction movies who inhabit a planet of their own
are not pictured making a salad or reading a magazine
when the men from earth arrive in their rocket,

why they are always standing in a semicircle
with their arms folded, their bare legs set apart,
their breasts protected by hard metal disks.

Billy Collins