Nevermind, Leonard Cohen

Atalak: Diskoak

Miguel Esteves Cardoso kazetariak dio bere Explicações de Português (2001) liburuan:

“Tive a sorte de passar dos dias com Leonard Cohen, meu ídolo há vinte e cinco anos. Manda-me faxes, aos quais, por timidez, nunca respondi. O primeiro que recebi dizia somente ‘And yet…’. Cohen tinha ficado fascinado pelo hábito português do todavia, porém, no enquanto. Expliquei-lhe que, na nossa cultura, nenhuma afirmação era completa. Ele dizia: ‘Este Bloody Mary está óptimo!’ E eu respondia: ‘E no entanto…’ Ele ria-se e acrescentava: ‘E, no entanto, o anterior estava melhor…’”

Bai, hemen ere badakigu zer den hori: “Eta, bestalde, aurrekoa hobe zegoen.” Batzuetan horixe sentitu izan dut Leonard Cohenek disko berria ateratzen zuenean: “Ona da, baina bestalde…” Ez oraingoan, ordea. Disko berri hau, Popular Problems, laburra izan arren oso ona da. Old Ideas, The Future, edota I’m Your Man diskoen pareko une batzuk ditu. Kantu zaharragoak ere, The Partisan esate baterako, gogorarazi dizkit. Baina kantu horretan frantsesez kantatzen bazuen, Nevermind honetan kantugile judutarrak arabiera aukeratu du partaide gisa. Salam, salam! Juan Luis Zabalak osorik noiz itzuliko, euskarazko bertsio libreari ekin diot…

Gerra galduta
hitzarmen sinatu da
mugan saiatu arren
ez naute antzeman
zuen artean bizi naiz
ongi mozorrotuta

utzi behar izan nuen
nire bizitza atzean
zuloak ireki nituen
aurkituko ez dituzunak
kontakizuna egiten da
gertakizunez eta gezurraz
badut izen bat
baina berdin da

berdin da
berdin da
gerra galduta
hitzarmen sinatuta
biziko den egia
eta hilko dena
zein den zein ez dakit
baina berdin da…